விஜயகாந்த் உடம்பு சரியில்லாமல் இருக்கிறார்.. நலம் விசாரித்தார் ஸ்டாலின்.. தப்பில்லையே.. கனிமொழி

Updated: Saturday, February 23, 2019, 9:50 [IST]

சென்னை: விஜயகாந்த்தை போய் முக ஸ்டாலின் சந்தித்துவிட்டு வந்ததில் ஒரு தப்பும் இல்லை என்று கனிமொழி எம்பி தெரிவித்துள்ளார்.

கூட்டணி இழுபறியில் உள்ள தேமுதிக தலைவர் விஜயகாந்த்தை அரசியல் கட்சி தலைவர்கள் நேரில் சந்தித்து பேசி வருகின்றனர். இதில், திருநாவுக்கரசர், நடிகர் ரஜினியை தொடர்ந்து திமுக தலைவர் முக ஸ்டாலினும் சாலிகிராமத்தில் உள்ள விஜயகாந்த் வீட்டிற்கு நேரில் போனதுமே ஒட்டுமொத்த அரசியல் களமும் சூடானது. கூடவே பல விமர்சனங்களையும் தாங்கி வந்தது.

Kanimozhi says about MK Stalin-Vijayakanth Meeting

இவ்வளவு நாள் கேப்டனுக்கு உடம்பு சரியில்லைன்னு யாருக்கும் தெரியாதா? இன்னைக்குதான் எல்லோரும் போய் உடல்நலம் விசாரிக்கணுமா என்று கேள்விகள், சந்தேகங்கள் எழுந்தன.

இந்த நிலையில், இது சம்பந்தமாக திமுக மகளிர் அணி செயலாளர் கனிமொழி எம்பி கருத்து தெரிவித்துள்ளார். தூத்துக்குடி மாவட்டத்தில் கலந்து கொள்வதற்காக சென்னை ஏர்போர்ட் வந்த கனிமொழியிடம் செய்தியாளர்கள் விஜயகாந்த்-ஸ்டாலின் சந்திப்பு குறித்து கருத்து கேட்டனர்.

அதற்கு கனிமொழி, "தேமுதிக தலைவர் விஜயகாந்த் 'விஜயகாந்த் உடல் நலம் சரியில்லாமல் இருந்தார். இப்போது வெளிநாட்டில் சிகிச்சை பெற்று வந்தவரை விசாரிக்கவே திமுக தலைவர் மு.க.ஸ்டாலின் சென்று இருக்கலாம். இப்படி சந்தித்து உடல்நலம் குறித்து விசாரிப்பதில் எந்த தவறும் இல்லை" என்றார்.