அசையுது அச்சாணி.. திமுகவுக்காக காத்திருக்கும் அதிமுக? வண்டிய "அப்படிக்கா" திருப்பும் எடப்பாடி.. மாஸ்

சென்னை: தேர்தலுக்கு தமிழக கட்சிகள் தயாராகி வரும்நிலையில், அதுகுறித்த சில தகவல்கள் வெளியாகி பரபரப்பை கிளப்பி கொண்டிருக்கின்றன.

விரைவில் எம்பி தேர்தல் வரப்போகிறது.. இதையடுத்து, தமிழக அரசியல் கட்சிகள் மும்முரமாகி உள்ளன.. தங்கள் கூட்டணி கட்சியோடு தொகுதி பங்கீடு தொடர்பான பேச்சுவார்த்தையையும் தீவிரப்படுத்தி வருகின்றன..

அந்த வகையில் திமுக லீடிங்கில் உள்ளது.. தன்னுடைய கூட்டணி கட்சியான காங்கிரஸ், கம்யூனிஸ்ட், விசிக, மதிமுக உள்ளிட்ட கட்சிகளோடு முதல் கட்ட பேச்சுவார்த்தையை முடித்துவிட்டு, 2வது கட்ட பேச்சுவார்த்தையையும் ஆரம்பிக்க போகிறது. இப்போதைக்கு கூட்டணியில் பலமாகவும், வேகமாகவும் உள்ளது திமுக என்றே சொல்லலாம்.

ஜிகே வாசன்: ஆனால், அதிமுக, பாஜகவில் இன்னும் கூட்டணி முடிவாகவில்லை.. இவர்களுடன் ஏற்கனவே கூட்டணியிலிருந்த ஜிகே வாசன் போன்ற தலைவர்கள், அதிமுக, பாஜக என யார் பக்கம் செல்வது என தெரியாமல் குழம்பி உள்ளனர்... இதில், பாமக, தேமுதிகவும், பேச்சுவார்த்தையை தொடங்கிய நிலையில், இன்னும் ஒரு முடிவுக்கு வரவில்லை.

மறைந்த முதல்வர் ஜெயலலிதா இருக்கும்போது, முதலில் உருவாவது அதிமுக கூட்டணியாகவே இருக்கும்.. தேர்தல் தேதிக்கு முன்பேயே, மொத்த வேட்பாளர் பட்டியலையும், தேர்வு செய்து, இறுதியே செய்துவிடுவார் ஜெயலலிதா. ஆனால், இப்போது அதிமுகவில் நிலைமையே தலைகீழாகிவிட்டது. இந்த கூட்டணி இழுபறிக்கு சில காரணங்கள் சொல்லப்படுகிறது.

தொகுதிகள்: அதாவது, திமுக முதலில் கூட்டணியை முடிவு செய்து அறிவிக்கப்பட்டும் என்று காத்திருக்கிறதாம் அதிமுக மேலிடம்.. காரணம், காங்கிரசுக்கு திமுகவில் இந்த முறை குறைவான தொகுதிகளே ஒதுக்கப்படும் என்று தெரிகிறது..

ஆனால், மற்ற கூட்டணி கட்சிகள் கூடுதல் தொகுதியை எதிர்பார்க்கின்றன. அப்படி குறைவாக தொகுதியை ஒதுக்கும்பட்சத்தில், சில கட்சிகள் அதிருப்தியால் வெளியேறக்கூடும் என்றும், அப்படி யாராவது வெளியேறினால் அவர்களுக்கு வலையை வீசி இழுக்கம், ரகசிய மூவ் அதிமுகவில் நடந்து வருவதாக சொல்கிறார்கள். அதனால்தான், பாமக, தேமுதிகவிடம்கூட, கூட்டணி பேச்சுவார்த்தையை தொடங்காமல் இருப்பதாகவும் தகவல்கள் கூறுகின்றன.

கூட்டணி உறவு: பாஜகவுடன் கூட்டணியை முறித்து கொண்டதுமே, திமுகவிலிருந்து சில கட்சிகள் தங்கள் பக்கம் வந்துவிடும் என்று அதிமுக மேலிடம் நிறையவே எதிர்பார்த்தது. ஆனால், ஒருத்தருமே அதிமுக பக்கம் வரவில்லை.. அவ்வளவு ஏன்? சொந்த கூட்டணியிலிருக்கும் கட்சிகளே இன்னும் தங்கள் முடிவை அறிவிக்காத நிலையே உள்ளது.

இப்படிப்பட்ட சூழலில், திமுகவின் கூட்டணிக்காக அதிமுக காத்திருப்பதாக தகவல்கள் வெளியாகி உள்ளது, மிகுந்த எதிர்பார்ப்பை அரசியல் கள்த்தில் ஏற்படுத்தி வருகிறது.. பொறுத்திருந்து பார்ப்போம்..!!

English summary

Is Edappadi Palanisamy Waiting for DMK Alliance and Can Congress alliance with AIADMK,