ஆ.ராசா உடன் விவாதிக்க நான் தயார்... வண்டவாளத்தை தண்டவாளத்தில் ஏற்றுவேன் - ராஜேந்திரபாலாஜி

எடப்பாடியாரைப் பற்றி பேச ஆ.ராசாவுக்கு என்ன யோக்கியதை உள்ளது? ஜெயலலிதாவையோ, எடப்பாடியாரையோ பற்றி பேச ஸ்டாலினுக்கோ, ஆ.ராசவுக்கோ தகுதியில்லை என்று ராஜேந்திரபாலாஜி கூறியுள்ளார்.

சென்னை: 2ஜி குறித்து விவாதிக்கத் தயாராக இருக்கிறேன். கோட்டையில் வைத்து நேருக்கு நேர் விவாதிக்க முதலமைச்சர் தயாரா என்று கேட்ட அ.ராசாவிற்கு தமிழக அமைச்சர் ராஜேந்திரபாலாஜி பதில் கொடுத்துள்ளார். ஆ.ராசா விவாதத்துக்கு அழைத்தால் எடப்பாடியார் எதற்கு வர வேண்டும்? நான் வருகிறேன் திமுக தயாரா என்று கேட்டுள்ளார் அ.ராசா.

2ஜி வழக்கில் சிக்கி சிறை சென்று பின்னர் விடுதலையான திமுக துணைப் பொதுச்செயலாளர் ஆ.ராசா முதல்வரின் விமர்சனத்துக்கு பதில் அளித்தார். 2ஜி குறித்து விவாதிக்கத் தயாராக இருக்கிறேன். கோட்டையில் வைத்து நேருக்கு நேர் விவாதிக்க முதலமைச்சர் தயாரா? அட்டார்னி ஜெனரல் உட்பட யாரை வேண்டுமென்றாலும் வைத்துக் கொள்ளட்டும். நான் தயாராக இருக்கிறேன் சவால் விட்டார்

இதன் பின்னர் அதிமுகவிலிருந்து பதில் வராத நிலையில் ஆ.ராசா மீண்டும் ஒரு செய்தியாளர்கள் சந்திப்பில் மீண்டும் விவாதம் நடத்த தயார் என்று அழைப்பு விடுத்தார்.

இந்நிலையில் பால்வளத் துறை அமைச்சர் ராஜேந்திர பாலாஜி விவாதத்துக்கு நான் தயார் என்று கூறியுள்ளார். விருதுநகரில் நேற்று செய்தியாளர்களை சந்தித்த ராஜேந்திர பாலாஜி, 2ஜியில் ஊழல் செய்த பணத்தைப் பதுக்கி வைத்துள்ளார் ஆ.ராசா. அதனால்தான் ராசாவை கூடவே வைத்துள்ளார் ஸ்டாலின்.

ஆ.ராசா விவாதத்துக்கு அழைத்தால் எடப்பாடியார் எதற்கு வர வேண்டும்? நான் வருகிறேன். திமுக தயாரா?" என்று கேள்வி எழுப்பிய ராஜேந்திர பாலாஜி உங்க வண்டவாளத்தை தண்டவாளத்தில் ஏற்றுவேன் என்று சொன்னார்.

எடப்பாடியாரைப் பற்றி பேச ஆ.ராசாவுக்கு என்ன யோக்கியதை உள்ளது? ஜெயலலிதாவையோ, எடப்பாடியாரையோ பற்றி பேச ஸ்டாலினுக்கோ, ஆ.ராசவுக்கோ தகுதியில்லை.

பொறாமையுடன் எப்படியாவது அவதூறு பரப்பி ஆட்சியைக் கைப்பற்றி விடலாம் என கனவு காணும் ஸ்டாலினுக்கு வரும் தேர்தலில் பொதுமக்கள் சம்மட்டி அடி கொடுப்பார்கள் என்றும் கூறினார். கருணாநிதி பேரன், ஸ்டாலினின் மகன் என்பதால் மட்டுமே உதயநிதியை முன் வைக்கின்றனர் என்றும் தெரிவித்துள்ளார் ராஜேந்திர பாலாஜி.

English summary

I am ready to discuss 2G. Tamil Nadu Minister Rajendrapalaji has replied to A.Raja who asked if the Chief Minister was ready to hold a face-to-face discussion at the fort. Why should Edappadiyar come if A.Raja calls for a debate? A.Raja has asked if DMK is ready to come.