Live updates: அம்பேத்கரை ஏற்க மறுப்பவர்கள் தேசத்திற்கு எதிரானவர்கள்.. பிரதமர் மோடி

சென்னை: 71வது இந்திய அரசியலமைப்பு நாளை முன்னிட்டு பிரதமர் மோடி இன்று நாடாளுமன்றத்தின் மத்திய அரங்கில் உரை நிகழ்த்த உள்ளார்.

இந்திய அரசியலமைப்பு நாள் இன்று தேசிய அளவில் கொண்டாடப்படுகிறது. டாக்டர் அம்பேத்கார் கொண்டு வந்த இந்திய அரசியலமைப்பு சட்டத்தை கொண்டாடும் வகையிலும், அவரை போற்றும் வகையிலும் இந்த தினம் ஒவ்வொரு வருடமும் கொண்டாடப்படுவது வழக்கம்.

முன்பு தேசிய சட்ட தினமாக கொண்டாடப்பட்ட இந்த நாள் தற்போது இந்திய அரசியலமைப்பு நாள் என்ற பெயரில் கொண்டாடப்பட்டு வருகிறது. ஒவ்வொரு வருடம் நவம்பர் 26ம் தேதி பாராளுமன்றத்தில் அரசியலமைப்பு சட்ட புத்தகத்தை வாசித்து விழா கொண்டாடுவது வழக்கம். அதன்படி இன்று பிரதமர் மோடி நாடாளுமன்றத்தில் உரை நிகழ்த்த உள்ளார்.

நாடாளுமன்றத்தின் மத்திய அறையில் பிரதமர் மோடி இன்று அரசியலமைப்பு சட்டத்தின் முன்னுரையை வாசித்து பிரதமர் மோடி உரை நிகழ்த்துவார். அதேபோல் குடியரசுத் தலைவர் ராம்நாத் கோவிந்த் இன்று மக்கள் முன் உரையாற்றி பின்னர் அரசியலமைப்பு சட்டத்தின் பகுதிகளை வாசிப்பார்.

English summary

Live updates of PM Modi speech at parliament on the 71st constitution day of India celebration.