கேஸ் சிலிண்டர் விலை அதிரடி உயர்வு.. நிம்மதி பெருமூச்சு விட்ட இல்லத்தரசிகள்.. நினைச்ச மாதிரி இல்லையே

Updated: Wednesday, October 1, 2025, 14:23 [IST]

Subscribe to Oneindia Tamil

சென்னை: சமையலறை எரிவாயு சிலிண்டர்களின் விலை நீண்ட காலமாக நிலையானதாக உள்ளது. இந்த முறையும் சிலிண்டரின் விலை குறைந்தால் நல்லது என்று நுகர்வோர் கருதி வருகிறார்கள்,.. மேலும், தீபாவளி பண்டிகை வரவுள்ள நிலையில் மத்திய அரசு சிலிண்டர் விலையை குறைக்கக் கூடும் என்ற எதிர்பார்ப்புகள் எழுந்தன.. இந்த நிலையில், வணிக பயன்பாட்டுக்கான சிலிண்டர் விலை அதிகரித்துள்ளது, பெரும் அதிர்ச்சியை பொதுமக்களுக்கு ஏற்படுத்தி வருகிறது.. அதாவது ஒரு சிலிண்டர் ரூ.1,754க்கு விற்பனை செய்யப்படுவதாக அறிவிப்பு வெளியாகி உள்ளது.

பொதுத்துறையை சேர்ந்த இந்தியன் ஆயில், பாரத், ஹிந்துஸ்தான் பெட்ரோலியம் எண்ணெய் நிறுவனங்கள், வீடுகளுக்கு, 14.20 கிலோ எடையிலும், வணிக பயன்பாட்டிற்கு, 19 கிலோ எடையிலும் சமையல் காஸ் சிலிண்டர்களை வினியோகம் செய்கின்றன.

Gas cylinder commercial cylinder central government

சர்வதேச சந்தை

இந்நிறுவனங்கள், சர்வதேச சந்தையில் நிலவும் கச்சா எண்ணெய் விலைக்கு ஏற்ப, மாதந்தோறும் முதல் நாள் அல்லது இரண்டாவது நாளில் சமையல் சிலிண்டர் விலையில் மாற்றம் செய்கின்றன. அதாவது சர்வதேச சந்தையில் நிலவும் கச்சா எண்ணெய் விலை மற்றும் டாலருக்கு எதிரான இந்திய ரூபாயின் மதிப்பு ஆகியவற்றின் அடிப்படையில் பெட்ரோல், டீசல், சமையல் சிலிண்டர் விலை நிர்ணயம் செய்யப்பட்டு வருகின்றன.

சர்வதேச அளவில் கச்சா எண்ணெய் விலையில் ஏற்படும் மாற்றங்களை கருத்தில் கொண்டு எண்ணெய் நிறுவனங்களே சிலிண்டர் விலையை தீர்மானித்துக் கொள்ளலாம் என மத்திய அரசு தெரிவித்ததை அடுத்து, இந்நிறுவனங்கள் சிலிண்டர் விலையை தீர்மானித்து வருகின்றன..

சிலிண்டர்கள் விலை

ஆனால், சிலிண்டர்களின் விலை நீண்ட காலமாகவே மாறாமல் அப்படியே நிலையானதாக உள்ளது... கேஸ் விலை குறையும் என்று நீண்ட காலமாகவே வாடிக்கையாளர்கள் காத்திருக்கும்போது, இந்த முறையாவது சிலிண்டரின் விலை குறையாதா? என்ற எதிர்பார்ப்பு எழுந்துள்ளது..

அதுமட்டுமல்ல, தீபாவளி பண்டிகையும் வரப் போவதால், மத்திய அரசு சிலிண்டர் விலையை குறைத்து இல்லத்தரசிகளுக்கு மத்திய அரசு சர்ப்ரைஸ் தரும் என்ற எதிர்பார்ப்புகள் எழுந்தபடியே இருந்தன.. இந்நிலையில், இன்று அக்டோபர் 1ம் தேதி கேஸ் சிலிண்டர் விலை வெளியிடப்பட்டுள்ளன.. அதில், வணிக பயன்பாட்டுக்கான சமையல் காஸ் சிலிண்டர் விலை ரூ.16 உயர்ந்து விற்கப்படுகிறது. அதன்படி ஒரு சிலிண்டர் ரூ.1,754க்கு விற்பனை செய்யப்படுகிறது.

வணிக பயன்பாடுகள்

கடந்த செப்டம்பர் 1ம் தேதி 51.50 ரூபாயும், ஆகஸ்ட் 1ம் தேதி 33.50 ரூபாயும், ஜூலை 1ம் தேதி 58.50 ரூபாயும், ஜூன் மாதம் 24 ரூபாயும் விலை குறைந்தது... எனவே இந்த மாதமும் விலை குறையும் என்று எதிர்பார்க்கப்பட்டது.. மாறாக, வணிக பயன்பாட்டுக்கான 19 கிலோ சிலிண்டர் விலை 6 மாதங்களுக்கு பிறகு உயர்ந்துள்ளது.

தமிழகத்தில் கடந்த மாதம் வீட்டு சிலிண்டர், 868 ரூபாய் 50 காசுக்கு விற்கப்பட்டது. இந்த மாதம் அதன் விலையில் மாற்றம் செய்யப்படவில்லை. வணிக சிலிண்டரின் விலையில் மாற்றம் இருந்தாலும், வீட்டு உபயோக தேவைகளுக்கான சிலிண்டர் விலையில் மாற்றம் செய்யப்படவில்லை.. இது இல்லத்தரசிகளுக்கு நிம்மதியை தந்து வருகிறது.. எனினும் தீபாவளி பண்டிகை நெருங்குவதால், வீட்டு சிலிண்டர்களில் விலை குறைந்தால் நன்றாக இருக்கும் என்று எதிர்பார்க்கிறார்கள்.