உங்களது அரசியல் பயணம் இனிதே தொடங்க வாழ்த்துகள்- நடிகர் கமல்ஹாசன்
Recommended Video
சென்னை: உங்களுடைய அரசியல் பயணம் இனிதே தொடங்க வாழ்த்துகள் என நடிகர் கமல்ஹாசன் தெரிவித்துள்ளார்.
நடிகர் பிரகாஷ்ராஜ் கடந்த 1-ஆம் தேதி புத்தாண்டு வாழ்த்துகளை கூறிய கையோடு தான் அரசியலில் சுயேச்சையாக போட்டியிடவுள்ளேன் என டுவிட்டரில் தெரிவித்திருந்தார்.
இதைத் தொடர்ந்து அவருக்கு வாழ்த்துகள் குவிந்தன. நேற்றைய தினம் அவர் தனது டுவிட்டர் பக்கத்தில் பிரகாஷ் ராஜ் மீண்டும் ஒரு கருத்தை பதிவு செய்திருந்தார். அதில் தான் பெங்களூர் மத்திய தொகுதியில் போட்டியிட போவதாக தெரிவித்திருந்தார்.
Wishing My friend Mr. @prakashraaj all the very best in his Political Journey. Thanks for walking the talk. #citizensvoice #justasking
— Kamal Haasan (@ikamalhaasan) January 6, 2019
இவருக்கு ஜிக்னேஷ் மேவானியும் ஆம் ஆத்மி கட்சியும் ஆதரவாக உள்ளது. இந்நிலையில் மக்கள் நீதி மய்யத்தின் தலைவர் கமல்ஹாசன், பிரகாஷ் ராஜூக்கு வாழ்த்துகளை தெரிவித்துள்ளார்.
கமல் தனது டுவிட்டர் பக்கத்தில் கூறுகையில் அரசியல் பயணம் இனிதே நிறைவேற பிரகாஷ் ராஜுக்கு வாழ்த்துகள் என கமல் தெரிவித்துள்ளார்.