பள்ளிக் கல்வித்துறையில் முக்கிய பொறுப்புகளில் அதிகாரிகள் மாற்றம்.. பறந்த உத்தரவு

சென்னை: கடந்த ஆண்டு ஜூன் மாதம் பள்ளி கல்வித்துறை இயக்குனராக அறிவொளி நியமனம் செய்யப்பட்டார். அவர் பதவியேற்று சரியாக ஓராண்டு நிறைவடைந்துள்ளது. தற்போது அவரது பணி ஓய்வு பெற இருப்பதையடுத்து, பள்ளிக் கல்வித்துறையின் புதிய இயக்குனராக கண்ணப்பன் நியமனம் செய்யப்பட்டுள்ளார். இதற்கான உத்தரவை தமிழக அரசு இன்று பிறப்பித்துள்ளது.

நிர்வாக காரணங்களுக்காக அரசின் பல்வேறு துறைகளில் உள்ள உயர் அதிகாரிகள் அவ்வப்போது இடமாற்றம் செய்யப்படுவது வழக்கம். அந்த வகையில், தற்போது பள்ளி கல்வித்துறையில் முக்கிய பொறுப்புகளில் அதிகாரிகள் மாற்றம் செய்யபட்டுள்ளனர். இது குறித்த விவரம் வருமாறு; தொடக்க கல்வி இயக்குனராக இருந்த கண்ணப்பன் பள்ளிக் கல்வி இயக்குனராக நியமனம் செய்யப்பட்டுள்ளர்.

பள்ளிக் கல்வித்துறை இயக்குனராக உள்ள அறிவொளி நாளையுடன் ஓய்வு பெற உள்ளதை அடுத்து கண்னன் நியமனம் செய்யப்பட்டுள்ளார். அதேபோல அரசு தேர்வுகள் இயக்குனர் சேதுராமவர்மா தொடக்க கல்வி இயக்குனராக பணியிட மாற்றம் செய்யப்பட்டுள்ளார். மாநில கல்வியியல் ஆராய்ச்சி, பயிற்சி இயக்குனர் லலிதாவிற்கு அரசு தேர்வுகள் இயக்குனராக கூடுதல் பொறுப்பு வழங்கப்பட்டுள்ளது.

பள்ளிக்கல்வித்துறையின் கரூர், மயிலாடுதுறை, கடலூர் ஆகிய மாவட்டங்களின் முதன்மை கல்வி அலுவலர்கள் வயது முதிர்வு காரணமாக நாளை பணி ஓய்வு பெறுகிறார்கள். இதன்காரணமாக, திருச்சி மாவட்ட முதன்மை கல்வி அலுவலர் கிருஷ்ணபிரியாவுக்கு, கரூர் மாவட்ட முதன்மை கல்வி அலுவலராக கூடுதல் பொறுப்பும், நாகை மாவட்ட முதன்மை கல்வி அலுவலர் சுபாசினிக்கு, மயிலாடுதுறை மாவட்ட முதன்மை கல்வி அலுவலராக கூடுதல் பொறுப்பும் வழங்கப்பட்டுள்ளது. மேலும், விழுப்புரம் மாவட்ட முதன்மை கல்வி அலுவலர் அறிவழகனுக்கு, கடலூர் மாவட்ட முதன்மை கல்வி அலுலராகவும் கூடுதல் பொறுப்பு வழங்கப்பட்டுள்ளது.

English summary

Enlightenment was appointed as the Director of School Education in June last year. It has been exactly one year since he took office. Kannappan has been appointed as the new Director of School Education after his retirement. The Tamil Nadu government has issued an order in this regard today.