திமுக கூட்டணிக்கு 21.. அமமுகவிற்கு 5.. அதிமுகவிற்கு 12.. நியூஸ் எக்ஸ் சர்வேயில் ஷாக்!

நியூஸ் எக்ஸ் கருத்து கணிப்பின்படி தமிழகத்தில் திமுக கூட்டணி 21 இடங்களைக் கைப்பற்றும் என்று கூறப்பட்டு இருக்கிறது.

சென்னை: நியூஸ் எக்ஸ் கருத்து கணிப்பின்படி தமிழகத்தில் திமுக கூட்டணி 21 இடங்களைக் கைப்பற்றும் என்று கூறப்பட்டு இருக்கிறது. மாவட்ட வாரியான கணிப்புகள் வெளியாகி உள்ளது.

லோக்சபா தேர்தலில் தமிழகத்தில் மொத்தம் 38 இடங்களில் தேர்தல் நடைபெற்றது. வேலூர் தொகுதிக்கு தேர்தல் நடைபெறவில்லை.

லோக்சபா தேர்தல் தற்போது நடந்து முடிந்துள்ளது. 7 கட்டமாக தேர்தல் நடந்து, இன்று மாலையோடு வாக்குப்பதிவு முடிந்துள்ளது. இந்த நிலையில் தமிழகத்தில் நியூஸ் எக்ஸ் நடத்திய தேர்தலுக்கு பிந்தைய கருத்து கணிப்பு வெளியாகி உள்ளது.

அதிமுக வெற்றி பெறும் இடங்கள்

அதன்படி அதிமுக கூட்டணி 12 இடங்களை வெல்ல வாய்ப்புள்ளது. அதிமுக நாகப்பட்டினம், நாமக்கல், நீலகிரி, பெரம்பலூர், ஆரணி, தேனி, திருவள்ளூர், திருப்பூர், கரூர் இடங்களை வெல்லும்.

பாமக வெற்றி

பாமக தர்மபுரியில் வெல்லும். பாஜக ராமநாதபுரத்தில் வெல்லும். தேமுதிக கள்ளக்குறிச்சியில் வெல்லும் என்று கணிக்கப்பட்டு இருக்கிறது.

அமமுக ஐந்து இடங்கள்

அமமுக ஐந்து இடங்களில் வெல்லும் என்றும் கணிக்கப்பட்டுள்ளது. விருதுநகர், கோவை, மதுரை, பொள்ளாச்சி, திருச்சிராப்பள்ளியில் அமமுக வெல்லும் என்று கணிக்கப்பட்டுள்ளது.

திமுக வெற்றி

திமுக கூட்டணி 21 இடங்களைக் கைப்பற்றும். அரக்கோணம், மத்திய சென்னை, வடசென்னை, தென்சென்னை, கடலூர், திண்டுக்கல், காஞ்சிபுரம், மயிலாடுதுறை, சேலம், ஸ்ரீபெரும்புதூர், தென்காசி, தஞ்சாவூர், தூத்துக்குடி, திருநெல்வேலி, திருவண்ணாமலை இடங்களை வெல்லும்.

காங்கிரஸ் வெற்றி

கன்னியாகுமரி, கிருஷ்ணகிரி, சிவகங்கையில் காங்கிரஸ் வெற்றி பெறும். விழுப்புரம், சிதம்பரத்தில் விடுதலை சிறுத்தைகள் வெற்றி பெறும். ஈரோட்டில் மதிமுக வெற்றி பெறும் என்று கணிக்கப்பட்டுள்ளது.

English summary

Lok Sabha Exit Poll Results 2019: DMK will 21 seats says News X Survey.