மாஸ் காட்டிய தி.மு.க. வேட்பாளர்களின் பட்டியல்... பெரிய வாக்கு வித்தியாசத்தில் வெற்றி

சென்னை: மக்களவைத் தேர்தலில் தமிழகத்தில் திமுக வேட்பாளர்களே மிகப் பெரிய வாக்குகள் வித்தியாசத்தில் வெற்றி பெற்று மாஸ் காட்டியுள்ளனர்.

தமிழகத்தில் மக்களவைத் தேர்தலில் 2.23 கோடி வாக்குகள் பெற்று திமுக கூட்டணி முதலிடத்தில் உள்ளது. அதிமுக கூட்டணி ஒரு கோடியே 28 லட்சம் வாக்குகள் பெற்று 2ம் இடம் பிடித்தது.

தேனி, வேலூர் தொகுதியை தவிர 37 தொகுதிகளை கைப்பற்றியது திமுக கூட்டணி. அதில், அதிகபட்சமாக திண்டுக்கல் தொகுதி தி.மு.க. வேட்பாளர் வேலுசாமி தன்னை எதிர்த்து போட்டியிட்ட பா.ம.க. வேட்பாளர் ஜோதிமுத்துவைவிட 5 லட்சத்து 38 ஆயிரத்து 972 வாக்குகள் அதிகம் பெற்று வெற்றி பெற்றுள்ளார்.

இதற்கு அடுத்தபடியாக ஸ்ரீபெரும்புதூர் தொகுதி தி.மு.க. வேட்பாளர் டி.ஆர்.பாலு 5 லட்சத்து 7 ஆயிரத்து 955 ஓட்டுகள் வித்தியாசத்தில் வெற்றி கனியை சுவைத்தார். வடசென்னை தொகுதி தி.மு.க. வேட்பாளர் டாக்டர் கலாநிதி, தே.மு.தி.க. வேட்பாளர் மோகன்ராஜாவை விட 4 லட்சத்து 61 ஆயிரத்து 518 வாக்குகள் அதிகம் பெற்று அசத்தினார்.

அதே சமயம், சிதம்பரம் தொகுதியில் போட்டியிட்ட விடுதலை சிறுத்தைகள் கட்சி தலைவர் திருமாவளவன் குறைந்த வாக்குகள் வித்தியாசத்தில் வெற்றி பெற்றுள்ளார். அவர் 3,219 வாக்கு வித்தியாசத்தில் வெற்றி பெற்றார்.

மக்களவை தேர்தலில் 303 தொகுதிகளில் பாஜக வெற்றி பெற்றதாக தேர்தல் ஆணையம் அதிகாரப்பூர்வமாக அறிவித்துள்ளது. காங்கிரஸ் கட்சி 52 இடங்களில் வெற்றி பெற்று 2ம் இடத்தையும், 23 இடங்களில் வெற்றி பெற்று தேசிய அளவில் திமுக 3வது இடத்தையும் பிடித்துள்ளது என்பது குறிப்பிடத்தக்கது.

English summary

Election Results 2019: Received more votes, List of DMK Candidates