என்னோட பேவரிட் தோனியை மிஸ் பண்ற பீலிங்கை அவாய்ட் பண்ண முடியல.. ஸ்டாலின்

சென்னை: தமிழகத்தில் சட்டசபை தேர்தல் வரும் ஏப்ரல் 23-ஆம் தேதி நடைபெற உள்ள நிலையில், அரசியல் களம் விறுறுப்பாக மாறி இருக்கிறது. ஆளுங்கட்சி, எதிர்க்கட்சி என அத்தனை தலைவர்களும் சுட்டெரிக்கும் வெயிலையும் பொருட்படுத்தாமல் ஊர் ஊராகப் பிரச்சாரம் செய்து வருகின்றனர். இந்நிலையில், சாம்சன் செஞ்சுரியைப் பார்த்தாலும், என்னோட பேவரிட் தோனியை மிஸ் பண்ற பீலிங்கை அவாய்ட் பண்ண முடியல என்று தமிழக முதல்வர் மு.க.ஸ்டாலின் சமூக வலைதளத்தில் பகிர்ந்துள்ள ஒரு புகைப்படம், அரசியல் வட்டாரத்தைத் தாண்டி கிரிக்கெட் ரசிகர்களிடமும் வேகமாக வருகிறது.

"Amid a high-voltage campaign, a quick IPL break!" சாம்சன் செஞ்சுரியைப் பார்த்தாலும், என்னோட favourite தோனியை miss பண்ற feeling avoid பண்ண முடியல " என்று தனது எக்ஸ் தளத்தில் பதிவிட்டுள்ள ஸ்டாலின், தேர்தல் பயணத்தின் போது காரில் இருந்தபடியே டேப்லெட்டில் ஐபிஎல் போட்டியை ரசித்துப் பார்க்கும் புகைப்படத்தை வெளியிட்டுள்ளார். இன்று நடைபெற்ற சிஎஸ்கே மற்றும் டெல்லி அணிகளுக்கு இடையிலான மோதலைத்தான் அவர் பார்த்துக் கொண்டிருந்தார்.

அந்தப் பதிவில் முதல்வர் ஸ்டாலின் குறிப்பிட்டிருந்த விஷயம் தான் ஹைலைட். "சாம்சன் செஞ்சுரியைப் பார்த்தாலும், என்னோட ஃபேவரைட் தோனியை மிஸ் பண்ற ஃபீலிங்கைத் தவிர்க்க முடியல!" என்று ஒரு தீவிர கிரிக்கெட் ரசிகராகத் தனது உணர்வுகளை முதல்வர் ஸ்டாலின் பகிர்ந்துள்ளார். ராஜஸ்தான் ராயல்ஸ் கேப்டன் சஞ்சு சாம்சன் விளாசிய அதிரடி சதத்தை ரசித்தாலும், சென்னை சூப்பர் கிங்ஸ் தல தோனி களத்தில் இல்லாத குறையை ஸ்டாலின் வெளிப்படையாகவே பதிவிட்டுள்ளார்.

வழக்கமாகத் தேர்தல் நேரத்தில் தலைவர்கள் மிகவும் சீரியஸாக, கோப்புகளைப் பார்த்தபடி அல்லது அடுத்த கூட்டத்திற்கான உரையைத் தயார் செய்தபடி தான் பயணம் செய்வார்கள். ஆனால், ஸ்டாலின் மிகவும் ரிலாக்ஸாக மேட்ச் பார்க்கும் இந்தப் புகைப்படம், அவர் எந்த அளவுக்கு கூலாக தேர்தலை எதிர்கொள்கிறார் என்பதைக் காட்டுவதாக திமுக தொண்டர்கள் சிலாகிக்கிறார்கள்.

ஏப்ரல் 23 தேர்தல் நெருங்கும் வேளையில், இந்த 'ஐபிஎல் பிரேக்' பதிவு சமூக வலைதளங்களில் வேகமாக வருகிறது. குறிப்பாக, திமுகவினர் மற்றும் சிஎஸ்கே ரசிகர்கள் ஸ்டாலினின் இந்தப் பதிவை ட்ரெண்ட் செய்து வருகின்றனர். "அரசியல் களத்தில் முதல்வர் ஸ்டாலின், கிரிக்கெட் களத்தில் தோனி - இருவருமே முடிசூடா மன்னர்கள்" என கமெண்ட்களை திமுகவினர் கூறி வருகிறார்கள். தேர்தல் பரபரப்புக்கு நடுவே, ஒரு நிமிடம் இளைப்பாற முதல்வர் தேர்ந்தெடுத்த இந்த கிரிக்கெட் ஜுரம், இப்போதைக்கு இணையத்தின் 'ஹாட் டாபிக்' ஆக இருக்கிறது.

English summary

"Even while watching Samson's century, I couldn't shake off the feeling of missing my favorite, Dhoni," posted mk Stalin, who watched the IPL match while seated in his car.