"ஸ்ஸ்ஸ்ஸூன்னு" சத்தம்.. கன்னத்தில் முத்தம்.. அக்குபஞ்சர் + சிகரெட்.. விநோத உலகின், விசித்திர பழக்கம்

சென்னை: இந்த வானம் எங்கிருந்து பார்த்தாலும் ஒன்று போலவே தெரிந்தாலும், மக்கள் எப்போதும் ஒன்று போல இருந்ததில்லை. ஒவ்வொரு நாட்டிலும் ஒவ்வொரு பகுதியிலும் வித்தியாசமான பழக்கவழக்கங்களை கொண்டிருப்பதால் மக்கள் வேறுபடுகின்றனர். அவைகளில் சிலவற்றை பார்க்கலாமா?

இந்தியாவை பொறுத்த அளவில் "வணக்கம்" சொல்வதற்கு கை குலுக்கிக்கொள்ளும் முறை இருக்கிறது. ஆனால் ஜப்பானை பொறுத்த அளவில் அவர்கள் வணக்கம் சொல்வது குனிந்துதான் சொல்வார்கள்.

அதேபோல உலகின் மற்ற நாடுகளில் இடது கை பழக்கம் கொண்டவர்கள் இயல்பாக இருக்கும் நிலையில், இந்தியாவில் இடது கை பழக்கங்கள் குழந்தை பருவத்திலிருந்தே தவிர்க்கப்படுகிறது. குறிப்பாக இடதுகையால் சாப்பிடுவது, இடது கையால் ஏதேனும் பொருளை கொடுப்பது போன்றவை தர்ம சங்கடமான நிகழ்வாக கருதப்படுகிறது.

அப்படியே நீங்கள் பிரான்ஸ் பக்கம் போனால், அங்கு மக்கள் அதிகளவில் சிகரெட் பிடிப்பதை பார்க்க முடியும். அதேபோல அவர்களது உணவில் அதிகமான இனிப்பு பொருட்கள் இடம் பெற்றிருக்கும்.. சரி அங்குதான் இப்படியென்றால், ஒரு யூடர்ன் எடுத்து மறுபடியும் ஆசியாவுக்கு வந்தால், இங்குள்ள பல நாடுகளில் வித்தியாசமான பழக்க வழக்கங்கள் கடைப்பிடிக்கப்படுவதை நம்மால் பார்க்க முடியும். உதாரணமாக சீனாவில் பெரும்பாலான மக்கள் உடல்நலக்குறைவுக்கு பாரம்பரிய மருத்துவ முறைகளையே நாடுவார்கள்.

அக்குபஞ்சர்: அதிலும் அக்குபஞ்சர் மருத்துவமுறை அவர்களிடம் ரொம்ப ஃபேமஸ் ஆகும்.. அதேபோல இவர்கள் சாப்பிடும் நூடுல்ஸ் மற்ற நாட்டில் செய்யப்படும் நூடுல்ஸை விட வித்தியாசமாக இருக்குமாம்.. காரணம், அது நாம் இங்கு சாப்பிடும் நூடுல்ஸ் போல இருக்காது.. இது மிகவும் நீண்டு இருக்கும். அதை அவர்கள் "ஸ்ஸ்ஸ்ஸ்" என சத்தமாக உறிஞ்சு சாப்பிடுவார்கள். இது மகிழ்ச்சியின் அடையாளமாக கருதப்படுகிறது.

இதே பிரேசிலுக்கு போனால் அங்குள்ள மக்கள் ஆண்/பெண் என பாகுபாடு இல்லாமல் கன்னத்தில் முத்தமிட்டுக்கொண்டு தங்களது மகிழ்ச்சியை பகிர்ந்துகொள்வார்கள். அதேபோல மதிய நேரத்தில் குட்டி தூக்கம் போடுவது அந்த நாட்டில் பொதுவான ஒரு பழக்கமாம்.

விசித்திரம்: அமெரிக்கர்களை பொறுத்தஅளவில் அவர்கள் எல்லாவற்றிலும் வித்தியாசமானவர்கள்.. சாப்பாட்டையே வேகவேகமாக சாப்பிடுவார்களாம்.. அதேபோல காலை முதல் மாலை வரை உள்ள காலத்தில் பெரும்பாலான நேரத்தை காஃபி குடிக்கவே செலவழிப்பார்களாம்..

இத்தாலியிலும் ஏறத்தாழ காஃபிக்கு இந்த அளவு முக்கியத்துவம் கொடுக்கப்படும் என்றாலும் கூட சாப்பிடும் போது ஒயின்+காஃபியை எடுத்துக்கொள்வார்கள். இந்த மக்கள் குடும்பத்தினர் மத்தியில் அதிக அளவில் பாசமாகவும் கவனிப்புடனும் இருப்பார்கள். அதேபோல பேசும்போதும் மிகுந்த வெளிப்படைத்தன்மையுடன் பேசுவார்கள்.

அன்பு - பாசம்: இதெல்லாம் விடுங்க.. என்னதான் இந்த பூமிப்பரப்பில் ஆயிரம் வேறுபாடுகள் இருந்தாலும், அன்பு என்று வந்துவிட்டாலும், அது எல்லாருக்குமே ஒன்றுதான்.. அந்த வெளீர் வானம் போல, எல்லோரும் வெள்ளை மனம் படைத்தவர்கள்தான். இது ஒன்றைதான், மனித இனத்தை இன்றுவரை, பலப்படுத்தியும், பண்படுத்தியும், பக்குவப்படுத்தியும் வருகிறது என்பதை மறுக்க முடியாதுதானே..!!!

English summary

Life Style: Do you know what are the Different type of habits in countries and why are Chinese and Indian customs different