ரொம்ப ஈசி.. வெறும் 7 ஸ்டெப்தான்.. எளிதாக பாஸ்போர்ட் பெற முடியும்.. முதலில் இதை படிங்க!

சென்னை: இணையம் மூலம் பாஸ்போர்ட் பெறுவதற்காக அப்பாயிண்ட்மெண்ட் பெறுவது எப்படி என்று இந்த செய்தியில் பார்க்கலாம்.

இந்தியாவில் பல்வேறு சேவைகள் இணைய ரீதியாக வழங்கபட்டு வருகிறது. ஆன்லைன் சேவைகளின் எண்ணிக்கை அதிகரித்து வருகிறது.

அதிலும் ஆதார் வந்த பின் ஆன்லைன் சேவைகள் அதிகரித்துவிட்டன. ஆதார் கார்டு தற்போது நாட்டில் முக்கியமான அடையாள அட்டையாக மாறிவிட்டது. பல சேவைகளுக்கு இந்தியாவில் ஆதார் கார்டு முக்கியம் என்று அறிவிக்கப்பட்டு உள்ளது. பல துறைகளில் ஆதார் கார்டுகளை இணைக்க வேண்டியதும் அவசியம் ஆகிவிட்டது.

மத்திய அரசு சேவைகள், மாநில அரசு சேவைகளை பெற ஆதார் கார்டு முக்கியம் ஆகி உள்ளது. ஆதார் எப்படி ஆன்லைன் சேவைகளை அதிகப்படுத்தியது அதேபோல் தற்போது பாஸ்போர்ட் பெறுவதும் ஆன்லைன் மூலம் எளிதாகிவிட்டது.

இணையம் மூலம் பாஸ்போர்ட் பெறுவதற்காக அப்பாயிண்ட்மெண்ட் பெறுவது எப்படி என்று இந்த செய்தியில் பார்க்கலாம்.

நீங்கள் இந்தியாவில் உள்ள இந்திய குடிமகனாக இருக்கும் பட்சத்தில் பின்வரும் வழிகளை பின்பற்றினாலே நாம் எளிதாக பாஸ்போர்ட்டை பெற முடியும்.

படி 1 பாஸ்போர்ட் சேவா ஆன்லைன் போர்டலில் பதிவு செய்யவும். இதில் உங்களுக்கு என்று ஒரு யூசர் நேம், பாஸ்வேர்ட் கொடுத்து கணக்கு தொடங்க வேண்டும். (https://passportindia.gov.in/ என்ற பக்கத்தின் முகப்புப் பக்கத்தில் உள்ள "Register Now" என்ற இணைப்பைக் கிளிக் செய்யவும்).

படி 2 படி 1 இல் உருவாக்கப்பட்ட யூசர் ஐடி மூலம் பாஸ்போர்ட் மூலம் சேவா ஆன்லைன் போர்ட்டலில் உள்நுழைக.

படி 3 "Apply for Background Verification for GEP" என்ற இணைப்பைக் கிளிக் செய்யவும்.

படி 4 பக்கத்தில் கொடுக்கப்பட்டு உள்ள படிவத்தில் தேவையான விவரங்களைப் பூர்த்தி செய்து சமர்ப்பிக்கவும்.

படி 5 சந்திப்பைத் திட்டமிட, " Pay and Schedule Appointment" திரையில் உள்ள "View Saved/Submitted Applications" என்ற இணைப்பைக் கிளிக் செய்யவும்.

இதன்பின்தான் உங்களுக்கான பாஸ்போர்ட் அலுவலக புக்கிங்கை மேற்கொள்ள முடியும்.

அனைத்து PSK/POPSK/PO களிலும் அப்பாயிண்ட்மெண்ட் பெற, முன்பதிவு செய்வதற்கு ஆன்லைன் கட்டணம் கட்டாயமாக்கப்பட்டுள்ளது.
பின்வரும் முறைகளில் ஏதேனும் ஒன்றைப் பயன்படுத்தி ஆன்லைனில் பணம் செலுத்தலாம்:
கிரெடிட்/டெபிட் கார்டு (மாஸ்டர்கார்டு மற்றும் விசா)
இன்டர்நெட் பேங்கிங் (ஸ்டேட் பேங்க் ஆஃப் இந்தியா (எஸ்பிஐ) மற்றும் பிற வங்கிகள்)
UPI கட்டணம்

படி 6 அப்ளிக்கேஷன் எண் (ARN)/அப்பாயிண்ட்மென்ட் எண் அடங்கிய விண்ணப்ப ரசீதை பிரிண்ட் எடுக்க , "Print Application Receipt" இணைப்பைக் கிளிக் செய்யவும்.

ஆனால் இனிமேல் இந்த பிரிண்ட் காப்பியை பாஸ்போர்ட் அலுவலகத்திற்கு கொண்டு செல்ல வேண்டியது அவசியம் இல்லை. வெறுமனே நமக்கு வந்திருக்கும் மெசேஜை காட்டினாலே போதும்.

படி 7 அப்பாயிண்ட்மெண்ட் உறுதியான பின் அசல் ஆவணங்களுடன் அப்பாயிண்ட்மெண்ட் பதிவு செய்யப்பட்ட பாஸ்போர்ட் சேவா கேந்திரா (பிஎஸ்கே)/மண்டல பாஸ்போர்ட் அலுவலகத்தை (ஆர்பிஓ) பார்வையிடவும்.

அங்கே பணிகள் முடிந்த பின் போலீஸ் வெரிஃபிகேஷன் குறிப்பிட்ட நாளில் உங்கள் வீட்டிற்கு வரும். அதன்பின் உங்களுக்கு பாஸ்போர்ட் சில நாட்களில் வீட்டு விலாசத்திற்கு வந்து சேரும்.

English summary

How to get Indian passport easily with these 7 steps? Follow this for hustle-free works