பத்தல பத்தல பாடலில் வரும் "ஒன்றியம்" என்றால் என்ன? கமல் விளக்கத்தை கேட்டு தலைசுற்றிப்போன நிருபர்கள்
சென்னை: விக்ரம் படத்தில் பத்தல பத்தல பாடலில் வந்த வரிகள் சர்ச்சையை ஏற்படுத்திய நிலையில் தமிழில் ஒன்றியம் என்பதற்கு பல அர்த்தங்கள் இருப்பதாக கமல்ஹாசன் தெரிவித்துள்ளார்.
Recommended Video
லோகேஷ் கனகராஜ் இயக்கத்தில் வரும் ஜூன் 3ஆம் தேதி வெளியாகிறது விக்ரம் படம். இந்த படத்தில் கமல்ஹாசன் எழுதி பாடிய பத்தல பத்தல பாடல் டிராக் வெளியானது. இதில் ஒன்றியத்தின் தப்பால ஒன்னுமில்ல இப்பாலே என வரிகள் இடம்பெற்றுள்ளது.
அது போல் சாவி இப்போ திருடன் கையிலே என்ற வரியும் உள்ளது. இது பெரும் சர்ச்சையை ஏற்படுத்தியது. இந்த நிலையில் விக்ரம் திரைப்படம் குறித்து செய்தியாளர் சந்திப்பில் கமல்ஹாசன் கலந்து கொண்டார்.
4ஆண்டுகள்
அவர் கூறுகையில் கடந்த 4 ஆண்டுகளாக எனது நடிப்பில் எந்த படமும் வெளியாகவில்லை. 4 ஆண்டுகள் காத்திருக்க வைத்ததற்காக ரசிகர்களிடம் மன்னிப்பு கேட்டுக் கொள்கிறேன். பத்தல பத்தல பாடலில் அரசியல் நெடி இருப்பதாக நிறைய பேர் சர்ச்சையை கிளப்புகிறார்கள். ஆனால் தமிழில் ஒரு வார்த்தைக்கு பல அர்த்தங்கள் உள்ளன.
ஒன்றியம்
ஒன்றியம் என்ற வார்த்தைக்கு பதில் பல வார்த்தைகள் உள்ளது. பத்திரிகையாளர் இணைந்துள்ள இந்தக் கூட்டம் ஒன்றியம்தான். இயக்குநர்கள் மற்றும் தயாரிப்பாளர்கள் வைத்துள்ள சங்கம் கூட ஒரு ஒன்றியம்தான். படம் வெளிவந்த பிறகு இதற்கான அர்த்தங்கள் தெரியும் என்றார்.
ஜூன் 3 இல் விக்ரம்
இதையடுத்து முன்னாள் முதல்வர் கருணாநிதியின் பிறந்தநாளான ஜூன் 3-இல் விக்ரம் படம் வெளியாவது குறித்து கேள்வி எழுப்பப்பட்டது. அதற்கு அவர் இது திட்டமிட்டு நடக்கவில்லை. தற்செயலாக நடந்தது. எதேச்சையாக நடந்ததில் எனக்கு சந்தோஷம்தான் என்று விளக்கினார்.
இசை வெளியீட்டு விழா
முன்னதாக இந்த பாடலின் இசை வெளியீட்டு விழா கடந்த 15ஆம் தேதி சென்னையில் நடைபெற்றது. இந்த விழாவில் கமல்ஹாசன், உதயநிதி ஸ்டாலின் உள்ளிட்டோர் கலந்து கொண்டனர். இதில் போட்டியாளர்களாக இருந்தாலும் தானும் முதல்வர் ஸ்டாலினுக்கு நல்ல நண்பர்கள், அரசியல் வேறு நட்பு வேறு என்று கமல்ஹாசன் கூறியிருந்தது குறிப்பிடத்தக்கது.
Click it and Unblock the Notifications
Sign in with Google