தமிழகத்தில் அடுத்த முதல்வர் யார்! ஸ்டாலினை தொடும் தூரத்தில் விஜய்! லயோலா கருத்து கணிப்பு

சென்னை: தமிழகத்தில் அடுத்த முதல்வர் யார் என்று லயோலா கல்லூரி முன்னாள் மாணவர்கள் நடத்திய கருத்துக் கணிப்பில் பல்வேறு தகவல்கள் வெளியாகியுள்ளன. அதில் முதல்வர் ரேஸில் ஸ்டாலினை தொடும் தூரத்தில் விஜய் இருக்கிறார் என்ற தகவல்களும் வெளியாகியுள்ளது.

சென்னை லயோலா கல்லூரியின் முன்னாள் மாணவர்களால் உருவாக்கப்பட்ட இந்திய அரசியல் ஜனநாயக யுக்திகள் அமைப்பு (ஐபிடிஎஸ்) சார்பில் வரும் சட்டசபை தேர்தலில் யார் முதல்வர் என்ற கருத்துக் கணிப்பு நடத்தப்பட்டது.

கடந்த 25 ஆண்டுகளாக இவர்கள் கருத்துக் கணிப்புகளை நடத்தி வருகிறார்கள். இவர்களது கணிப்புகள் பெரும்பாலும் நம்பகத்தன்மை கொண்டது என்ற சொல்லப்படுகிறது.

அந்த வகையில் பல்வேறு தரவுகள், பிரிவுகளின் கீழ் நடத்தப்பட்ட கருத்துக் கணிப்புகளின் முடிவுகள் இன்று வெளியானது. அதில் தமிழகத்தின் அடுத்த முதல்வர் யார் என்ற கேள்வி எழுப்பப்பட்டது.

அதிகபடியானோர் ஸ்டாலினை சொல்லியிருக்கிறார்கள். அது போல் அவருக்கு அடுத்து விஜய், எடப்பாடி பழனிசாமி, அண்ணாமலை, சீமான் அல்லது கனிமொழி என சொல்லியிருக்கிறார்கள்.

நகர்ப்புறங்களில் யாருக்கு ஆதரவு என்ற கேள்விக்கு திமுகவுக்கு என்று 24.77 சதவீதத்தினரும், தவெகவுக்கு என 23.46 சதவீதத்தினரும், அதிமுகவுக்கு என 20.55 சதவீதத்தினரும், நாதகவுக்கு என 6.7 சதவீதம் பேரும் தெரிவித்துள்ளனர்.

இதே வாக்கு வங்கி என்ற கணக்கில் பார்த்தால் தவெகவுக்கு 19.20 சதவீதமும், திமுகவுக்கு 17.7 சதவீதமும் அதிமுகவுக்கு 15.32 சதவீதமும் இருப்பதாக சொல்லப்படுகிறது.

எனவே யாருக்கு ஆதரவு என்பதில் முதல்வர் ஸ்டாலின் முதலிடத்திலும் வாக்கு எண்ணிக்கை அடிப்படையில் விஜய் முதலிடத்திலும் இருப்பதால் அடுத்த முதல்வர் யார் என்ற கேள்விக்கு இருவருக்கு வாய்ப்பிருப்பதாக கருதப்படுவதாக தெரிவித்துள்ளனர்.