புதுப் பொலிவுடன் திமுக அதிகாரப்பூர்வ இணையதளம் DMK.in! கருணாநிதி 100! துவக்கி வைத்த ஸ்டாலின்!

சென்னை: கருணாநிதி நூற்றாண்டு பிறந்தநாள் விழாவை ஒட்டி திமுகவின் அதிகாரப்பூர்வ இணையதளப் பக்கமான DMK.in என்ற முகவரி புது பொலிவுடன் புதிய பரிணாமத்துடன் மெருகூட்டப்பட்டுள்ளது. இதனை முதலமைச்சரும், திமுக தலைவருமான ஸ்டாலின் இன்று காலை தொடங்கி வைத்தார்.

DMK.in என்ற திமுக இணையதளத்தில் அண்மை நிகழ்வுகள், திராவிட மாடல், சாதனைகள், கொள்கைகள், வரலாறு, மக்கள் பிரதிநிதிகள் என ஏராளமான பிரிவுகள் உள்ளன. அதேபோல் திமுக வெளியீடுகள், தேர்தல் அறிக்கைகள், கருணாநிதி வரலாறு என இன்னும் பல பிரிவுகள் இதில் இடம்பெற்றுள்ளன.

அதேபோல் அரசு சார்ந்த அறிவிப்புகள், புகைப்படங்கள், அறிக்கைகளும் திமுக இனையதளப் பக்கத்தில் இடம்பெறும் வகையில் புதிதாக மாற்றியமைக்கப்பட்டுள்ளன. உழைப்பு, உழைப்பு, உழைப்பு, அதுவே நம் தளபதி என்ற வாசகமும் இந்த இணையதளப் பக்கத்தில் இடம்பெற்றிருக்கின்றன

சென்னை, ஆழ்வார்பேட்டை சித்தரஞ்சன் சாலையில் உள்ள முதலமைச்சரின் இல்லத்தில் வைத்தே இந்த இணையதளம் தொடங்கி வைக்கப்பட்டது. இது குறித்து முதல்வர் ஸ்டாலின் விடுத்துள்ள பதிவில் கூறியிருப்பதாவது;

இயக்க வரலாறு, அண்மை நிகழ்வுகள், நமது சாதனைகள் என இன்னும் பல தகவற்புதையல்கள் நிறைந்த, புதுப்பொலிவூட்டப்பட்ட https://t.co/AtLU4rIIQU கழக வலைத்தளத்தைக் #கலைஞர்100 கொண்டாட்டங்களின் ஒரு பகுதியாக இன்று தொடங்கி வைத்தேன்.

கையெழுத்துப் பிரதி இதழ்கள் முதல் கணினி வரை கழகம் கடந்த வந்த நீண்ட… pic.twitter.com/LRKRZqbMUG

— M.K.Stalin (@mkstalin) June 10, 2023

''இயக்க வரலாறு, அண்மை நிகழ்வுகள், நமது சாதனைகள் என இன்னும் பல தகவற்புதையல்கள் நிறைந்த, புதுப்பொலிவூட்டப்பட்ட DMK.in கழக வலைத்தளத்தைக் #கலைஞர்100 கொண்டாட்டங்களின் ஒரு பகுதியாக இன்று தொடங்கி வைத்தேன். கையெழுத்துப் பிரதி இதழ்கள் முதல் கணினி வரை கழகம் கடந்த வந்த நீண்ட பயணத்தை தலைமுறைகள் தாண்டியும் அறியச் செய்வோம்.'' இவ்வாறு கூறியுள்ளார்.

English summary

DMK.in, DMK official website, has been given a new look with a new twist on the occasion of Karunanidhi's centenary birthday celebrations. It was inaugurated by Chief Minister and DMK leader Stalin this morning.