திமுக, காங்கிரஸ் ஜாதகத்தை பார்த்தேன்.. என்ன சொல்லுது தெரியுமா?.. எச்.ராஜா கணிப்பு!
திமுக, காங்கிரஸ் கூட்டணிக்கு ஜாதகம் பார்த்ததாக பாஜக தேசிய தலைவர் எச்.ராஜா பேட்டியளித்து இருக்கிறார்.
சென்னை: திமுக, காங்கிரஸ் கூட்டணிக்கு ஜாதகம் பார்த்ததாக பாஜக தேசிய தலைவர் எச்.ராஜா பேட்டியளித்து இருக்கிறார்.
பாஜக தேசிய செயலாளர் எச்.ராஜா அடிக்கடி சர்ச்சையாக பேசி வைரலாவது வழக்கம். எதையாவது டிவிட்டரில் எழுதிவிட்டு இதை அடியேன் போஸ்ட் செய்யவில்லை, அட்மீன் போஸ்ட் செய்துவிட்டார் என்று கூறி எஸ்கேப் ஆவதை வழக்கமாக வைத்து இருப்பார்.
சென்னை ஹைகோர்ட்டை தவறாக பேசி, பின் நீதிமன்றத்தில் மன்னிப்பு கேட்ட கதையும் நடந்தது. இந்த நிலையில்தான் தற்போது எச்.ராஜா பாஜக சார்பாக லோக்சபா தேர்தலில் வேட்பாளராக நிறுத்தப்பட்டு இருக்கிறார்.
சிவகங்கை தொகுதி பாஜக வேட்பாளராக எச்.ராஜா நிறுத்தப்பட்டு உள்ளார். இந்த நிலையில் சென்னையில் பேட்டி அளித்த எச்.ராஜா ஜாதகம் குறித்து பேசியுள்ளார்.
அதில், திமுக, காங்கிரஸ் கூட்டணிக்கு ஜாதகம் பார்த்தேன். ஜோசியர்களிடம் கொடுத்து ஜாதகம் பார்த்தேன். இந்த கூட்டணிக்கு கொஞ்சம் கூட வெற்றி வாய்ப்பு கிடையாது. இவர்களில் தேர்தலில் வெற்றிபெற சிறிய வாய்ப்பு கூட கிடையாது.
ஜோசியர்கள் இதைத்தான் சொல்கிறார்கள். அதனால் பாஜக - அதிமுக கூட்டணிதான் தமிழகத்தில் வெற்றிபெறும், என்று எச்.ராஜா கூறியுள்ளார். எச்.ராஜா ஏற்கனவே திமுக தலைவர் ஸ்டாலினின் ஜாதகத்தின்படி அவரால் முதல்வராகவே முடியாது என்று குறிப்பிட்டு இருந்தார்.
Click it and Unblock the Notifications
Sign in with Google