பிற ஜாதி பெண்களை கட்டியணைப்போம் என வாலிபர் உறுதிமொழி.. வைரலாகும் வீடியோ.. தமிழிசை பதில் இதுதான்

சென்னை: கலப்பு திருமணம் என்பது கட்டாயப்படுத்தி வரக்கூடாது என்று பாஜக தமிழக தலைவர் தமிழிசை தெரிவித்தார்.

அம்பேத்கர் படத்தின் முன்பாக நின்று கொண்டு, இளைஞர் ஒருவர், சில குறிப்பிட்ட ஜாதிகளை குறிப்பிட்டு அந்த ஜாதி பெண்களை கட்டுவோம், கட்டியணைப்போம் என்று உறுதிமொழி எடுப்பதை போலவும், அதற்கு பதிலுக்கு பிற இளைஞர்கள் வழிமொழிவதை போலவும் ஒரு வீடியோ சமூக வலைத்தளங்களில் வைரலாக சுற்றி வருகிறது.

இந்த வீடியோவின் உண்மைத்தன்மை குறித்தும் சந்தேகங்கள் எழுந்துள்ளன. இந்த வீடியோ குறித்து தமிழிசையிடம் நிருபர்கள் கேட்டபோது, அவர் கூறியதாவது:

கலப்பு திருமணம் செய்வதை எதிர்க்கவில்லை. ஜாதி ஒழிய, கலப்பு திருமணத்தை ஆதரிப்பதாக காந்தியே கூறியுள்ளார். ஆனால், கலப்பு திருமணம், இயல்பாக வர வேண்டும். இயக்கி வரக் கூடாது. கண்டபடியோ, கட்டாயப்படுத்தியோ வரக்கூடாது. அன்பால் இயல்பாக வர வேண்டும். சட்டம் ஒழுங்கு பிரச்சினையை ஏற்படுத்தும் நோக்கத்தில் திட்டமிட்டு நடப்பதை ஏற்க முடியாது.

ஸ்டாலின், துணை முதல்வராக இருந்தபோது, மீத்தேன் ஆய்வுக்கு கையெழுத்திட்டார். அதுபோல மேகதாது ஆய்வுக்குதான் மத்திய அரசு ஒப்புதல் வழங்கியுள்ளது. அணை கட்ட ஒப்புதல் வழங்கவில்லை.

வைகோ, முதலில் துரைமுருகனோடு சண்டையிட்டார். தற்போது, திருமாவளவனுடன் சண்டைபோடுகிறார். வைகோவின் சண்டைகளால் ஸ்டாலினுக்கு மிகப்பெரிய தலைவலி காத்திருக்கிறது. இவ்வாறு அவர் தெரிவித்தார்.

English summary

Tamilisai says intercaste marriage should be done with out any compulsion or intention.