தவறி கூட இந்த தவறை பண்ணிடாதீங்க.. ஒரு ஆதார் கார்டை எத்தனை முறை அப்டேட் செய்யலாம்? ரொம்ப முக்கியம்
சென்னை: ஒரு ஆதார் கார்டில் எத்தனை முறை விவரங்களை அப்டேட் செய்யலாம் , எத்தனை முறை மாற்றங்களை மேற்கொள்ளலாம் என்று தெரியுமா?
ஆதார் கார்ட் தற்போது நாட்டில் முக்கியமான அடையாள அட்டையாக மாறிவிட்டது. பல சேவைகளுக்கு இந்தியாவில் ஆதார் கார்ட் முக்கியம் என்று அறிவிக்கப்பட்டு உள்ளது. பல துறைகளில் ஆதார் கார்டுகளை இணைக்க வேண்டியதும் அவசியம் ஆகிவிட்டது.
மத்திய அரசு சேவைகள், மாநில அரசு சேவைகளை பெற ஆதார் கார்ட் முக்கியமாகி உள்ளது. சமீபத்தில் கூட பான் கார்டுகளை ஆதார் கார்டுடன் இணைக்க வேண்டும் என்று மத்திய அரசு உத்தரவிட்டு இருந்தது நாடு முழுக்க பான் கார்டை ஆதார் கார்டுடன் இணைக்க வேண்டும் என்று உத்தரவிடப்பட்டு உள்ளது.
இப்படிப்பட்ட ஆதார் கார்டுகளில் போட்டோ மாற்றுவது தொடங்கி போன் எண் மாற்றுவது வரை இந்த ஆதார் கார்டை பலர் பல விஷ்யங்களுக்காக அப்டேட் செய்வது வழக்கம். அதெல்லாம் சரி ஆதார் விவரங்களை எத்தனை முறை புதுப்பிக்க முடியும்? என்று உங்களுக்கு தெரியுமா?
பாதுகாப்புக் காரணங்களால் சில வரம்புகள் உள்ளன. இந்திய தனித்துவ அடையாள ஆணையத்தின் வழிகாட்டுதல்களின்படி, பயனர் அதை பல முறை புதுப்பிக்க முடியாது, சிலமுறை மட்டுமே புதுப்பிக்க முடியும்.
ஆதார் விவரங்களை எத்தனை முறை புதுப்பிக்கலாம்
-பெயர்: ஆதார் அட்டையில் உள்ள பயனரின் பெயரை இரண்டு முறை மாற்றலாம்.
-பிறந்த தேதி: ஆதாரில் உள்ள பிறந்த தேதியை ஒருபோதும் மாற்ற முடியாது. தரவு உள்ளீடு செயல்பாட்டின் போது பிழை ஏற்பட்டால் மட்டுமே இது சாத்தியமாகும்.
-முகவரி மற்றும் பாலின மாற்றங்கள்: முகவரி மற்றும் பாலினம் இரண்டையும் ஒருமுறை மட்டுமே மாற்ற முடியும்.
- UIDAI பிராந்திய அலுவலகத்திற்குச் செல்வதன் மூலம் ஆதாரின் பெயர், பாலினம் அல்லது ஒரு குறிப்பிட்ட வரம்புக்கு அப்பால் பிறந்த தேதியில் மாற்றங்கள் செய்ய முடியும் .
விதிவிலக்கான சந்தர்ப்பங்களில் ஆதாரில் கூடுதல் மாற்றங்களைச் செய்வது எப்படி?
-பயனர் தங்கள் பெயர், பிறந்த தேதி அல்லது பாலினத்தைப் புதுப்பிக்க ஆதார் பதிவு மையத்திற்குச் செல்ல வேண்டும்.
-ஆதார் விவரங்களைப் புதுப்பிப்பதற்கு ஒதுக்கப்பட்ட எண்ணிக்கையை மீறினால், பதிவு மையத்திற்கு மின்னஞ்சல், அஞ்சல் அல்லது UIDAI பிராந்திய அலுவலகம் மூலம் கோரிக்கை அனுப்பப்பட வேண்டும்.
-மாற்றம் கோரும் பயனர் அதற்கான காரணத்தையும், URN சீட்டின் நகலையும், ஆதார் விவரங்கள் மற்றும் துணை ஆவணங்களையும் வழங்க வேண்டும்.
- [email protected] க்கு மின்னஞ்சல் அனுப்பவும்.
இதன் மூலம் அனுமதிக்கப்பட்ட அளவை தாண்டி கூடுதலாக ஆதாரை புதுப்பிக்க முடியும்.
ஆதார் மாற்றம்: உதாரணமாக உங்களின் பெயர் தவறாக இருந்தால் அல்லது வேறு விவரங்கள் தவறாக இருந்தால் ஆன்லைன் மூலம் அதை எளிதாக மாற்ற முடியும். இதற்கான வசதிகளை ஆதார் அமைப்பு ஏற்படுத்தி கொடுத்து உள்ளது.
UIDAI ஏற்படுத்தி கொடுத்துள்ள வசதிகள் மூலம் எளிதாக இந்த விவரங்களை மாற்ற முடியும். இனி மார்ச் 14ம் தேதி வரை இந்த மாற்றங்களை செய்ய கட்டணம் இல்லை. ஆன்லைன் மூலம் எளிதாக செய்ய முடியும். நேரில் ஆதார் மையத்தில் செய்வதற்கு மட்டும் 50 ரூபாய் கட்டணம் வசூலிக்கப்படும்.
கட்டணம் இல்லை: myAadhaar பக்கம் மூலம் எளிதாக இவர்கள் விலாசத்தை மாற்றும் வசதி இருந்தது. ஆனால் தற்போது அந்த அவகாசம் நிறைவிற்கு வர உள்ளது. நேற்றோடு இந்த அவகாசம் முடிந்த நிலையில் இனி விலாசத்தை மாற்ற கட்டணம் செலுத்த வேண்டும்.
இச்சேவையை நேரிடையாக பெற இப்போதும் கட்டணம் உள்ளது. ஆனால் இதுவரை ஆன்லைன் வழியாக இலவசமாக பெற முடிந்தது. .
uidai.gov.in அல்லது https://myaadhaar.uidai.gov.in/genricPVC மூலம் ஆதார் எண் அல்லது விர்ச்சுவல் ஐடி அல்லது என்ரோல்மென்ட் ஐடி மூலம் இந்த அட்டையின் விலாசத்தை புதுப்பிக்க முடியும். இதற்கு கட்டணம் இப்போது இல்லை.. மை ஆதார் என்ற செயலியில் உங்கள் ஆதார் எண்ணை வைத்து லாகின் செய்து, அதிலேயே பணம் செலுத்தாமல் விவரங்களை மாற்ற முடியும் முடியும்.
இணையதளம் மூலம் இலவசமாக திருத்திக் கொள்வதற்கான கால அவகாசம் ஜூன் 14 வரை உள்ளது.
Click it and Unblock the Notifications
Sign in with Google