லப்பர் பந்து இவ்ளோ பெரிய வெற்றி பெறும்னு நினைக்கல.. "கெத்து நண்பன்" ஜென்சன் திவாகர் நெகிழ்ச்சி!
சென்னை: அறிமுக இயக்குநர் தமிழரசன் பச்சமுத்து இயக்கிய "லப்பர் பந்து" திரைப்படம் தமிழ் சினிமாவில் புதிய அத்தியாயத்தை எழுதியிருக்கிறது. படத்தின் வெளியீட்டுக்கு முன், அட்டகத்தி தினேஷ், ஹரிஷ் கல்யாண் போன்ற வளர்ந்துவரும் நடிகர்களின் படம் என்பதால் அதிக எதிர்பார்ப்பு இல்லை. ஆனால், வெளியான ஒரு வாரத்திலேயே படம் மக்கள் மனதில் நீங்கா இடம் பிடித்துவிட்டது. வெற்றிமாறன், தரணி, ரஞ்சித் போன்ற முன்னணி இயக்குநர்கள் கூட இப்படத்தை பாராட்டியது குறிப்பிடத்தக்கது.
ஜென்சன் திவாகர் என்ன சொல்கிறார்?
படத்தில் கெத்துவின் நண்பராக நடித்த ஜென்சன் திவாகர், நமக்கு அளித்த சிறப்பு பேட்டியில், இந்த பிரமாண்ட வெற்றியை யாரும் எதிர்பார்க்கவில்லை என்று கூறியுள்ளார். இது ஒரு சாதாரண ஸ்போர்ட்ஸ் படம் என்று மக்கள் எண்ணியிருந்த நிலையில், இவ்வளவு பெரிய வெற்றி கிடைத்தது மிகுந்த மகிழ்ச்சி அளிப்பதாக தெரிவித்துள்ளார்.
இன்றுவரை ஹவுஸ்ஃபுல்லாக படம் ஓடுவதாக வரும் தகவல்களை கேட்டு மிகுந்த மகிழ்ச்சியடைவதாகவும், மக்கள் இதை தங்களின் வெற்றியாக பார்க்கிறார்கள் என்றும் அவர் தெரிவித்துள்ளார். வெற்றி பெறும் என்பது நடிக்கும்போதே தெரியும் என்றாலும், இவ்வளவு பெரிய வெற்றியை தானும் எதிர்பார்க்கவில்லை என்று நெகிழ்ந்து பேசியுள்ளார் அவர்.
[இங்கே வீடியோவை பார்க்கலாம்]
Click it and Unblock the Notifications
Sign in with Google