Irfan's View யூடியூப் சேனல் முடக்கம்.. காரணம் என்ன? இன்ஸ்டாவில் வெளியிட்ட இர்பான்!

Updated: Tuesday, March 29, 2022, 22:11 [IST]

Subscribe to Oneindia Tamil

சென்னை: பிரபல யூடியூபர் இர்பான்ஸ் வியூ யூடியூப் சேனல் முடக்கப்பட்டுவிட்டது. இதனால் அவரது சப்ஸ்கிரைபர்கள் அதிர்ச்சி அடைந்துள்ளனர்.

கொரோனா

கொரோனாவுக்கு பிறகு தடுக்கிவிழுந்தால் யூடியூப் சேனல் என்ற அளவுக்கு உருவாகிவிட்டது. இதன் மூலம் கணிசமான லாபத்தை பெற்று வருகிறார்கள். கோலம் போட்டு அதை பதிவேற்றுவதும் அதிகரித்து வருகிறது. அழகு சாதன பொருட்கள் குறித்து விளக்குவது, அழகு குறிப்புகள், அக்குபஞ்சர், அக்குபிரசர் உள்ளிட்ட சிகிச்சை முறைகளை கூறுவது என நிறைய சேனல்கள் உள்ளன.

நடுக்கடலில் மீன்

நடுக்கடலில் மீனை பிடித்து சமைத்து காண்பிப்பது, சுற்றுலா செல்வது போன்ற சேனல்களும் உள்ளன. வீட்டு விலங்குகள் எங்கே குறைந்த விலைக்கு கிடைக்கும், வீட்டு உபயோக பொருள்கள் எங்கே கிடைக்கும் போன்றவையும் உள்ளது. அந்த வகையில் ஒவ்வொரு ஹோட்டல், ரோட்டோர கடை என அங்கெல்லாம் உணவு சாப்பிட்டு ரெவ்யூ கொடுக்க நிறைய சேனல்கள் உள்ளன.

பிரபலம்

அதில் பிரபலமானது Irfan's View ஆகும். இதை இர்பான் என்பவர் நடத்தி வருகிறார். இவர் வெளியூர், வெளிமாநிலங்கள், வெளிநாடுகளுக்கும் சென்று அங்குள்ள உணவு முறைகள் குறித்து விளக்கமளித்து நிறைய வீடியோக்களை போட்டுள்ளார். இவரது வீடியோக்கள் பிரபலம். நிறைய சப்ஸ்கிரைபர்கள் உள்ளனர். இதன் மூலம் மாதத்திற்கு பல லட்சக்கணக்கான வருவாயை அவர் ஈட்டி வருகிறார்.

இர்பான் ரெவ்யூ

சமீபத்தில், இர்பான் சாப்பிட்டு நன்றாக இருப்பதாக ரெவ்யூ செய்த ஹோட்டல் ஒன்றில் உணவு பாதுகாப்பு துறையினர் ஆய்வு நடத்தியதில் முந்தைய நாள் சமைத்த பிரியாணியை சூடுபடுத்தி வாடிக்கையாளர்களுக்கு பரிமாறி வந்தது தெரியவந்தது. இதையடுத்து இர்ஃபானை கடுமையாக விமர்சித்து பலரும் கமென்ட் செய்தனர்.

தவறான கடைகள்

மேலும், தயவுசெய்து இந்த மாதிரி தவறான கடைகளை குறித்து வீடியோக்களை போடாதீர்கள் என்று கடுமையாக விமர்சித்தனர். இந்த நிலையில் அண்மையில் இலங்கை சென்ற இர்பான் அங்குள்ள கேஎஃப்சி உணவகத்திற்கு சென்று அங்கு சாப்பிட்டுவிட்டு வீடியோ வெளியிட்டிருந்தார்.

இர்பான் வியூ சேனல் முடக்கம்

யூடியூப் விதிமுறைகளை மீறியதாக இர்ஃபானின் பக்கம் யூடியூப் நிறுவனத்தால் முடக்கப்பட்டுள்ளது. இந்தச் செய்தி அவரது ரசிகர்களுக்கு கடும் அதிர்ச்சியை ஏற்படுத்தியுள்ளது. எனினும், இர்ஃபானின் யூடியூப் பக்கம் முடக்கப்பட்டதற்கான காரணம் குறித்த தெளிவான தகவல்கள் இதுவரை வெளிவரவில்லை. இதுகுறித்து தனது இன்ஸ்டாகிராமில் இர்பான் பதிவிடுகையில், யூடியூப் நமது சேனலை டெர்மினேட் செய்தது ஏன் எனத் தெரியவில்லை. இந்தப் பிரச்சனையை முடிந்தவரை சரிசெய்ய முயல்கிறேன் எனத் தெரிவித்துள்ளார்.