மாமாவுக்கு நான் செய்ற பிரியாணின்னா பிடிக்கும்.. இந்த உதய் இருக்காரே.. வெடித்து சிரிக்கும் கிருத்திகா

Published: Saturday, March 5, 2022, 10:48 [IST]

Subscribe to Oneindia Tamil

சென்னை: "ஸ்டாலின் அங்கிளுக்கு நான் செய்யும் பிரியாணிதான் மிகவும் பிடிக்கும்" என அவரது மருமகளும் உதயநிதியின் மனைவியுமான கிருத்திகா உதயநிதி தெரிவித்துள்ளார்.

சென்னை திரைப்படத்தின் மூலம் அறிமுகமானவர் கிருத்திகா உதயநிதி. இவர் விஜய் ஆண்டனியை காளி படத்தில் இயக்கினார். ஆனால் அவருக்கு அந்த படம் பெரியதொரு வெற்றியை கொடுக்கவில்லை.

இதனால் கிருத்திகா வெப்சீரிஸ் பக்கம் பிஸியாக இருக்கிறார். மேலும் அறக்கட்டளை ஒன்றையும் நடத்தி மக்களுக்கு உதவிகளை செய்து வருகிறார். இவர் ஒரு டெலிவிஷன் ஷோவில் உதயநிதியுடன் கலந்து கொண்டார்.

5 உணவுகள்

அப்போது அவர் கூறுகையில் எனக்கு வெறும் 5 உணவுகள் மட்டுமே சமைக்கத் தெரியும். அதையும் ஒரு நோட் புத்தகத்தில் எழுதி வைத்துள்ளேன். ஒவ்வொரு முறையும் அதை பார்த்துத்தான் சமைப்பேன். லாக்டவுன் சமயத்தில் புது விதமான உணவுகளை சமைக்க நான் கற்றுக் கொண்டேன்.

ஸ்டாலின் அங்கிள்

நான் சைவம், அசைவம் இரு உணவுகளையுமே சமைப்பேன். அதிலும் பிரியாணி நன்றாக சமைப்பேன். இதைத்தான் வீட்டில் அதிகமாக செய்வேன். ஸ்டாலின் அங்கிளுக்கு நான் செய்யும் பிரியாணிதான் ரொம்ப பிடிக்கும். ஆனால் உதயநிதி கலாய்த்துவிடுவார். "இது பேரு பிரியாணி இல்ல, புலாவ். கடையில் சாப்பிடுறதுதான் பிரியாணி" என்பார்.

ப்ரவுன் ரைஸ்

எங்கள் வீட்டில் அனைவரும் இளமையாக இருக்க காரணம் என்ன தெரியுமா. அத்தை துர்காவின் Health Conscious தான். தோசை, இட்லி போன்றவற்றில் வெள்ளை அரிசியை பயன்படுத்தாமல் ப்ரவுன் ரைஸ், ராகி தோசை, முடக்கத்தான் கீரை தோசை உள்ளிட்ட உடலுக்கு ஆரோக்கியமான உணவை கொடுப்பார். இதைத்தான் இன்றும் நாங்கள் பின்பற்றி வருகிறோம்.

உடற்பயிற்சி

இது தவிர யோகா, எக்ஸர்சைஸ் ஆகியவையும் உடலை ஆரோக்கியமாக வைத்துக் கொள்ள உதவுகிறது. ஹெல்த்தையும் மனதையும் ஆரோக்கியமாக வைத்திருந்தால் எப்போதும் இளமையாகவே தோன்றுவோம் என்றார் கிருத்திகா உதயநிதி. அண்மையில் உங்களில் ஒருவன் புத்தக வெளியீட்டு விழாவின் போது பேசிய காங்கிரஸ் முன்னாள் தலைவர் ராகுல் காந்தி, பேசும் போது முதல்வர் ஸ்டாலினுக்கு என்ன வயதிருக்கும் என நானும் தாய் சோனியாவும் பேசினோம். அப்போது முதல்வர் ஸ்டாலினுக்கு 69 வயது என நான் சொன்னதை நம்பாமல் 50 அல்லது 60தான் இருக்கும் என என்னிடம் கூறி கூகுளில் செக் செய்துவிட்டு "ஆம் நீ சொன்னது சரிதான்" என தாய் சோனியா தெரிவித்ததாக ராகுல் கூறியது குறிப்பிடத்தக்கது.

Published On March 5, 2022