புது உருட்டா இருக்கு.. கோழி சாப்பிட்டா முட்டை போடுவோமா.. தமிழா தமிழா நிகழ்ச்சியில் லொல்லு சபா ஜீவா!
சென்னை : சேவல் சாப்பிட்டால் கூவுவோம், ஆடு,மாடு சாப்பிட்டால் முட்டுவோம், பாம்பு சாப்பிட்டால் கொத்துவோம்... என்பது போல் லொல்லு சபா ஜீவா தமிழா தமிழா நிகழ்ச்சியில் பேசிய பேச்சு சர்ச்சையாக மாறி உள்ளது.
ஜி தமிழ் தொலைக்காட்சியில் தமிழா தமிழா நிகழ்ச்சி ஒளிபரப்பாகிறது. இந்த வார நிகழ்ச்சில் சிறப்பு விருந்தினராக நடிகர் லொல்லு சபா ஜீவா கலந்து கொண்டார்.
இவர் நிகழ்ச்சியில் லொல்லு சபா ஜீவா பேசும் போது, நான் வெஜ் எவ்வளவுக்கு எவ்வளவு நாம் சாப்பிடுகிறோமோ, எந்த மிருகத்தை சாப்பிடுகிறோமோ, குறிப்பாக கோழியோ, ஆடோ, மாடோ எது நம்ம சாப்பிடுறோமோ, அந்த உயிரினம் போல் நாமும் நடந்து கொள்வோம். அந்த விலங்குகளின் தன்மை நமக்குள் வரும் என்று கூறினார்.
இப்படியாக அசைவம் குறித்து நடிகர் லொல்லு சபா ஜீவா பேசியதை கேட்டு தமிழா தமிழா நிகழ்ச்சியில கைதட்டினார்கள். இப்படியாக அந்த சிறு வீடியோ முடிகிறது.இந்த வீடியோவை பார்த்த பலர், லொல்லு சபா ஜீவாவை கடுமையாக விமர்சித்து வருகிறார்கள். அசைவம் சாப்பிடும் பலரும் ஜீவாவை பேச்சை கிண்டல் செய்யும் அதேநேரம் கடுயைமாக கண்டித்தும் வருகிறார்கள்.
இது என்னடா புது உருட்டா இருக்கு.. நாளைக்கே கோழிய சாப்பிட்டு முட்டை போடுவோமா என்று கேட்கிறார்கள், ஆடு , மாடு சாப்பிட்டா கொஞ்ச நாள்லயே பியூர் வெஜிடேரியன் ஆயிடுவோமா என்று ஜீவாவை கேள்விகளால் துளைத்து வருகிறார்கள். சேவல் சாப்பிட்டால் கூவுவோமா, ஆடு,மாடு சாப்பிட்டால் முட்டுவோமா, பாம்பு சாப்பிட்டால் கொத்துவோமா என்றும் கேள்விகளை பலர் எழுப்பி வருகிறார்கள். தக்காளி சாப்பிடட் சிகப்பா ஆகிடுவோமா...முறுங்கக்கா காப்பிட்டா, நல்லா முறுக்கி கிட்டு இருப்போமா என்றும் கேட்கிறார்கள் சிலர்.
சேவல் சாப்பிட்டால் கூவிவோம்,
— Iyan Karthikeyan (@Iyankarthikeyan) September 20, 2023
ஆடு,மாடு சாப்பிட்டால் முட்டுவோம்,
பாம்பு சாப்பிட்டால் கொத்துவோம்...
இத நீங்க மறுக்கவே முடியாது 😉 pic.twitter.com/Y1MEmb5vyP
சைவம் சாப்பிடுபவர்கள் , அசைவம் சாப்பிடுபவர்கள் யாராக இருந்தாலும், அவர்கள் உணவு என்பது அவர்கள் உரிமை. உணவு என்பது அடிப்படை உரிமை என்கிற போது, அதன் மேல் தவறான புரிதலை பரப்ப வேண்டாம் என்று நெட்சன்கள் லொல்லு சபா ஜீவாவிடம் வலியுறுத்த உள்ளனர். அதேநேரம் இதையெல்லாம் சிரித்துக் கொண்டே நடத்தும் நிகழ்ச்சி தொகுப்பாளர் ஆவடையப்பனை பாராட்ட வேண்டும் என்று சிலர் கூறியுள்ளனர்.
Click it and Unblock the Notifications
Sign in with Google