ஆன்டி இந்தியன்.. எச்.ராஜாவை பார்த்ததும் டீவியை ரிமோட்டால் உடைத்த கமல்.. வைரல் வீடியோ!

லோக்சபா தேர்தல் பிரச்சாரத்திற்காக மக்கள் நீதி மய்யம் தலைவர் கமல்ஹாசன் வெளியிட்டு இருக்கும் வீடியோ ஒன்று இணையத்தில் வைரலாகி உள்ளது.

Updated: Friday, April 12, 2019, 17:47 [IST]

Subscribe to Oneindia Tamil

Recommended Video

எச்.ராஜாவை பார்த்ததும் டீவியை டார்ச்சால் உடைத்த கமல்.. வைரல் வீடியோ!

சென்னை: லோக்சபா தேர்தல் பிரச்சாரத்திற்காக மக்கள் நீதி மய்யம் தலைவர் கமல்ஹாசன் வெளியிட்டு இருக்கும் வீடியோ ஒன்று இணையத்தில் வைரலாகி உள்ளது.

லோக்சபா தேர்தலுக்காக மக்கள் நீதி மய்யம் கட்சி தீவிரமாக பிரச்சாரம் செய்து வருகிறது. பிரச்சாரங்களில் கமல்ஹாசன் தீவிரமாக கட்சிகளை எல்லாம் விமர்சனம் செய்து வருகிறார். இந்த நிலையில் மக்கள் நீதி மய்யம் தலைவர் கமல்ஹாசன் டிவிட்டரில் தற்போது வீடியோ ஒன்று வெளியிட்டுள்ளார்.

இந்த வீடியோவின் தொடக்கத்தில் முதலில் திமுக தலைவர் ஸ்டாலின் டிவி ஒன்றில் பேசுகிறார். நான் கருணாநிதியின் மகன் என்று அவர் கூறுகிறார். உடனே கமல்ஹாசன் முகம் கோபமாகி கோணலாகிறது. அதன்பின் வடஇந்திய தலைவர் பேசுகிறார்.

முதல்வர் பேச்சு

பின் முதல்வர் எடப்பாடி பழனிச்சாமி பேசுகிறார். தொடர்ந்து வரிசையாக தலைவர்கள் பேசுகிறார்கள். இதை அனைத்தையும் பார்க்க பார்க்க கமல்ஹாசனின் முகம் கோணலாகிறது. அதன்பின் எச்.ராஜா வந்து டீவியில் ''நான் உங்களுக்கு பதில் சொல்ல முடியாது.. நீங்கள் ஆன்டி இந்தியன்'' என்கிறார்.

கடும் கோபம்

இதை பார்த்ததும் கோபம் தலைக்கேறிய கமல்ஹாசன் டீவியை ரிமோட்டால் அப்படியே உடைத்து நொறுக்குகிறார். பின் அவர் கேமராவை நோக்கி, முடிவு பண்ணிட்டீங்களா? யாருக்கு ஓட்டு போட போறீங்க.குடும்ப அரசியல்ன்னு சொல்லி நாட்டையே குழி தோண்டி புதைச்சாங்களே அவங்களுக்கா.

நம் விழியில் எரியும் கோபம், நம் விரல்களில் வெடிக்கட்டும்!

புது வெளிச்சம் பிறக்கட்டும்!

வாக்களிப்பீர் #டார்ச்லைட் சின்னத்திற்கு.

உங்கள் நான். pic.twitter.com/MUdNCjSsgb
— Kamal Haasan (@ikamalhaasan) April 12, 2019

நம் உரிமை

இல்லை நம்மை உரிமைக்காக போராடின போது துரத்தினாங்களே அவங்களுக்கா. இல்லை விவசாயிகளை நடுத்தெருவில் நிற்க வைத்தார்களே அவங்களுக்காக, இல்லை கார்ப்பரேட் கைக்கூலியா மாறி மக்களை சுட்டு கொன்றார்களே அவங்களுக்கா.. யாருக்கு வாக்களிக்க போகிறீர்கள்.

வைரல்

சொல்லுங்க.. யாருக்கையா ஓட்டு போட போறீங்க.. ஏப்ரல் 18 குனிஞ்சு கும்பிடாதீங்க.. நிமிர்ந்து ஓட்டு போடுங்க.. மாபெரும் மாற்றத்திற்கு மக்கள் நீதி மய்யம், என்று கமல்ஹாசன் அந்த வீடியோவில் பேசி இருக்கிறார். கமல்ஹாசனின் இந்த புது விதமான பிரச்சாரம் பெரிய வைரலாகி உள்ளது.