கேரள முதல்வர் பினராயி விஜயன் சென்னை அப்பல்லோ மருத்துவமனையில் அனுமதி.. என்னாச்சு அவருக்கு?

Published: Monday, December 22, 2025, 23:31 [IST]

Subscribe to Oneindia Tamil

சென்னை: கேரள முதல்வர் பினராயி விஜயன் இன்று சென்னைக்கு திடீரென வருகை தந்தார். சென்னையில் ஆயிரம் விளக்கில் உள்ள அப்பல்லோ மருத்துவமனையில் அனுமதிக்கப்பட்ட பினராயி விஜயனுக்கு மருத்துவ பரிசோதனை செய்யப்பட்டது. சென்னையில் தங்கியுள்ள பினராயி விஜயன் ஓரிரு நாட்களில் கேரளாவிற்கு திரும்புவார் என்று கூறப்படுகிறது.

கேரள முதல்வராக பினராயி விஜயன் உள்ளார். 80 வயதான பினராயி விஜயன், இன்று சென்னைக்கு திடீரென வந்தார். சென்னை ஆயிரம் விளக்கில் உள்ள அப்பல்லோ மருத்துவமனையில் பினராயி விஜயன் அனுமதிக்கப்பட்டார்.

kerala-chief-minister-pinarayi-vijayan-in-chennai-for-routine-medical-examination

வழக்கமான உடல் நல பரிசோதனைகளுக்காக பினராயி விஜயன் அனுமதிக்கப்பட்டதாகவும் மருத்துவமனை வட்டாரங்கள் கூறுகின்றன. மருத்துவமனையில் அனுமதிக்கப்பட்ட பினராயி விஜயனுக்கு ரத்த பரிசோதனை, ஈசிஜி, எக்ஸ்ரே, ஸ்கேன் உள்ளிட்ட பல்வேறு சோதனைகள் நடத்தப்பட்டது. முழு உடல் பரிசோதனை செய்யப்பட்டதாக சொல்லப்படுகிறது.

பினராயி விஜயனுக்கு மருத்துவமனையின் மூத்த மருத்துவர்கள் தலைமையிலான குழு பரிசோதனை மேற்கொண்டது. முதல்வர் பினராயி விஜயனுக்கு முழு உடல் பரிசோதனை மேற்கொண்ட பிறகு, இன்று மாலை டிஸ்சார்ஜ் செய்யப்பட்டார். டிஸ்சார்ஜ் செய்யப்பட்டதையடுத்து பலத்த பாதுகாப்புடன், தான் தங்கியிருந்த ஹோட்டலுக்கு பினராயி விஜயன் சென்றார்.

சென்னையில் தங்கியுள்ள பினராயி விஜயன் ஓரிரு நாட்களில் கேரளாவிற்கு திரும்புவார் என்று கூறப்படுகிறது. கேரள முதல்வரின் இந்த திடீர் சென்னை பயணம் பல்வேறு பரபரப்புகளை ஏற்படுத்தியது. எனினும், அவர் மருத்துவமனையில் பரிசோதனைக்காக வந்த தகவலால் அவர் தனிப்பட்ட பயணமாக வந்தது தெரியவந்தது.

பினராயி விஜயன் வருகையை முன்னிட்டு அவர் தங்கியுள்ள நட்சத்திர ஹோட்டல், மருத்துவமனையில் பலத்த பாதுகாப்பு போடப்பட்டு இருந்தது. பினராயி விஜயன் கடந்த சில ஆண்டுகளாக அவ்வப்போது மருத்துவ பரிசோதனைக்காக சென்னை வந்து செல்வதை வழக்கமாக கொண்டுள்ளார் என்பது கவனிக்கத்தக்கது.

Published On December 22, 2025