கொடுப்பதை வாங்கிக்கோங்க.. ட்விஸ்ட் தந்த டெல்லி பாஜக மேலிடம்? 5% தான் தருவோம்.. கறாராக சொன்ன அதிமுக?

Updated: Sunday, January 30, 2022, 9:21 [IST]

Subscribe to Oneindia Tamil

சென்னை: நகர்ப்புற உள்ளாட்சி தேர்தலுக்கான அதிமுக பாஜக கூட்டணி பேச்சுவார்த்தையில் தொடர்ந்து இழுபறி நீடித்து வருகிறது. நேற்று நடந்த கூட்டணி பேச்சுவார்த்தையில் எந்த விதமான உடன்பாடும் எட்டப்படவில்லை.

அதிமுக பாஜக

இந்த நிலையில்தான் அதிமுக பாஜக இடையிலான கூட்டணி பேச்சுவார்த்தை நேற்று நடந்தது. கடந்த மாதம் இந்த பேச்சுவார்த்தை நடந்து இருந்தால் கண்டிப்பாக கூட்டணியில் சுமுகமான உடன்படிக்கை எட்டப்பட்டு இருக்கும். ஆனால் சமீபத்தில் பாஜக எம்எல்ஏ நயினார் நாகேந்திரன் சென்னை போராட்டத்தில் அதிமுக எம்எல்ஏக்களுக்கு ஆண்மை இல்லை என்று பேசியது பெரிய சர்ச்சையானது. இதனால் அதிமுக தலைகள் கடும் கொதிப்பில் உள்ளனர்.

நயினார் நாகேந்திரன்

இதன் காரணமாகவே அதிமுக - பாஜக கூட்டணி பேச்சுவார்த்தையில் தற்போது குழப்பம் ஏற்பட்டுள்ளது. கூட்டணியில் இருந்து கொண்டே.. பொது நிகழ்ச்சி ஒன்றில் எங்களை எப்படி இழிவாக பேசலாம்.. நாங்கள் சில விஷயங்களை பொறுத்து போகிறோம் என்பதால் என்ன வேண்டுமானாலும் பேசலாமா? என்று அதிமுக தலைகள் சிலர் பாஜகவினர் மீது கோபத்தில் இருக்கிறார்கள். இது தொடர்பாக அண்ணாமலை, நயினார் நாகேந்திரன் ஆகியோர் விளக்கம் அளித்தும் அதை அதிமுக தலைமை ஏற்றுக்கொள்ளவில்லை என்று கூறப்படுகிறது.

அதிமுக கோபம்

இந்த நிலையில்தான் நேற்று நடந்த கூட்டணி பேச்சுவார்த்தையிலும் இந்த மோதல் எதிரொலித்தது. பாஜகவிற்கு வேண்டுமென்றே குறைவான இடங்களை மட்டுமே ஒதுக்க அதிமுக முன் வந்தது. பாஜக இதை உணர்ந்துதான் கூட்டத்திற்கும் வந்தது. கூட்டணியில் லேசான கசப்பு நிலவுகிறது. கண்டிப்பாக அதிமுக அதிக இடங்களை நமக்கு ஒதுக்காது என்ற நினைப்போடுதான் பாஜக கூட்டணி ஆலோசனைக்கே வந்ததாக கூறப்படுகிறது. இந்த நிலையில் நேற்று 4 மணி நேரம் கூட்டணி பேச்சுவார்த்தை நடந்தும் எந்த முடிவும் எட்டப்படவில்லை.

மேயர் இடங்கள்

பாஜக சார்பில் அதிமுக கூட்டணியில் இருந்து 5 மேயர் பதவிகள் கேட்கப்பட்டு உள்ளன. பாஜக வலுவாக இருக்கும் தொகுதிகளில் மேயர் பதவிகள் கேட்கப்பட்டு உள்ளன. அதேபோல் 30 சதவிகித கவுன்சிலர் இடங்களை கொடுக்க வேண்டும் என்றும் பாஜக தரப்பில் கேட்கப்பட்டு இருக்கிறது. ஆனால் அதிமுக தரப்போ அதிகபட்சம் 1 மேயர் பதவியை கொடுப்போம். அதுவும் நாங்கள் தரும் மாநகராட்சிதான். அதேபோல் 5 சதவிகித கவுன்சிலர் இடங்களை மட்டுமே கொடுப்போம் என்று அதிமுக கூறியுள்ளது.

அதிமுக கவுன்சிலர்

இதில் பாஜக சில இடங்கள் இறங்கி வந்துள்ளதாக கூறப்படுகிறது. அதாவது 3 மேயர் இடங்கள், 15 சதவிகித கவுன்சிலர் சீட்கள் என்று பாஜக இறங்கி வந்துள்ளது. அதே சமயம் சில குறிப்பிட்ட மாவட்டங்களில் அதிக மேயர் இடங்களை ஒதுக்க வேண்டும் என்று பாஜக கேட்டுள்ளது. ஆனால் இது எதற்கும் அதிமுக தரப்பு இசைந்து கொடுக்கவில்லை என்று கூறப்படுகிறது. 5 சதவிகித இடங்கள் மட்டுமே கொடுப்போம் என்று அதிமுக உறுதியாக இருந்ததாக கூறப்படுகிறது.

அறிவுரை என்ன?

இந்த நிலையில் தமிழ்நாடு பாஜகவிற்கு டெல்லி மேலிடம் இதில் சில அறிவுரைகளை வழங்கி இருக்கிறதாம். அதன்படி முடிந்த அளவு இடங்களை பெறுங்கள். இல்லையென்றால் கொடுப்பதை வாங்கிக் கொள்ளுங்கள். நமக்கு 2024 லோக்சபா தேர்தல்தான் முக்கியம். அதுவரை பொறுத்து இருப்போம். கூட்டணியை உடைக்க வேண்டும் என்று பாஜக தமிழ்நாடு தலைமைக்கு டெல்லி மேலிடம் உத்தரவிட்டுள்ளதாம். இதனால் இன்று அதிமுக - பாஜக கூட்டணி தொடர்பான முக்கிய அறிவிப்பு வெளியாகும் என்று எதிர்பார்க்கப்படுகிறது.