சென்னை பஸ் ஆப்பை பயன்படுத்தி எம்டிசி பேருந்துகளின் இருப்பிடத்தை அறிந்து கொள்வது எப்படி ?

சென்னை பஸ் ஆப்பை பயன்படுத்தி எம்டிசி பேருந்துகளின் இருப்பிடத்தை எப்படி அறிந்து கொள்வது என்பதை இப்போது பார்ப்போம்.

சென்னை: சென்னையில பொது போக்குவரத்தை நம்பி இருக்கிறவங்க இனிமே நீண்ட நேரம் காத்திருக்க தேவையில்லை. ஏனெனில் தமிழக மக்கள் சென்னை பஸ் அப்படீன்ற ஆப்பை பயன்படுத்தி எம்டிசி பேருந்துகள் மற்றும் விரைவு பேருந்துகள் எங்கு வருகின்றன என்பதை எளிதாக அறிய முடியும்.

சென்னை மாநகரில் பேருந்துகள் வந்து கொண்டிருக்கும் இடம், வந்து சேரும் நேரம் உள்ளிட்ட விவரங்கள் அடங்கிய மொபைல் ஆப் தமிழக அரசால் கடந்த ஆண்டு அறிமுகம் செய்து வைக்கப்பட்டுள்ளது.

நீண்ட தாமதத்திற்குப் பிறகு, பெருநகரப் போக்குவரத்துக் கழகம் (MTC) எம்டிசி பேருந்துகளின் இருப்பிடத்தை நிகழ்நேர அடிப்படையில் வழங்கும் 'சென்னை பஸ்- மொபைல் செயலியை அறிமுகப்படுத்தி இருந்தது.

602 வழித்தடங்கள்

3,233 எம்டிசி பேருந்துகளின் இயக்கத்தை, லொக்கேஷன் டிராக்கிங் டிவைசஸ் மூலம் கண்காணிக்க முடியும். 602 வழித்தடங்கள் வழியாக இயக்கப்படும் எம்டிசி பேருந்துகள், 6,026 நிறுத்தங்களில் நிறுத்தப்படுகின்றன இவற்றை மொபைல் மூலமாக எளிதாக அறியலாம்.

காத்திருக்க தேவையில்லை

பேருந்து எங்கே வந்து கொண்டிருக்கிறது என்பதை அறிந்து அதற்கு தகுந்தாற் போல் பேருந்து நிலையத்திற்கு வரலாம். தேவையின்றி பேருந்து நிலையத்தில் காத்திருக்க வேண்டிய தேவை ஏற்படாது.

பேருந்து நிறுத்தங்கள்

சென்னையில் தினமும் 25 லட்சம் பேர் எம்டிசி பேருந்துகளைப் பயன்படுத்துகின்றனர். சென்னை மக்களுக்காக கொண்டு வரப்பட்டுள்ள சென்னை பஸ் ஆப் மூலம், பயணிகள் ஒரு குறிப்பிட்ட வழித்தடத்தில் உள்ள அனைத்து எம்டிசி பேருந்துகளின் நேரலை இருப்பிடம், மதிப்பிடப்பட்ட வருகை நேரம் மற்றும் அருகிலுள்ள பேருந்து நிறுத்தங்கள் ஆகியவற்றைக் கண்டறிய முடியும்.

திரையில் தெரியும்

இதன் மூலம் சென்னை மக்கள்' ரயில் நிலையங்கள் மற்றும் நகரத்தில் உள்ள பிற முக்கிய இடங்களை எந்த தொந்தரவும் இல்லாமல் அடைய முடியும். இதற்கு சென்னை பஸ் ஆப்பை மக்கள் டவுன்லோடு செய்ய வேண்டும். அதில் பயனாளர்கள் 'பஸ் ரூட்' விருப்பத்தை கிளிக் செய்து, வழித்தட எண்ணை உள்ளிடும்போது, ​​அனைத்து இயக்கப்படும் பேருந்துகளும் திரையில் தெரியும்.

அவசரநிலை

இரண்டு நிறுத்தங்களுக்கு இடையே ஓடும் பேருந்துகளின் இருப்பிடத்தைப் பார்க்க, யூசர் 'ரூட் ஆப்ஷனை' கிளிக் செய்யலாம், இதன் மூலம், அவை வரும் நேரத்தை அறிய முடியும். மேலும் ஏதேனும் அவசரநிலை ஏற்பட்டால், பயணிகள் தங்களுக்கு தெரிந்தவர்களுக்கு அல்லது காவல்துறை அதிகாரிகளுக்கு' பஸ் ஆப் மூலம் பேரிடர் சமிக்ஞைகளை அனுப்பலாம். பயணிகள் எளிதாக அணுகுவதற்கு வசதியாக, SOS பட்டன்' ஆப் திரையின் மேல் வலது மூலையில் வைக்கப்பட்டிருககிறது. இந்த செயலியின் ஹோம் ஸ்கிரீன்' 1 கிமீ சுற்றளவில் உள்ள அனைத்து பேருந்து நிறுத்தங்களின் பெயர்களையும் பரிந்துரைக்கிறது.

இரண்டு மொழி

'டிரிப் பிளானர்' அம்சத்தைப் பயன்படுத்தி, யூசர்ஸ் ஒரு பேருந்தின் வழித்தட எண்களை அறிந்து கொள்ளலாம். 'Contact Us' ஆப்ஷனில்' புகார் எண்கள் (Whatsapp/Telegram) மற்றும் 31 பஸ் டிப்போ கிளை மேலாளர்களின் தொடர்புகள் உள்ளன. Favorite ஆப்ஷனை பயன்படுத்தி பயணிகள் தங்களுக்குப் பிடித்த வழிகள் மற்றும் இடங்களைச் சேமித்து கொள்ள முடியும். தமிழ் மற்றும் ஆங்கிலம் என இரண்டு மொழி விருப்பங்களைக் கொண்டுள்ளது.

English summary

Those who rely on public transport in Chennai no longer have to wait long. Because Tamil Nadu people can easily know where the MTC buses and express buses arrive by using the Chennai Bus app.