சென்னை மக்கள் கவனத்திற்கு! முக்கிய கட்டணம் ஒன்றை உயர்த்திய சிஎம்டிஏ

சென்னை: தலைநகர் சென்னையில் அடுக்குமாடி கட்டிடங்களுக்கான முக்கிய கட்டணம் ஒன்றை உயர்த்துவதாக சிஎம்டிஏ அறிவித்துள்ளது.

தமிழ்நாடு தலைநகர் சென்னையில் புதிது புதிதாகத் தொடர்ந்து பல அடுக்குமாடி கட்டிடங்கள் கட்டப்பட்டு வருகிறது. இப்படி சென்னை நகரில் குறைந்தது சில ஆயிரம் அடுக்குமாடி கட்டிடங்களாவது இருக்கும்.

பொதுவாகச் சென்னையில் உள்ள அடுக்குமாடிக் கட்டங்களுக்கு அனுமதி பெறவும் தொடர்ந்து இயங்கவும் உள்கட்டமைப்பு மேம்பாட்டுக் கட்டணம் என்ற கட்டணத்தைச் செலுத்த வேண்டும்.
ஒவ்வொரு கட்டிடத்திலும் சதுர மீட்டர் அளவுக்கேற்ப இந்த உள்கட்டமைப்பு மேம்பாட்டுக் கட்டணத்தை சிஎம்டிஏ எனப்படும் சென்னை பெருநகர வளர்ச்சிக் குழுமம் வசூலித்து வருகிறது.

இந்நிலையில், இந்தக் கட்டணத்தை உயர்த்த உள்ளதாக சிஎம்ஏ அறிவித்துள்ளது. இப்போது இந்த கட்டமைப்பு மேம்பாட்டுக் கட்டணம் ஒரு சதுர மீட்டருக்கு ரூ.198 ஆக உள்ள நிலையில், அது ஒரு சதுர மீட்டருக்கு ரூ.218 என்ற அளவில் உயர்த்தப்பட்டுள்ளது.

அதாவது ஒரு சதுர மீட்டருக்கு ரூ.20 உள்கட்டமைப்பு மேம்பாட்டுக் கட்டணம் உயர்த்தப்பட்டுள்ளது. இந்தக் கட்டண உயர்வு வரும் ஏப்ரல் 1ஆம் தேதி முதல் நடைமுறைக்கு வருவதாகவும் சிஎம்டிஏ அறிவித்துள்ளது.

English summary

CMDA raied infrastructure fees for apartment: All things to know about infrastructure fees.