அந்த 5 தொகுதிகளில் யார் போட்டி? பாஜக வேட்பாளர் பட்டியல்.. இன்று வெளியாகிறது?

லோக்சபா தேர்தலில் பாஜக தமிழகத்தில் போட்டியிடும் ஐந்து தொகுதிகளுக்கான வேட்பாளர் பட்டியல் இன்று வெளியாக இருப்பதாக தகவல்கள் வருகிறது.

Updated: Monday, March 18, 2019, 10:41 [IST]

Subscribe to Oneindia Tamil

Recommended Video

அதிமுக தொகுதி பட்டியல்... திமுகவுடன் எங்கு நேருக்கு நேர் மோதல் ? முழு தகவல்

சென்னை: பாஜக தமிழகத்தில் போட்டியிடும் ஐந்து தொகுதிகளுக்கான வேட்பாளர் பட்டியல் இன்று வெளியாக இருப்பதாக தகவல்கள் வருகிறது.

அதிமுக கூட்டணியில் உள்ள கட்சிகள் போட்டியிடும் தொகுதிகள் கடந்த வாரம் அறிவிக்கப்பட்டது. அதிமுக போட்டியிடும் 20 தொகுதிகள் மற்றும் கூட்டணியில் இடம்பெறுள்ள பாஜக உள்ளிட்ட கட்சிகள் போட்டியிடும் தொகுதிகள் அறிவிக்கப்பட்டு இருக்கிறது.

இந்த நிலையில் நேற்று அதிமுக சார்பாக போட்டியிட போகும் வேட்பாளர்களின் பெயர்கள் அறிவிக்கப்பட்டது. அதன்பின் பாமக வேட்பாளர்களின் பெயர்கள் அறிவிக்கப்பட்டது.

அறிவிக்கவில்லை

ஆனால் இன்னும் பாஜக சார்பாக போட்டியிட போகும் வேட்பாளர்களின் பெயர்கள் அறிவிக்கப்படவில்லை. அதிமுக கூட்டணியில் பாஜக மொத்தம் 5 இடங்களில் போட்டியிடுகிறது. கன்னியாகுமரி, சிவகங்கை, கோவை, ராமநாதபுரம், தூத்துக்குடி ஆகிய தொகுதிகளில் பாஜக போட்டியிட உள்ளது. இங்கு பாஜக சார்பாக யார் போட்டியிட இருக்கிறார்கள் என்பதுதான் பெரிய கேள்வியாக உள்ளது.

நேற்று தயார்

இதற்கான பட்டியல் நேற்றே தயாராகிவிட்டது.இதற்கான பட்டியலை நேரு தமிழக பாஜக தலைவர் தமிழிசை சௌந்தரராஜன் இறுதி செய்தார்.இந்த பட்டியலை நேற்று அவர் பாஜக தேசிய தலைவர் அமித் ஷாவிடம் டெல்லியில் அளித்தார்.

அறிவிப்பு

பாஜக தேசிய தலைமை இந்த பட்டியலையோ ஏற்றுக்கொண்டதாக கூறப்படுகிறது. இந்த நிலையில் இன்று பாஜக பல்வேறு மாநிலங்களில் வேட்பாளர்களை அறிவிக்க உள்ளது. அதன்படி தற்போது தமிழகத்தில் போட்டியிடும் 5 பாஜக வேட்பாளர்களையும் பாஜக அறிவிக்க இருக்கிறது.

யார்

காலை 11 மணி அளவில் இந்த அறிவிப்பு வெளியாகலாம் என்று எதிர்பார்க்கப்படுகிறது. பாஜக சார்பாக தமிழக பாஜக தலைவர் தமிழிசை சௌந்தரராஜன், பாஜக தேசிய செயலாளர் எச்.ராஜா ஆகியோர் போட்டியிட வாய்ப்புள்ளதும் குறிப்பிடத்தக்கது.