மடியில் தூக்கி வைத்து.. செல்லமாக கொஞ்சி பேசி.. அசர வைத்த கமலா பாட்டி.. சூப்பர் பேத்தி!

பேத்தியுடன் கமலாஹாரிஸ் உரையாடும் வீடியோ இணையத்தில் வைரலாகி வருகிறது

சென்னை: கமலா ஹாரிஸ் தன்னுடைய பேத்தியுடன் கொஞ்சும் வீடியோ ஒன்று இணையத்தில் வைரலாகி வருகிறது.

கொரோனா வைரஸ் தொற்றை பின்னுக்குத்தள்ளி அமெரிக்காவின் அதிபர் தேர்தல் உலகையே உற்று நோக்கும்படி நடந்து வருகிறது.. தினம் தினம் அங்கு நடக்கும் மாறுதல்களும், திருப்பங்களும், பரபரப்பை கூட்டி வருகின்றன.

துணை அதிபர் வேட்பாளர் கமலா ஹாரிஸ் களத்தில் உள்ளார்.. விரைவில் வெற்றியும் பெற உள்ளார். இதையடுத்து, கமலா ஹாரிசுக்கு பல தரப்பில் இருந்து இப்போதே வாழ்த்துக்கள் குவிந்து வருகின்றன.

இந்நிலையில், கமலா ஹாரிஸின் ஒரு வீடியோ இணையத்தில் வைரலாகி வருகிறது.. அதில், தன்னுடைய பேத்தியை மடியில் உட்கார வைத்து கொஞ்சுகிறார்.. அப்போது பாட்டியிடம், தானும் அமெரிக்காவின் அதிபராக வேண்டும் என்று பேத்தி தன் ஆசையை சொல்கிறார்.

அதைக்கேட்டு பூரித்து போன கமலாவோ, "35 வயசாகட்டும், அதற்கு பிறகு அதிபராகலாம்" என்று விளக்கம் தருகிறார்.. பேத்தியும் பாட்டியும் கிட்டத்தட்ட ஒரு மணி நேரம் உரையாடுகிறார்கள்.

இந்த வீடியோவை கமலா ஹாரிஸின் மருமகள் மீனா இன்ஸ்டாகிராம் பக்கத்தில் பதிவிட்டுள்ளார். இதை பார்த்த பலரும் பேத்திக்கும், பாட்டிக்கும் வாழ்த்துக்களை சொல்லி வருகின்றனர்.

English summary

Kamala Harris chat with Grand daughter video goes viral on socials