Khushbu: எனது முதல் முயற்சி.. 100% இயற்கையானது.. குஷ்பு போட்ட கலக்கல் வீடியோ
சென்னை: பாஜக தேசிய குழு உறுப்பினரும் நடிகையுமான குஷ்பு சுந்தரின் புதிய முயற்சியை அவரது ரசிகர்கள் பாராட்டி வருகிறார்கள்.
Recommended Video
1980-90 களில் முன்னணி நடிகையாக வலம் வந்தவர் குஷ்பு. இவர் இயக்குநர் சுந்தர் சியை காதலித்து திருமணம் செய்து கொண்டார். இவருக்கு இரு மகள்கள் உள்ளனர். சினிமாவில் தடம் பதித்த குஷ்பு, அரசியலிலும் அடியெடுத்து வைத்துள்ளார்.
திமுக, காங்கிரஸ் கட்சிகளில் இருந்த குஷ்பு தற்போது பாஜகவில் இணைந்துள்ளார். அங்கு பாஜக தேசிய செயற்குழு உறுப்பினர் என்ற முக்கிய பொறுப்பு கொடுக்கப்பட்டுள்ளது. இவர் சமூகம் சார்ந்த பிரச்சினைகளுக்கும் குரல் கொடுத்து வருகிறார்.
சமூகவலைதளங்கள்
ட்விட்டர் உள்ளிட்ட சமூகவலைதளங்களில் ஆக்டிவ்வாக இருந்து வருகிறார். மனதில் பட்ட கருத்துகளை எந்தவித தயக்கமும் இன்றி கண்டிக்கவும் செய்வார், பாராட்டவும் செய்வார். கட்சி பேதமின்றி அனைவருடனும் நன்கு பழகக் கூடியவர். சொந்த கட்சியிலேயே யார் தவறு செய்தாலும் எந்த தயக்கமும் இன்றி கண்டிப்பார்.
அர்ப்பணிப்பு
குழந்தைகள் மீது நமது விருப்பத்தை திணிக்கக் கூடாது என்பதில் தீவிரமாக இருந்து வருகிறார். இதனால் அவரது குழந்தைகள் விரும்பும் துறையில் ஜொலிக்கலாம் என்ற சுதந்திரத்தையும் கொடுத்துள்ளார். இதையே பிறருக்கும் அறிவுறுத்துவார். இந்த நிலையில் இவர் எந்த ஒரு பணியை செய்தாலும் அதில் அர்ப்பணிப்பு இருக்கும்.
எடை குறைப்பு
அந்த வகையில் அண்மையில் தனது உடல் எடையை கணிசமாக குறைத்தார். எனது எடை குறைப்பை பார்த்துவிட்டு உங்களில் யாரேனும் எடையை குறைக்க விரும்பி அதற்கான முயற்சி எடுத்தால் எனக்கு அது போதும் என்றும் தெரிவித்திருந்தார். இந்த புகைப்படங்களை டிவிட்டரில் வெளியிட்டதை ரசிகர்கள் பெரிதும் வரவேற்றனர். மேலும் உடற்பயிற்சி உடலுக்கு நல்லது, கொரோனா தடுப்பூசி முக்கியம், கொரோனா தடுப்பு நடவடிக்கைகள் குறித்த விழிப்புணர்வையும் அவ்வப்போது ஏற்படுத்தி வருவார்.
கைகளால் செய்யப்பட்ட சோப்பு
இந்த நிலையில் குஷ்பு நேற்றைய தினம் ஒரு ட்வீட் போட்டிருந்தார். அது வைரலாகி வருகிறது. அதில் அவர் கூறுகையில் கைகளால் செய்யப்பட்ட சோப்புகளை தயாரிப்பதில் முதல் முறையாக முயற்சித்தேன். இதில் எந்த ரசாயனங்களும் இல்லை. முற்றிலும் இயற்கையான பொருட்களை கொண்டு தயார் செய்யப்பட்டது என கூறிய குஷ்பு அந்த சோப்புகள் குறித்த வீடியோவையும் வெளியிட்டுள்ளார்.
Click it and Unblock the Notifications
Sign in with Google