பாஜக வேட்பாளர் பட்டியல்.. இன்று வெளியாகிறது.. தமிழிசை, எச். ராஜா போட்டி?
லோக்சபா தேர்தலில் பாஜக தமிழகத்தில் போட்டியிடும் ஐந்து தொகுதிகளுக்கான வேட்பாளர் பட்டியல் இன்று காலை வெளியாகிறது.
சென்னை: லோக்சபா தேர்தலில் பாஜக தமிழகத்தில் போட்டியிடும் ஐந்து தொகுதிகளுக்கான வேட்பாளர் பட்டியல் இன்று காலை வெளியாகிறது. டெல்லியில் இதற்கான அறிவிப்புகள் வெளியாக இருக்கிறது.
அதிமுக கூட்டணியில் உள்ள கட்சிகள் போட்டியிடும் தொகுதிகள் கடந்த வாரம் அறிவிக்கப்பட்டது. அதிமுக கூட்டணியில் பாஜக மொத்தம் 5 இடங்களில் போட்டியிடுகிறது.
இந்த நிலையில் அதிமுக போட்டியிடும் 20 தொகுதிகள் மற்றும் கூட்டணியில் இடம்பெறுள்ள பாஜக உள்ளிட்ட கட்சிகள் போட்டியிடும் தொகுதிகள் அறிவிக்கப்பட்டு இருக்கிறது.
நேற்று அதிமுக சார்பாக போட்டியிட போகும் வேட்பாளர்களின் பெயர்கள் அறிவிக்கப்பட்டது. அதன்பின் பாமக வேட்பாளர்களின் 7 பேரின் பெயர்கள் அறிவிக்கப்பட்டது. அதன்பின் நேற்று மதியம் தேமுதிகவின் 4 வேட்பாளர்களின் பெயர்கள் அறிவிக்கப்பட்டது.
ஆனால் பாஜக சார்பாக போட்டியிட போகும் வேட்பாளர்களின் பெயர்கள் அறிவிக்கப்படாமல் இருந்தது. அதிமுக கூட்டணியில் பாஜக மொத்தம் 5 இடங்களில் போட்டியிடுகிறது. கன்னியாகுரி, சிவகங்கை, கோவை, ராநாதபுரம், தூத்துக்குடி ஆகிய தொகுதிகளில் பாஜக போட்டியிட உள்ளது.
இங்கு பாஜக சார்பாக யார் போட்டியிட இருக்கிறார்கள் என்பதுதான் பெரிய கேள்வியாக இருந்தது. இதற்கான பட்டியல் நேற்று முதல்நாளே தயாராகிவிட்டது. இதற்கான பட்டியலை நேற்று தமிழக பாஜக தலைவர் தமிழிசை சௌந்தரராஜன் இறுதி செய்தார். இந்த பட்டியலை நேற்று அவர் பாஜக தேசிய தலைவர் அமித் ஷாவிடம் டெல்லியில் அளித்தார்.
பாஜக தேசிய தலைமை இந்த பட்டியலையோ ஏற்றுக்கொண்டதாக கூறப்படுகிறது. இந்த நிலையில் இன்று பாஜக பல்வேறு மாநிலங்களில் வேட்பாளர்களை அறிவிக்க உள்ளது. அதன்படி இன்று காலை 5 தமிழக பாஜக வேட்பாளர்களையும் பாஜக தலைமை டெல்லியில் அறிவிக்க உள்ளது.
பாஜக சார்பாக தமிழக பாஜக தலைவர் தமிழிசை சௌந்தரராஜன், பாஜக தேசிய செயலாளர் எச்.ராஜா ஆகியோர் போட்டியிட வாய்ப்புள்ளது என்கிறார்கள்.
Click it and Unblock the Notifications
Sign in with Google