JEE: ஐஐடி, என்ஐடி, ஐஐஐடி-யில் என்ஜினியரிங் படிக்கணுமா? ஜேஇஇ மெயின் தேர்வு எழுதுங்க! நவ.27 கடைசி நாள்
சென்னை: அடுத்த ஆண்டு நடைபெறவுள்ள ஜேஇஇ மெயின் தேர்வுக்கு வரும் நவம்பர் 27ஆம் தேதிக்குள் ஆன்லைனில் விண்ணப்பிக்கலாம் என தேசிய தேர்வு முகமை (என்டிஏ) அறிவித்துள்ளது.
இது தொடர்பாக வெளியிட்டுள்ள அறிவிப்பில் கூறியிருப்பதாவது: ஐஐடி, ஐஐஐடி, என்ஐடி உள்ளிட்ட தொழில்நுட்பக் கல்வி நிறுவனங்களில் பி.இ., பி.டெக் சேர்க்கைக்கான ஜேஇஇ மெயின் தேர்வு தாள் 1, பிஆர்க், பி பிளானிங் சேர்க்கைக்கான ஜேஇஇ மெயின் தேர்வு தாள் 2ம் தேசிய தேர்வு முகமையால் நடத்தப்படுகின்றன.
இந்த நுழைவுத் தேர்வு ஒவ்வொரு ஆண்டும் ஜனவரி, ஏப்ரல் ஆகிய இருமுறை நடத்தப்படும். அந்த வகையில் 2026- 2027-ஆம் கல்வியாண்டில் மேற்கண்ட படிப்புகளின் சேர்க்கைக்கான முதல் ஜேஇஇ மெயின் தேர்வு 2026 ஆம் ஆண்டு ஜனவரி 21 ஆம் தேதி முதல் 30-ஆம் தேதி வரை நடைபெறவுள்ளது.
ஐஐடி, என்ஐடி உள்ளிட்ட கல்வி நிறுவனங்களில் சேர விரும்பும் பிளஸ் 2 மாணவர்கள் www.nta.ac.in என்ற இணையதளத்தை பயன்படுத்தி நவ.27ம் தேதிக்குள் ஆன்லைனில் விண்ணப்பிக்க வேண்டும்.
மாணவர்களுக்கு ஒதுக்கப்படும் தேர்வு மையத்தின் விவரங்கள் ஜனவரி முதல் வாரம் வெளியிடப்படும். இந்தத் தேர்வின் முடிவுகளை பிப்.12 ஆம் தேதி வெளியிட திட்டமிடப்பட்டுள்ளது. ஏப்ரல் மாதம் நடைபெறும் 2ஆவது ஜேஇஇ மெயின் தேர்வுக்கான அறிவிப்பு பின்னர் வெளியிடப்படும் என தெரிவிக்கப்பட்டுள்ளது.
ஐஐஐடி, என்ஐடி உள்ளிட்ட நிறுவனங்களில் சேர ஜேஇஇ மெயின் தேர்வில் குறிப்பிட்ட Percentile பெற்றிருக்க வேண்டும். அதே நேரத்தில் ஐஐடியில் சேர வேண்டுமானால் ஜேஇஇ advanced தேர்வு எழுதி அதில் தேர்ச்சி பெற்றிருக்க வேண்டும். ஜேஇஇ மெயின் தேர்வில் குறிப்பிட்ட தரவரிசைக்குள் இருக்கும் மாணவர்கள் அட்வான்ஸுடு தேர்வு எழுதலாம் என குறிப்பிடத்தக்கது.
ஜேஇஇ மெயின் தேர்வில் தேர்ச்சி பெறுவது அத்தனை எளிதான காரியம் அல்ல. அதற்கு நிறைய பயிற்சிகள் தேவை. அதிக நேரம் படிக்க வேண்டியுள்ளது. கடின உழைப்பு இருந்தால் நிச்சயம் ஜேஇஇ தேர்வில் சாதிக்கலாம். வாழ்த்துகள் மாணவர்களே!
Click it and Unblock the Notifications
Sign in with Google