2 வாரம்தாங்க.. வீட்டுலயே இருங்க.. ஸ்கூல் ஃபீஸ், வாடகை, ஈஎம்ஐ கட்ட உங்க உடல்நலம் முக்கியம்.. கமல்
சென்னை: இன்னும் 2 வாரம்தான் வீட்டுக்குள்ளேயே இருங்கள். பள்ளிக் கட்டணம், வாடகை, ஈஎம்ஐ கட்ட உங்கள் உடல்நலம் முக்கியம் என கமல்ஹாசன் அறிவுறுத்தியுள்ளார்.
Recommended Video
நாளை நாடு முழுவதும் சுய ஊரடங்கு கடைப்பிடிக்கப்படுகிறது. இந்த நிலையில் தமிழகம் தற்போது கொரோனா பாதிப்பில் 4ஆவது வாரத்தில் உள்ளதால் இனி வரும் 2 வாரங்களில் எச்சரிக்கையுடன் இருக்க வேண்டும் என அறிவுறுத்தப்பட்டுள்ளது.
இதுகுறித்து கமல்ஹாசன் இன்னொரு வீடியோவில் கூறுகையில் என்ன இது வீட்ல இருக்க சொல்கிறீர்கள், வருமானத்திற்கு என்ன செய்வது? மார்ச், ஏப்ரல் மாதத்தில் குழந்தைகளுக்கு ஸ்கூல் ஃபீஸ் கட்டணுமே! ஆண்டு கட்டணம் வேற இருக்கு என ஏகப்பட்ட குழப்பங்கள். நாளைக்கு வருமானம் வருமா? கடையெல்லாம் அடைச்சிடுமேனு நிறைய கேள்விகள் எழும்.
கொஞ்சம்
இவையெல்லாமும் செய்ய நீங்கள் உடல்நலத்துடன் இருக்க வேண்டியது ரொம்ப அவசியம் என்பதை மறந்துவிடாதீர்கள். அதனால்தான் இந்த 2 வாரமும் முக்கியமானது. வேலை என்னவாகும், பசங்க படிப்பு என்னவாகும், தொழில் என்னவாகும் என்ற உங்களின் நியாயமான பயங்களை கொஞ்சம் ஒதுக்கி வையுங்கள்.
குழந்தைகள்
இந்த 2 வாரத்தை எப்படி சரியாக பயன்படுத்த வேண்டும் என்பதை பாருங்க. அதுதான் நமக்கு இருக்கும் ஒரே வழி. வேலை, தொழில்னு எப்போதும் ஓடிகிட்டு இருந்திருந்தீர்கள் என்றால் இந்த 2 வாரம் உங்கள் குடும்பத்துடன் நேரத்தை செலவிடுங்கள். இத்தனை வருஷங்கள் நீங்கள் தெரிந்துகிட்ட விஷயங்களை உங்கள் குழந்தைகள் கிட்ட சொல்லுங்கள்.
என்ன செய்யலாம்
நீங்கள் படிக்க வேண்டும் என நினைத்து படிக்க முடியாமல் போன அந்த புத்தகம், நீங்கள் பார்க்க வேண்டும் என நினைத்து பார்க்க முடியாமல் போன படம், கற்றுக் கொள்ள வேண்டும் என நினைத்து கற்றுக் கொள்ள முடியாமல் போன இசை. டைம் இல்லை என தள்ளிபோட்ட அந்த போன் அழைப்புகள் ஆகியவற்றை இப்போது செய்யுங்கள்.
— Kamal Haasan (@ikamalhaasan) March 21, 2020 |
காலத்தின் கட்டாயம்
வீட்டில் இருக்கும் பெரியவர்களுடன் நேரத்தை செலவிடுங்கள். குழந்தைகளை ஆன்லைன் கோர்ஸ்களில் சேர்த்து விடுங்கள். புது விஷயங்களை அவர்கள் கற்றுக் கொள்ளட்டும். அவசர கால சமையல் என்பதை இப்போது சொல்லிக் கொடுங்கள். எந்திரமா ஓடிக் கொண்டிருந்த வாழ்க்கையில் காலத்தின் கட்டாயத்தால ஒரு சின்ன இடைவேளை இப்போது கிடைத்திருக்கிறது. இதை சரியா பயன்படுத்துங்கள், வீட்டுலயே இருங்கள், பத்திரமாக இருங்கள். நோயற்ற வாழ்வே குறைவற்ற செல்வம்னு படித்ததை வழக்கத்திற்கு கொண்டு வரும் நேரம் இது என தெரிவித்துள்ளார் கமல்.