அதிமுக கூட்டணியில் பாமக போட்டியிடும் 23 தொகுதிகள் எவை எவை? அதிகாரப்பூர்வ விவரம்

Updated: Wednesday, March 10, 2021, 20:58 [IST]

Subscribe to Oneindia Tamil

சென்னை: 2021 சட்டசபை தேர்தலில் பாமக போட்டியிடும் 23 தொகுதிகள் எவை எவை என்பது அதிகாரப்பூர்வமாக லிஸ்ட் வெளியாகியுள்ளன. செஞ்சி, மைலம், ஜெயங்கொண்டம், திருப்போரூர், வந்தவாசி, நெய்வேலி, திருப்பத்தூர், ஆற்காடு போன்ற தொகுதிகளில் போட்டியிட உள்ளது.

தமிழகத்தில் வரும் ஏப்ரல் 6-ஆம் தேதி சட்டசபை தேர்தல் நடைபெறும் என்று இந்திய தேர்தல் ஆணையம் அறிவித்துள்ளது. இன்னும் ஓரிரு நாட்களில் வேட்புமனு தாக்கல் துவங்க உள்ளது.

இந்நிலையில் தமிழகத்தின் பிரதான கட்சிகளான திமுக அதிமுக ஆகியவை தங்கள் கூட்டணியில் இடம்பெற்றுள்ள கட்சிகளுக்கு தொகுதிகளை இறுதி செய்வதிலும், வேட்பாளர்களை தேர்வு செய்வதிலும் மும்முரமாக ஈடுபட்டு வருகின்றன.

அதிமுக கூட்டணி

சட்டசபை தேர்தலில் அதிமுக கூட்டணியில் பாமக பாஜக தமாகா உள்பட சில கட்சிகள் இடம் பெற்றுள்ளன. இதில் பாஜகவிற்கு 20 தொகுதிகள் ஒதுக்கீடு செய்யப்பட்டுள்ளன. பாமகவிற்கு 23 தொகுதிகள் ஒதுக்கீடு செய்யப்பட்டுள்ளது.

பாமக விருப்பம்

வட மாவட்டங்களில் செல்வாக்கான கட்சியான பாமக தொகுதியில் போட்டியிடப் போகிறது என்பது குறித்து இதுவரை எந்த தகவலும் வெளியாகாமல் இருந்தது. அதேவேளையில் அதிமுகவுடன் தொகுதிகளை பங்கீடு செய்வதில் பாமக நிர்வாகிகள் பேச்சுவார்த்தை நடத்தி வந்தார்கள். வாக்கு வங்கி மற்றும் வெற்றிவாய்ப்பு அதிகமுள்ள தொகுதிகளை கேட்டு பெற வேண்டும் என்பதில் பாமக நிர்வாகிகள் முனைப்பு காட்டி வந்தார்கள்

நேற்று பேச்சு

கூட்டணி கட்சிகளுக்கு தொகுதிகள் ஒதுக்குவது குறித்து நேற்று இரவு அதிமுக தலைமை அலுவலகத்தில் பேச்சுவார்த்தை நடந்து வந்தது. நேற்று இரவு முழுவதும் பேச்சு வார்த்தை நடந்து முடிந்த நிலையில் அதிமுக, பாமக, பாஜக போட்டியிடும் தொகுதிகள் பட்டியல் விவரம் அதிகாரப்பூர்வமாக வெளியாகி உள்ளது.