ஜெயலலிதா பிறந்தநாள்.. அதிமுக அவைத் தலைவருக்கு இன்னோவா கார் பரிசளித்த ஓபிஎஸ்- ஈபிஎஸ்

சென்னை: ஜெயலலிதா பிறந்தநாளையொட்டி அதிமுக அவைத் தலைவருக்கு இன்னோவா காரை பரிசாக வழங்கியுள்ளனர்.

ஜெயலலிதாவின் 71-ஆவது பிறந்த நாள் விழா இன்று கொண்டாடப்பட்டு வருகிறது. இதில் அதிமுக தலைமை அலுவலகத்தில் உள்ள ஜெயலலிதாவின் சிலைக்கு மாலை அணிவித்து மரியாதை செலுத்தப்பட்டது.

பின்னர் அதிமுக அவைத் தலைவர் மதுசூதனனுக்கு அதிமுக ஒருங்கிணைப்பாளர் ஓ.பன்னீர்செல்வமும், இணை ஒருங்கிணைப்பாளர் எடப்பாடி பழனிச்சாமி ஆகியோர் இன்னோவா காரை பரிசாக வழங்கினர்.

இதையடுத்து பிரம்மாண்ட கேக்கை முதல்வரும் துணை முதல்வரும் வெட்டி ஒருவருக்கொருவர் ஊட்டிக் கொண்டனர். விழாவையொட்டி 71 லட்சம் மரக்கன்றுகள் நடப்படுகின்றன.

மதிமுகவிலிருந்து விலகி அதிமுகவில் கடந்த 2014-ஆம் ஆண்டு இணைந்த நாஞ்சில் சம்பத்துக்கு தேர்தல் பிரசாரத்துக்கு பயன்படுத்த ஒரு இன்னோவா காரை ஜெயலலிதா பரிசளித்தார். அவர் மறைந்தவுடன் பல்வேறு விமர்சனங்கள் எழுந்ததாலும் அவர் சசிகலா தலைமையை ஏற்க விரும்பாததாலும் அந்த காரை திருப்பி கொடுத்தார் என்பது குறிப்பிடத்தக்கது.

English summary

Innova car presented to Madhusoodhanan by ADMK.