கள்ளக்குறிச்சியில் களமிறங்கும் சுதீஷ்.. தேமுதிக வேட்பாளர்கள் பட்டியல் வெளியானது!
லோக்சபா தேர்தலில் தேமுதிக சார்பாக போட்டியிடும் வேட்பாளர் பட்டியல் தற்போது வெளியிடப்பட்டுள்ளது.
சென்னை: லோக்சபா தேர்தலில் தேமுதிக சார்பாக போட்டியிடும் வேட்பாளர் பட்டியல் தற்போது வெளியிடப்பட்டுள்ளது. கள்ளக்குறிச்சி தொகுதியில் தேமுதிக சார்பாக தேமுதிக துணை பொதுச்செயலாளர் சுதீஷ் போட்டியிடுகிறார்.
லோக்சபா தேர்தலில் அதிமுக கூட்டணியில் தேமுதிக இடம்பெற்று உள்ளது. அதிமுக கூட்டணியில் இடம்பெற்றுள்ள பாமக கட்சி நேற்றுதான் முதற்கட்ட வேட்பாளர் பட்டியலை வெளியிட்டது. 7 தொகுதிகளில் 5 தொகுதிக்கு பாமக வேட்பாளர் பட்டியலை வெளியிட்டது. இன்று இரண்டாம் கட்ட பட்டியலை வெளியிட்டது.
அதிமுக போட்டியிடும் 20 தொகுதிக்கும் நேற்று வேட்பாளர் பட்டியல் வெளியிடப்பட்டது. இந்த நிலையில் தற்போது தேமுதிக தனது வேட்பாளர் பட்டியலை வெளியிட இருக்கிறது. அதிமுக கூட்டணியில் 4 தொகுதிகளில் தேமுதிக போட்டியிடுகிறது.
அதிமுக கூட்டணியில் கள்ளக்குறிச்சி, திருச்சி,வட சென்னை, விருதுநகர் ஆகிய தொகுதிகளில் தேமுதிக போட்டியிடுகிறது. இதற்கான வேட்பாளர் பட்டியல் தற்போது வெளியாகி உள்ளது.
இதற்காக தேமுதிக அலுவலகத்திலும், சாலிகிராமத்தில் உள்ள விஜயகாந்த் இல்லத்தில் ஆலோசனை நடந்தது. இந்த ஆலோசனைக்கு பின் இதில் சரியான முடிவு எடுக்கப்பட்டு தற்போது தேர்தலில் போட்டியிடும் நபர்கள் குறித்து அறிவிக்கப்பட்டுள்ளது.
தேமுதிக வேட்பாளர்கள் பட்டியல்:
திருச்சி - டாக்டர். இளங்கோவன் போட்டி
கள்ளக்குறிச்சி - எல்.கே சுதீஷ் போட்டி
விருதுநகர் - அழகர்சாமி போட்டி
வடசென்னை - அழகாபுரம் மோகன்ராஜ் போட்டி.
Click it and Unblock the Notifications
Sign in with Google