ஜான் ஆரோக்கியசாமியின் டெல்லி லாபி.. திமுகவுக்கு தூதுவிட்ட சுனில்.. சபரீசனுக்கு வந்துச்சே கோபம்

Updated: Wednesday, June 10, 2026, 17:25 [IST]

Subscribe to Oneindia Tamil

சென்னை: அரசியல் கட்சிகள் கொள்கை இல்லாமல் கூட தேர்தலை சந்தித்துவிடுவார்கள். ஆனால் வியூக வகுப்பாளர்கள் இல்லாமல் தேர்தலை சந்திப்பதில்லை. ஒவ்வொரு கட்சிக்கு ஒரு வியூக வகுப்பாளர் என்ற நிலை மாறி, ஒவ்வொரு தலைவர், வேட்பாளர் வியூக வகுப்பாளர்களை வைத்துக் கொள்ளும் காலமாகிவிட்டது. தவெக மற்றும் விஜய் வெற்றிக்கு காரணமான ஜான் ஆரோக்கியசாமி 2029 தேர்தலுக்காக காங்கிரஸ் கட்சிக்கு வியூக வகுப்பாளர் ஆகும் வாய்ப்பு உள்ளதாம். இதனால் ஏற்கனவே காங்கிரஸில் உள்ள வியூக வகுப்பாளர் சுனில் திமுகவுக்கு தூதுவிட்டுள்ளாராம்.

சட்டமன்ற தேர்தலுக்கு பிறகு தமிழ்நாடு அரசியல் களம் அப்படியே மாறியுள்ளது. தவெக ஆட்சிக்கு வந்துள்ளது. திமுக எதிர்க்கட்சியாகிவிட்டது. தமிழகத்தை அதிகமுறை ஆண்ட அதிமுக மூன்றாம் இடத்திற்கு தள்ளப்பட்டது. கட்சி ஆரம்பித்த இரண்டே வருடங்களில் தவெக ஆட்சியை பிடித்துள்ளது. இது தேசியளவில் பெரும் ஆச்சர்யத்தை ஏற்படுத்தியுள்ளது. தமிழகத்தில் அரை நூற்றாண்டுக்கு பிறகு திராவிட கட்சிகள் ஆட்சியில் இருந்து அகற்றப்பட்டுள்ளன.

டெல்லியை நோக்கி ஜான் ஆரோக்கியசாமி

தவெக வெற்றிக்கு பல்வேறு காரணங்கள் உள்ளன. விஜய் மூலம் மாற்று அரசியல் ஏற்படும் என்று மக்கள் நம்பியுள்ளார்கள். தவெக மற்றும் விஜய்க்கு அரசியல் ஆலோசகராக ஜான் ஆரோக்கியசாமி உள்ளார். கடந்த காலங்களில் பாமக, காங்கிரஸ் உள்ளிட்ட கட்சிகளுக்கு ஜான் வியூக வகுப்பாளராக இருந்தார். அந்த பிரச்சாரங்கள் தேர்தலில் கவனம் ஈர்த்திருந்தாலும் பெரிய வெற்றியாக மாறவில்லை. தவெகவின் வெற்றி ஜான் ஆரோக்கியசாமிக்கு தேசியளவு டிமேண்ட் உருவாகியுள்ளது.

பிரசாந்த் கிஷோர், சுனில் உள்ளிட்ட பல்வேறு வியூக வகுப்பாளர்கள் பாஜகவுக்கு எதிராக பணியாற்றிவிட்டனர். ஆனால் தேசியளவில் பாஜகவை தோற்கடிFக்க முடியவில்லை. இந்நிலையில் 2029 நாடாளுமன்ற தேர்தலில் காங்கிரஸின் தேர்தல் ஆலோசகர் வியூக வகுப்பாளராக ஜான் ஆரோக்கியசாமி நியமிக்கப்படுவதற்கான வாய்ப்புகள் இருப்பதாக தகவல் வெளியாகியுள்ளது. இதற்கான டெல்லி அரசியலை நோக்கி ஜான் தீவிரமாக காய் நகர்த்தி வருகிறாராம்.

தமிழகத்தை நோக்கி சுனி்ல்

இதனால் காங்கிரஸின் வியூக வகுப்பாளராக உள்ள சுனில் கனுகொலு அதிர்ச்சியடைந்துள்ளார். 2029 நாடாளுமன்ற தேர்தலுக்காக அவர் குறிவைத்த இடத்தை ஜான் குறி வைத்திருப்பதால் சுனில் அதிர்ச்சியடைந்துள்ளார். ஜான் ஏற்கனவே காங்கிரஸின் வியூக வகுப்பாளராக இருந்து, சுனிலின் வருகையால் வெளியேற்றப்பட்டார். தற்போது அதுவே அவருக்கு புமரேங்காக தாக்கியுள்ளது அரசியலில் விவாதத்தை ஏற்படுத்தியுள்ளது.

ஜான் டெல்லியில் இருந்து இந்தியா முழவதும் காய் நகர்த்துவதால், சுனில் தமிழக அரசியல் பக்கம் காய் நகர்த்தியுள்ளார். திமுக சபரீசனின் பென் அணி மீது அப்செட்டில் இருக்கிறது. இதை வைத்து அவர் திமுகவுக்கு வியூக வகுப்பாளராக வர அவர் விருப்பம் தெரிவித்Xதுள்ளார். இதற்கு சபரீசன் தான் பெரும் தடையாக உள்ளாராம். 2016 சட்டமன்ற தேர்தலில் சுனில் திமுகவுக்காக பணியாற்றினார். அவரால் எந்த வெற்றியும் கிடைக்கவில்லை.

2021 சட்டமன்ற தேர்தலில் சுனில் அதிமுகவுக்கு பணியாற்றினார். இரண்டு தேர்தலிலும் அவர் வியூகம் வகுத்த கட்சி வெற்றி பெறவில்லை. கர்நாடகா காங்கிரஸிலும் சுனிலால் குழப்பங்கள் ஏற்பட்டுள்ளன. எனவே அவர் வேண்டவே வேண்டாம் என்று ஸ்டாலினிடம் சபரீசன் சொல்லியுள்ளாராம். இதனால் வேறு வழியில்லாமல் காங்கிரஸ் கட்சிக்குள்ளேயே ஏதாவது பொறுப்பை வாங்கி காலத்தை கடத்த சுனில் முயற்சி செய்து வருகிறாராம்.