சென்னை மக்களே.. நெட்வொர்க் பிரச்சனை வரலாம்.. அவசரத்துக்கு உதவும் UPI lite.. எப்படி பயன்படுத்துவது?

சென்னை: மிக்ஜாம் புயல் காரணமாக சென்னையில் பலத்த காற்றுடன் மழை வெளுத்து வருகிறது. பல்வேறு பகுதிகளில் வீடுகளில் மழைநீர் சூழந்துள்ளது. நெட்வொர்க் பிரச்சனை இருக்கக்கூடும் என்பதால், கூகுள் பே, போன் பே பயன்படுத்தும் மக்கள், பின் லெஸ் யுபிஐ பேமெண்ட் வசதியை ஆக்டிவேட் செய்து கொள்வது அவசரத்திற்கு உதவும்.

இந்தியாவில் செயலிகள் மூலம் பணப்பரிவர்த்தனை செய்வது அதிகரித்து வருகிறது. கூகுள் பே, பேடிஎம், போன் பே உள்ளிட்ட செயலிகள் மூலம் க்யூ ஆர் கோட் அல்லது மொபைல் நம்பர் மூலம் பணம் செலுத்தி வருகிறோம். இதில் பணம் அனுப்பும்போது 4 அல்லது 6 இலக்க பின் நம்பரை அழுத்த வேண்டும். இந்நிலையில், சிறிய டிஜிட்டல் பரிவர்த்தனைகளை எளிதாக்கும் வகையில் UPI LITE நடைமுறையில் உள்ளது.

UPI Lite பயனர்கள் ஒரு நாளில் இருமுறை ரூ. 2,000 என 4,000 வரை டெபாசிட் செய்து கொள்ளலாம். ஒவ்வொரு முறையும் ரூ. 200 வரை பணத்தை பின் நம்பர் இல்லாமல் அனுப்பிக் கொள்ள முடியும். யுபிஐ லைட் சேவை என்பது வங்கி கணக்குடன் இணைக்கப்பட்டு இருந்தாலும், ஒவ்வொரு முறை அனுப்பும்போதும் வங்கியில் இருந்து பணம் போகாது. உங்கள் வேலட்டில் இருந்துதான் செல்லும். எனவே, இணைய சேவையும் அவசியமில்லை.

இந்தச் சேவையில் பணம் செலுத்துவதற்கு எந்தவிதமான பின் நம்பரையும் உள்ளிட வேண்டிய அவசியமில்லை. UPI லைட்டின் நோக்கம் டிஜிட்டல் பணம் செலுத்துவதை எளிதாக்குவதே. தற்போது, இந்தியன் வங்கி, கனரா வங்கி, எஸ்பிஐ, ஹெச்.டி.எஃப்.சி உள்ளிட்ட 15 வங்கிகள் UPI லைட் வசதியை ஆதரிக்கின்றன.

சென்னையில் புயல் மழையால் மக்கள் பாதிக்கப்பட்டுள்ள நிலையில், நெட்வொர்க் இன்றி, அல்லது இணையம் பயன்படுத்தினால் சார்ஜ் வேகமாக தீரும் என்பதால், யுபிஐ லைட் சேவையை பயன்படுத்தலாம். நெட்வொர்க் இருக்கும்போது, உங்கள் வேலட்டில் பணத்தை மாற்றி வைத்துக்கொண்டால், அதன் பிறகு நெட்வொர்க் பிரச்சனை இருந்தாலும் கூட நீங்கள் பண பரிவர்த்தனை செய்ய முடியும்.

உங்கள் கூகுள் பே மூலம் யுபிஐ லைட் ஆக்டிவேட் செய்வது எப்படி?:

1. முதலில் Google Pay செயலியை ஓபன் செய்யவும்.
2. மொபைலின் திரையின் மேல் வலது மூலையில் உள்ள ப்ரொஃபைல் ஐகானை கிளிக் செய்யவும்.3. கீழே ஸ்க்ரோல் செய்து, 'UPI லைட்' அம்சத்தைத் தேடி அதை கிளிக் செய்யவும்.
4. அடுத்து UPI Lite பற்றிய வழிமுறைகள் மற்றும் விவரங்களுடன் புதிய திரை திறக்கும்.
5. இப்போது Activate UPI Lite என்பதை கிளிக் செய்யவும்.
6. உங்கள் வங்கிக் கணக்கை இணைத்து, திரையில் உள்ள வழிமுறைகளைப் பின்பற்றவும்.
7. செயல்முறை முடிந்ததும், உறுதிப்படுத்தல் செய்தியைப் பெறுவீர்கள்.
8. அவ்வளவுதான். நீங்கள் வாலட்டில் இணைத்த பணத்தை, பின் நம்பர் போடாமல் பேமெண்ட் செய்யலாம்.

English summary

UPI Lite is an on-device wallet feature that will allow users to make real-time small-value payments without network. Here is all you need to know about UPI Lite.