மாதம் 2,900 ரூபாய் போதும்... ஒரு கோடி ரூபாய் கிடைக்கும்.. பொருளாதார நிபுணர் சொன்ன சூப்பர் விளக்கம்

சென்னை: ஒருவர் மிக இளம் வயதில் சேமிக்க தொடங்கினால், அவர் மிக எளிதாக ஒரு கோடியை எட்டிவிட முடியும். உதாரணத்திற்கு 25 வயதுடைய நபர், தனது 60 வயதில் ₹1 கோடியை சேமிக்க வேண்டுமென்றால், மாதா மாதம், ₹2,900 சேமித்தால் போதுமானது. ஆனால் 45 வயதில் அவர் தொடங்கினால், 60 வயதில் ₹1 கோடியை சேமிக்க, மாதா மாதம் ₹25,000 சேமிக்க வேண்டும் என்று பொருளாதார நிபுணர் ராஜேஷ் கிருஷ்ணமூர்த்தி கூறினார்

பணத்தை இளம் வயதிலேயே சேமிக்க தொடங்க வேண்டும் என்பதற்கான ஐந்து காரணங்களை பார்ப்போம்.

முதல் காரணம்: நீங்கள் இளம் வயதிலேயே சேமிக்க தொடங்கினால், நீண்ட காலத்திற்கான முதலீடாக இருக்கும், மிக சிறிய தொகையை சேமித்தாலே போதுமானது,

இரண்டாவது காரணம்: சிறுவயதிலேயே நீங்கள் சேமிக்க தொடங்கினால், பணத்தை எப்படி செலவு செய்ய வேண்டும் அணுகுமுறையே சிறப்பாக மாறிவிடும்.

3வது காரணம்: நீங்கள் பணம் பன்மடங்கு பெருகுவதால் உங்களுக்கு மிகப்பெரிய பலனாக இருக்கும்.

4வது காரணம்: நீங்கள் மிகப்பெரிய சேமிப்பை எதிர்காலத்தில் பெறுவதற்கான வாய்ப்பை பெறுவீர்கள்

5வது காரணம்: நீங்கள் இளம் வயது உடையவர் என்பவதால் உங்களால் அதிகபடியான ரிஸ்க் எடுக்க முடியும்.

இதுபற்றி பொருளாதார நிபுணர் ராஜேஷ் கிருஷ்ணமூர்த்தி, அதுபற்றி கூறும் போது, உங்கள் ஓய்வுகால வாழ்க்கையை சுதந்திரமாக கழிக்க, எவ்வளவு சீக்கிரம் நீங்கள் சேமிப்பை தொடங்குகிறீர்களோ, அவ்வளவு நல்லது.

உதாரணம்: 25 வயதுடைய நபர், தனது 60 வயதில் ₹1 கோடியை சேமிக்க வேண்டுமென்றால், மாதா மாதம், ₹2,900 சேமித்தால் போதுமானது.
அதுவே, 45 வயதில் அவர் தொடங்கினால், 60 வயதில் ₹1 கோடியை சேமிக்க, மாதா மாதம் ₹25,000 சேமிக்க வேண்டும். மேலே உள்ள கணக்கு, பணவீக்கத்தையும், Future Value of Money யை கணக்கில் கொள்ளாமல் கால்குலேட் செய்யப்பட்டுள்ளது.

பணவீக்கத்தையும், Future Value of Money யும் கணக்கில் எடுத்தால், ஒவ்வொரு வருடமும், எவ்வளவு பணவீக்கமோ, அந்த அளவிற்கு உங்களது முதலீட்டினை நீங்கள் அதிகரித்துக் கொண்டே போகவேண்டும். அதுதான் ரூல்..

உதாரணமாக, வருட பணவீக்கம், 5% என்று வைத்துக் கொள்வோம். அப்படி கணக்கில் எடுத்துக் கொண்டால், 25 வயதில் தொடங்குபவருக்கு, வருடா வருடம் அதிகரிக்கும் தொகையானது குறைவாகவே இருக்கும் (₹3,045, ₹3,200...). 45 வயதில் தொடங்குபவருக்கு, அந்த தொகை அதிகமாக இருக்கும் (₹26,250, ₹27,600...).

ஆகையினால் மக்களே, எவ்வளவு விரைவாக நீங்கள் சேமிப்பினை தொடங்குகிறீர்களா, அவ்வளவு அதிகமாக "Power of Compounding", உங்களுக்கு சாதகமாக வேலை செய்யும். ஆகையால் மகிழ்ச்சியான வாழ்க்கைக்கு ஆதாரமாகும் சேமிப்பினை... தொடங்குங்கள்...தொடருங்கள்" இவ்வாறு கூறினார்.

English summary

Economist Rajesh Krishnamurthy said if a 25-year-old wants to save ₹1 crore by the time he is 60, ₹2,900 a month is sufficient.