கடைகளில் ஜுஸ், ஐஸ் கிரீம் சாப்பிடுகிறீர்களா? ஐசிஎம்ஆர் வைத்த ஆப்பு.. மக்களுக்கு போன வார்னிங்

சென்னை: இந்தியாவில் முதன்முதலாக, பேக்கேஜ் செய்யப்பட்ட உணவுகள் மற்றும் பானங்களில் பரிந்துரைக்கப்பட்ட சர்க்கரை அளவுக்கான கட்டுப்பாடு விரைவில் அறிமுகப்படுத்தப்படும் என்று அறிவிக்கப்பட்டு உள்ளது.

நேஷனல் இன்ஸ்டிடியூட் ஆஃப் நியூட்ரிஷன் (என்ஐஎன்) மற்றும் இந்திய மருத்துவ ஆராய்ச்சி கவுன்சில் (ஐசிஎம்ஆர்) இணைந்து சர்க்கரையின் இருப்பு குறித்த புதிய வழிகாட்டுதல்களை முன்மொழிந்துள்ளது. .

பிராண்டட் குளிர்பானங்கள், பழச்சாறுகள், குக்கீகள், ஐஸ்கிரீம்கள் மற்றும் செரியல்களில் எந்த அளவு சுகர் இருக்கலாம் என்ற கட்டுப்பாட்டை கொண்டு வர உள்ளனர். புதிதாக வெளியிடப்பட்ட விதிமுறைகள் பல உணவுப் பொருட்களின் உருவாக்கத்தில் மாற்றங்களைக் ஏற்படுத்தும். பல குளிர்பானங்கள் பார்முலாவிலேயே மாற்றத்தை ஏற்படுத்த வேண்டும் என்ற நிலை ஏற்படலாம்.

சில பேக்கேஜ் செய்யப்பட்ட உணவு தயாரிப்பு நிறுவனங்கள் வழிகாட்டுதல்கள் வெளியிடப்படுவதற்கு முன்பு தங்களிடம் ஆலோசிக்கப்படவில்லை என்று கூறி உள்ளனர். ஐசிஎம்ஆர் வெளியிட்ட இந்த புதிய வழிகாட்டுதல்கள் மிகவும் தீவிரமாக உள்ளதாககூறப்படுகிறது . பேக்கேஜ் செய்யப்பட்ட உணவுப் பொருட்கள் மற்றும் பானங்களுக்கான கலோரி, சுகர் அளவு வரம்புகளைக் கட்டுப்படுத்தும் முந்தைய விதிமுறைகளை விட இப்போது வரப்போகும் ரூல்ஸ் மிகவும் வலிமையானது.

இதனால் இந்தியாவில் முதன்முதலாக, பேக்கேஜ் செய்யப்பட்ட உணவுகள் மற்றும் பானங்களில் பரிந்துரைக்கப்பட்ட சர்க்கரை அளவுக்கான கட்டுப்பாடு விரைவில் அறிமுகப்படுத்தப்படும். இப்போது 10 சதவிகிதத்திற்கு மேல் ஒரு பொருளில் சர்க்கரை இருந்தால் கூட அதற்கு பிரச்சனை இல்லை. ஆனால் புதிய விதிப்படி அதிகபட்சம் 5 சதவிகிதம் மட்டுமே சர்க்கரை அளவு அனுமதிக்கப்படும்.

உணவு குறித்து எச்சரிக்கை: சமீபத்தில்தான் ஹோட்டலில் சாப்பிடும் உணவுகள் மட்டுமின்றி வீட்டில் செய்யும் உணவுகளும் கூட உடலுக்கு தீங்கு விளைவிக்கலாம் என்று ஐசிஎம்ஆர் தெரிவித்துள்ளது. இதன் மூலம் வீட்டு சமையலில் தவறுகளை ஐசிஎம்ஆர் சுட்டிக்காட்டி உள்ளது.

அதிக கொழுப்பு, அதிக சர்க்கரை, அதிக அதிக உப்பு சேர்த்து வீட்டில் தயாரிக்கப்படும் உணவுகள் கூட உடலுக்கு தீங்கு ஏற்படுத்தும். தவறான வீட்டு சமையல் குடல் நுண்ணுயிரிகளை பாதிக்கும் என்று இந்திய மருத்துவ ஆராய்ச்சி கவுன்சில் ஆய்வில் தகவல் வெளியிட்டு உள்ளது.

இந்திய மருத்துவ ஆராய்ச்சி கவுன்சில் (ICMR) 17 பக்க வழிகாட்டியை இதற்காக வெளியிட்டு உள்ளது. இது இந்தியர்கள் வீட்டில் உணவு சமைக்கும் போது செய்ய வேண்டியவை மற்றும் செய்யக்கூடாதவற்றை ஐசிஎம்ஆர். நாம் வீட்டில் சமைக்கும் போது செய்யும் சில பொதுவான சமையல் தவறுகள் என்னவாக இருக்கும் என்பதை இந்திய மருத்துவ ஆராய்ச்சி கவுன்சில் வெளியிட்டு உள்ளது.

தவிர்க்க 5 பொதுவான சமையல் தவறுகள்

அதிக வேகவைத்த காய்கறிகள்: காய்கறிகளை அதிகமாக சமைப்பது அதில் இருக்கும் ஊட்டச்சத்துக்களை இழக்க வழிவகுக்கும், ஏனெனில் பல வைட்டமின்கள் மற்றும் தாதுக்கள் வெப்பத்தை உணர்திறன் கொண்டவை மற்றும் நீண்ட நேரம் சமைப்பதன் மூலம் அவை அழிக்கப்படலாம்.

எண்ணெய் அல்லது வெண்ணெய் அதிகமாகப் பயன்படுத்துதல்: அதிகப்படியான எண்ணெய் அல்லது வெண்ணெய்யை பயன்படுத்தி உணவுகளை சமைத்தால் உணவுகளில் கலோரி மற்றும் கொழுப்பு உள்ளடக்கத்தை கணிசமாக அதிகரிக்கும். இது எடை அதிகரிப்பு மற்றும் சாத்தியமான உடல்நலப் பிரச்சினைகளுக்கு வழிவகுக்கும்.

உயர் வெப்பநிலை சமையல்: அதிக வெப்பநிலையில் சமைப்பது, ஆழமாக வறுப்பது அல்லது அதிக வெப்பத்தில் வறுப்பது போன்றவை, புற்றுநோய் மற்றும் பிற உடல்நலப் பிரச்சினைகளுடன் தொடர்புடைய அக்ரிலாமைடுகள் மற்றும் ஹெட்டோரோசைக்ளிக் அமின்கள் போன்ற தீங்கு விளைவிக்கும் சேர்மங்களை உருவாக்க வழிவகுக்கும்.

உணவுப் பாதுகாப்பைப் புறக்கணித்தல்: முறையற்ற உணவைக் கையாளுதல், சமைத்த பின் நீண்ட நாட்கள் சேமித்தல் அல்லது சூடு செய்து சாப்பிடுதல் ஆகியவை தீங்கு விளைவிக்கும் பாக்டீரியாக்களின் வளர்ச்சிக்கு வழிவகுக்கும், இதன் விளைவாக உணவு மூலம் பரவும் நோய்கள் ஏற்படலாம்.

English summary

ICMR new guidelines for allowing less sugar in food, juices and cereals in India