லொள்ளு சபா மனோகர் வீட்டில் விஷேசம்.. மறக்காமல் போன நடிகர் கிங் காங்! கூப்பிட்டும் போகாத சந்தானம்!
சென்னை: சமீபத்தில் மிக எளிமையாக நடைபெற்றிருக்கிறது பிரபல காமெடி நடிகரான லொள்ளு சபா மனோகர் இல்ல திருமண நிகழ்வு. பெரிய அளவில் நட்சத்திர பட்டாளங்கள் இல்லாமல் குடும்பத்தினர் மட்டுமே திருமண நிகழ்ச்சியில் கலந்து கொண்டுள்ளனர். ஒரு சில நடிகர்கள் மட்டுமே அந்த நிகழ்ச்சியில் பங்கேற்ற நிலையில், அழைப்பு விடுத்தும் நடிகர் சந்தானம் திருமண நிகழ்வில் கலந்து கொள்ளவில்லை என சொல்லப்படுகிறது.
தமிழ் திரையுலகில் காமெடி நடிகர்களுக்கு தற்போது பஞ்சம் என்றுதான் சொல்ல வேண்டும். கவுண்டமணி செந்தில், வடிவேலு, சந்தானம், சூரி போன்றவர்கள் காமெடியில் கலக்கி வந்த நிலையில் தற்போது செந்தில் கவுண்டமணி ரிட்டயர்ட் ஆகிவிட்டார்கள்.
சந்தானமும் சூரியும் ஹீரோவாகிவிட்டனர். அதனால் துணை நடிகர்களுக்கும் வேலை இல்லாமல் போய்விட்டது. அப்படி ஒரு காலத்தில் அனைத்து திரைப்படங்களிலும் காமெடி நடிகர்களுடன் கைகோர்த்து கலக்கியவர் லொள்ளுசபா மனோகர்.
லொள்ளு சபா மனோகர்
விஜய் டிவியின் லொள்ளு சபா நிகழ்ச்சியின் மூலம் பிரபலமாகி அதற்குப் பிறகு சந்தானத்தின் பல்வேறு திரைப்படங்களில் நடித்திருக்கிறார். சந்தானம் காமெடியனாக நடித்தாலும், ஹீரோவாக நடித்தாலும் ஒரு சில காட்சிகளிலாவது லொள்ளு சபா மனோகர் இல்லாமல் இருக்க மாட்டார். அந்த அளவுக்கு பல ஆண்டுகளாகவே இருவரும் மிகவும் நெருக்கம். இந்த நிலையில் தான் சமீபத்தில் லொள்ளு சபா மனோகரின் மகள் சித்ராவின் திருமணம் நடைபெற்றிருக்கிறது.
மகள் திருணம்
மிக எளிமையான முறையில் நடைபெற்ற இந்த திருமணத்தில் உறவினர்கள் மற்றும் தனக்கு நெருக்கமான நடிகர்களுக்கு மட்டுமே லொள்ளு சபா மனோகர் அழைப்பு விடுத்திருந்தார். குறிப்பாக தனது நீண்ட கால நண்பரான சந்தானத்துக்கு நேரில் சென்று அழைப்பு விடுத்த லொள்ளு சபா மனோகர் கண்டிப்பாக அவரை திருமணத்திற்கு வர வேண்டும் என அழைத்திருந்தாராம்.
நடிகர் சந்தானம்
ஆனால் கடைசிவரை அந்த திருமண நிகழ்வில் சந்தானம் பங்கேற்கவில்லை என சொல்லப்படுகிறது. அதே நேரத்தில் காமெடி நடிகர் கிங்காங் அந்த திருமணத்தில் கலந்து கொண்டிருக்கிறார். தற்போது அந்தப் புகைப்படங்கள் தான் சமூக வலைதளங்களில் அதிகமாகப் பகிரப்பட்டு வருகிறது.
விஜய் டிவி
விஜய் டிவி வெள்ளித்திரைக்கு அனுப்பிய நடிகர்களில் ஒருவர் லொள்ளு சபா மனோகர். திரைப்படங்களை ஸ்பூஃப் செய்யும் விஜய் டிவியின் லொள்ளு சபா நிகழ்ச்சியின் மூலம் பிரபலமானதால் லொள்ளு சபா மனோகர் என்றே அவர் அழைக்கப்படுகிறார். அவருடன் லொள்ளு சபா நிகழ்ச்சியில் பங்கேற்றவர்கள் சந்தானம், யோகி பாபு உள்ளிட்ட பலர் என்பது குறிப்பிடத்தக்கது. தொடர்ந்து சந்தானத்தின் மூலம் திரையுலகில் அறிமுகமானாலும் தற்போது வரை பல படங்களில் காமெடியனாகவும் குணச்சித்திர வேடங்களிலும் நடித்து வருகிறார்.
வறுமை நிலை
தோரணை, அலெக்ஸ் பாண்டியன், எனக்கு இன்னொரு பேர் இருக்கு உள்ளிட்ட படங்களில் நடித்து இருக்கிறார். சமீபத்தில் கூட ஈமெயில், இஎம்ஐ உள்ளிட்ட படங்களில் அவர் நடித்திருந்தது குறிப்பிடத்தக்கது. உடல் மொழி மூலமே சிரிக்க வைக்கும் நடிகர்கள் தமிழ் சினிமாவில் மிகவும் குறைவு. அந்த வகையில் தனது தனித்த உடல் மொழியால் பிரபலமானாலும் போதிய வாய்ப்புகள் இன்றி தற்போது வரை வறுமையான நிலையில்தான் லொள்ளு சபா மனோகர் இருக்கிறார் என்பது குறிப்பிடத்தக்கது.
Click it and Unblock the Notifications
Sign in with Google