எமர்ஜென்சி.. ஹாஸ்பிட்டலுக்கு போக வழிவிடுங்க.. பேச்சை நிறுத்திவிட்டு கமல் செய்த தில் செயல் - வீடியோ

நேற்று சென்னையில் பிரச்சாரத்தின் போது மநீம தலைவர் கமல்ஹாசன் மருத்துவமனைக்கு அவசரமாக செல்லும் ஆட்டோவிற்கு வழிவிட்ட நிகழ்வு பெரிய வைரலாகி இருக்கிறது.

சென்னை: நேற்று சென்னையில் பிரச்சாரத்தின் போது மநீம தலைவர் கமல்ஹாசன் மருத்துவமனைக்கு அவசரமாக செல்லும் ஆட்டோவிற்கு வழிவிட்ட நிகழ்வு பெரிய வைரலாகி இருக்கிறது.

லோக்சபா தேர்தலுக்காக மக்கள் நீதி மய்யம் கட்சி தீவிரமாக பிரச்சாரம் செய்து வருகிறது. இந்த நிலையில் மக்கள் நீதி மய்யம் தலைவர் கமல்ஹாசன் நேற்று சென்னையில் பிரச்சாரம் செய்தார்.

நேற்று கமல்ஹாசன் பிரச்சாரத்தில் நடந்த முக்கியமான நிகழ்வு ஒன்று தற்போது பெரிய வைரலாகி உள்ளது.

பேசினார்

இந்த நிலையில் கமல்ஹாசன் பேசிக்கொண்டு இருந்த போது, பிரச்சார கூட்டத்தில் ஆட்டோ ஒன்று சிக்கி இருந்துள்ளது. அந்த ஆட்டோவில் மருத்துவமனைக்கு செல்லும் குடும்பம் ஒன்று இருந்துள்ளது. இந்த தகவல் வாகனத்தில் பிரச்சாரம் செய்து கொண்டு இருந்த கமல்ஹாசனிடம் தெரிவிக்கப்பட்டது.

அசாத்திய வேகம்

இதையடுத்து கமல்ஹாசன் உடனடியாக, ஒரு எமர்ஜென்சி, யாரோ ஹாஸ்பிட்டலுக்கு செல்ல வேண்டும் என்று நினைக்கிறேன். ஆட்டோ ஒன்று நிற்கிறது. அதற்கு வழிவிடுங்கள். அவர்கள் மருத்துவமனைக்கு செல்ல வேண்டும். நம்முடைய மீட்டிங் நடக்கவில்லை என்றாலும் பரவாயில்லை என்று கூறினார்.

முதல்வனே வனே வனே வனே வனே வன்னே
முதல்வனே வனே வனே வனே வனே வன்னே
முதல்வனே வனே வனே வனே முதல்வனேஏஏஏஏஏ🔥💥😍💪🔦 pic.twitter.com/5VRc7lL63P

— 🔦அட்டகத்தி 🔪 (@jovanrichard) April 4, 2019

நல்லது

அதன்பின் அந்த ஆட்டோ செல்லும் வரை கூட்டத்தை கலைந்து செல்ல வைத்தார். பின் தான் நின்ற வண்டியையும் ஓரமாக நகர சொன்னார். பின் அந்த ஆட்டோ அங்கிருந்து சென்றதை உறுதி செய்த பின்பே தன்னுடைய பேச்சை தொடங்கினார்.

வீடியோ வைரல்

அதன்பின் இப்படித்தான் இருக்கும் எங்கள் ஆட்சி, பேச்சு முக்கியம் அல்ல செயல்தான் முக்கியம் என்று கமல்ஹாசன் கூறினார். அவரின் இந்த செயலை பார்த்த மக்கள் கரகோஷம் எழுப்பினார்கள். இந்த வீடியோ தற்போது இணையத்தில் வெளியாகி வைரலாகி உள்ளது.

English summary

Makkal Needhi Maiam Kamal Haasan makes a way for auto with which goes to hospital - Video.