Kilambakkam Railway station: கிளாம்பாக்கம் ரயில் நிலையம், Skywalk திறப்பு எப்போது? இதோ அப்டேட்

Updated: Tuesday, January 27, 2026, 15:44 [IST]

Subscribe to Oneindia Tamil

சென்னை: கிளாம்பாக்கம் பேருந்து நிலையத்தை (KCBT) பயன்படுத்தும் பயணிகளுக்கு மிக முக்கியமான இணைப்பான புதிய ரயில் நிலையம் மற்றும் ஸ்கைவாக் பணிகள் இறுதிக்கட்டத்தை எட்டியுள்ளன. இருப்பினும், சில முக்கியப் பணிகள் நிலுவையில் உள்ளதால் திறப்பு விழா சற்று தாமதமாகி வருகிறது.

இதுகுறித்து தமிழ் ரயில் தகவல் எனும் சமூகவலைதள பக்கத்தில் கூறியிருப்பதாவது: கிளாம்பாக்கம் ரயில் நிலையம் மற்றும் ஸ்கைவாக் திறப்பு குறித்து தமிழ் ரயில் தகவல் எனும் சமூகவலைதள பக்கத்தில் கூறியிருப்பதாவது:

தற்போதைய நிலை (Status as of Jan 2026)

ரயில் நிலையம்: வண்டலூர் மற்றும் ஊரப்பாக்கம் இடையே அமைக்கப்பட்டுள்ள புதிய ரயில் நிலையத்தின் கட்டுமானப் பணிகள் (பிளாட்பார்ம் அமைத்தல் போன்றவை) ஏறக்குறைய முடிவடைந்துவிட்டன.

ஸ்கைவாக் (Skywalk): ரயில் நிலையத்தையும் பேருந்து நிலையத்தையும் ஜி.எஸ்.டி சாலை (GST Road) வழியாக இணைக்கும் நடைமேம்பாலப் பணிகள் இன்னும் முழுமையாக முடியவில்லை. இதுவே திறப்பு விழா தாமதமாவதற்குக் முக்கியக் காரணமாகக் கூறப்படுகிறது.

திறப்பு எப்போது?

எதிர்பார்க்கப்படும் தேதி: முன்னதாக ஜனவரி 2026-ல் திறக்கப்படும் என எதிர்பார்க்கப்பட்ட நிலையில், ஸ்கைவாக் பணிகளை முடித்து பிப்ரவரி 2026-ல் முழுமையாகப் பயன்பாட்டிற்கு வரும் என அதிகாரிகள் நம்பிக்கை தெரிவித்துள்ளனர்.

காரணம்: பயணிகள் ஜி.எஸ்.டி சாலையைக் கடக்காமல் பாதுகாப்பாகப் பேருந்து நிலையத்தை அடைய ஸ்கைவாக் மிகவும் அவசியம் என்பதால், அது முடிந்த பின்னரே ரயில் நிலையத்தைத் திறக்க முடிவு செய்யப்பட்டுள்ளது.

வசதிகள்

இந்த நிலையத்தில் 12 பெட்டிகள் கொண்ட மின்சார ரயில்களைக் கையாளும் வகையில் 3 நடைமேடைகள் அமைக்கப்பட்டுள்ளன.

ஸ்கைவாக் வழியாகப் பயணிகள் நேரடியாகப் பேருந்து நிலையத்தின் உள்ளே செல்ல முடியும்.

விரைவில் இந்தப் பணிகள் முடிந்து, தென் மாவட்டங்களுக்குச் செல்லும் பயணிகளுக்கு ஒரு பெரிய தீர்வாக இது அமையும். இவ்வாறு அதில் குறிப்பிடப்பட்டுள்ளது.

கோயம்பேடு பேருந்து நிலையம்

கோயம்பேடு பேருந்து நிலையம் ஏற்படுத்திய கடும் போக்குவரத்து நெரிசலைத் தவிர்க்க, சென்னையை ஒட்டிய வண்டலூர் அருகே கிளாம்பாக்கத்தில் புதிய பேருந்து நிலையம் அமைக்கப்பட்டது. 2024 ஆம் ஆண்டு இறுதியில் திறக்கப்பட்ட இந்த நிலையம், தற்போது அனைத்து வெளியூர் மற்றும் ஆம்னி பேருந்துகளின் இயக்க மையமாக செயல்பட்டு, எப்போதும் பரபரப்புடன் காணப்படுகிறது.

சென்னை நகரின் மையப்பகுதிகளிலிருந்து கிளாம்பாக்கம் பேருந்து நிலையத்தை அடைய, ஒரு மணி நேரத்திற்கும் மேலாகிறது. பயணிகளின் சிரமத்தைக் குறைக்க, கிளாம்பாக்கத்தில் புறநகர் ரயில் நிலையம் அமைக்கப்பட்டுள்ளது. இங்குள்ள பணிகள் முடிந்து, திறப்பு விழாவுக்குத் தயாராக உள்ளது.

ரூ 79 கோடி

ரயில் நிலையத்திலிருந்து பேருந்து நிலையத்திற்கு நேரடி அணுகலுக்கு, ரூ.79 கோடி மதிப்பீட்டில் 200 மீட்டர் நீளத்திற்கு மூன்று கட்டங்களாக உயர்மட்ட ஆகாய நடைமேடை (ஸ்கைவாக்)அமைக்கப்படுகிறது.

லிப்ட் வசதியும் உண்டு

கிளாம்பாக்கம் பேருந்து நிலையத்திலிருந்து நேராக ரயில் நிலையத்திற்கும், மற்றும் சென்னை, செங்கல்பட்டு போன்ற பகுதிகளிலிருந்தும் வரும் பயணிகள் கிளாம்பாக்கம் பேருந்து நிலையத்திற்கும் நேரடியாகச் செல்லலாம். இதன் இருபுறமும் லிஃப்ட் வசதிகளும் ஏற்படுத்தப்பட்டுள்ளன. எனவே இந்த ரயில் நிலையம் விரைவில் திறக்கப்பட்டால் மக்களுக்கு பயனுள்ளதாக இருக்கும் என்பதில் எந்த சந்தேகமும் இல்லை.