இப்படி எல்லாம் ட்விஸ்ட் பண்ணலாமா? காயத்திரி ரகுராம் வெளியிட்ட காட்டமான வீடியோ

Updated: Friday, August 27, 2021, 21:40 [IST]

Subscribe to Oneindia Tamil

சென்னை: பாஜக மாநில தலைவர் அண்ணாமலை பேசுவதாக வெளியாகி உள்ள ஆடியோவில் இருக்கும் விஷயங்களை சிலர் தவறாக திசை திருப்புகிறார்கள் என்று காயத்திரி ரகுராம் தெரிவித்துள்ளார்.

பாஜக கட்சியின் முன்னாள் மாநில பொதுச்செயலாளர் கேடி ராகவனுக்கு எதிராக பாலியல் ரீதியான வீடியோ ஒன்று இணையத்தில் வெளியாகி பெரிய சர்ச்சையை ஏற்படுத்தி உள்ளது. மதன் ரவிசந்திரன் என்ற முன்னாள் பாஜக நிர்வாகி வெளியிட்ட இந்த வீடியோ சர்ச்சையை ஏற்படுத்திய நிலையில், மதன் உடனடியாக பாஜகவில் கட்சியில் இருந்து நீக்கப்பட்டார்.

இந்த நிலையில்தான் பாஜக மாநில தலைவர் அண்ணாமலைக்கு எதிராக இன்னொரு வீடியோவை மதன் வெளியிட்டு இருந்தார். கே. டி ராகவனின் சர்ச்சைக்குரிய வீடியோ குறித்து அண்ணாமலையிடம் மதன் விவாதிப்பது போல இதில் ஆடியோ உரையாடல்கள் அமைந்து இருந்தன. அண்ணாமலையை குற்றஞ்சாட்டும் வகையில் மதன் இந்த உரையாடலை வெளியிட்டு இருந்தார்.

காயத்திரி ரகுராம்

ஆனால் இதில் பேசுவது அண்ணாமலை தானா என்று உறுதி செய்யப்படவில்லை. இந்த உரையாடல் பெரிய சர்ச்சையான நிலையில் தற்போது பாஜக காயத்திரி ரகுராம் அண்ணாமலைக்கு ஆதரவாக பேசி வீடியோ வெளியிட்டுள்ளார். காயத்திரி ரகுராம் ட்வீட்டரில் வெளியிட்டுள்ள வீடியோவில், எங்களுடைய பாஜக தலைவர் அண்ணாமலை இதுவரை பெண்கள் எல்லோருக்கும் மரியாதை கொடுத்துதான் நடந்து இருக்கிறார். கட்சியில் இருக்கும் சக பெண்களுக்கு மரியாதை கொடுத்து சொந்த சகோதரி போலத்தான் பார்த்து இருக்கிறார்.

வீடியோ

வேறு எதுவுமே கிடையாது. அவர் இதுவரை என்னை தொடங்கி எல்லோரையும் சிஸ்டர், அக்கா என்றுதான் பேசி இருக்கிறார். அவர் அவ்வளவு பணிவானவர். அவரை பற்றி ஆடியோ கிளிப் வெளியாகி உள்ளது. நீங்களே பார்த்து இருப்பீர்கள், எப்படி விஷயத்தை தவறாக டிவிஸ்ட் செய்கிறார்கள் என்று.

#ISupportAnnamalai #IStandwithAnnamalai pic.twitter.com/9eTIyDlJvk
— Gayathri Raguramm 🇮🇳🚩 (@BJP_Gayathri_R) August 26, 2021

நோக்கம்

அவரின் ஒரே நோக்கம் நாட்டிற்கு உழைக்க வேண்டும் என்பதுதான். பிரதமர் மோடியின் திட்டங்களை மக்களிடம் கொண்டு சேர்ப்பதுதான் அவரின் நோக்கம். அவர் எப்போதும் பெண்களை பாதுகாக்க வேண்டும். அவர்களை முன்னேற்ற வேண்டும் என்று நினைப்பவர். அவருக்கு எப்போதும் நான் ஆதரவாக இருப்பேன், அவரை நான் சப்போர்ட் செய்கிறேன், என்று காயத்திரி ரகுராம் தனது ட்வீட் வீடியோவில் தெரிவித்துள்ளார்.

சப்போர்ட்

இதை தொடர்ந்து தமிழ்நாடு பாஜகவினர் தற்போது அண்ணாமலைக்கு ஆதரவாக #IStandwithAnnamalai என்று டேக்கை டிரெண்ட் செய்து வருகிறார்கள். அவர் தமிழ்நாடு பாஜக தலைவராக தொடர வேண்டும். அண்ணாமலை செய்ததில் தவறு இல்லை. வீடியோ வெளியிட்ட மதன் ரவிசந்திரன் மீது நடவடிக்கை எடுக்க வேண்டும் என்ற கோரிக்கையோடு டேக்கை டிரெண்ட் செய்து வருகிறார்கள்.