அம்மாடியோவ்.. ஒரே நாளில் ரூ.105 உயர்ந்தது வணிக பயன்பாட்டிற்கான சிலிண்டர்.. இப்போது விலை என்ன?

Updated: Tuesday, March 1, 2022, 8:44 [IST]

Subscribe to Oneindia Tamil

சென்னை: நாடு முழுக்க வணிக பயன்பாட்டிற்கான சமையல் எரிவாயு விலை உயர்ந்துள்ளது. 19 கிலோ எரிவாயு சிலிண்டரின் விலை 105 ரூபாய் உயர்ந்துள்ளது.

சமையல் எரிவாயு விலை தொடர்ந்து நாடு முழுக்க உயர்ந்து வருகிறது. கொரோனா பரவல் காரணமாக ஏற்பட்ட பொருளாதார சரிவு காரணமாக கடந்த இரண்டு வருடங்களில் நான்கு முறைக்கும் மேல் சிலிண்டர் விலை உயர்ந்தது.

அதை தொடர்ந்து தற்போது ரஷ்யா - உக்ரைன் போர் காரணமாக சர்வதேச அளவில் எரிவாயு தட்டுப்பாடு ஏற்படும் நிலையை உண்டாக்கி உள்ளது. பெட்ரோல் டீசல் விலை இதனால் உயரும் அபாயம் ஏற்பட்டுள்ளது.

பெட்ரோல்

5 மாநில சட்டசபை தேர்தலுக்கு பின் நாடு முழுக்க பெட்ரோல் டீசல் விலையில் கணிசமான உயர்வு இருக்கும் என்று எதிர்பார்க்கப்படுகிறது. இந்த நிலையில்தான் நாடு முழுக்க வணிக பயன்பாட்டிற்கான சமையல் எரிவாயு விலை உயர்ந்துள்ளது. இன்று காலை இந்த புதிய உயர்வு அமலுக்கு வந்தது. 19 கிலோ எரிவாயு சிலிண்டரின் விலை 105 ரூபாய் உயர்ந்துள்ளது.இதனால் வணிக பயன்பாட்டிற்கான 19 கிலோ எரிவாயு சிலிண்டர் 2145.50 ரூபாய்க்கு விற்பனை செய்யப்படுகிறது.

சிலிண்டர்

அதேபோல் வணிக பயன்பாட்டிற்கான 5 கிலோ எரிவாயு சிலிண்டர் 27 ரூபாய் உயர்த்தப்பட்டு உள்ளது.5 கிலோ சிலிண்டரின் புதிய விலை 569 ரூபாய் ஆகும். மாறாக வீட்டு பயன்பாட்டிற்கான சிலிண்டர் விலையில் எந்த விதமான உயர்வும் ஏற்படவில்லை. இந்தியாவில் 14.2 கிலோ எடை கொண்ட குடும்ப பயன்பாட்டிற்கான சிலிண்டர் விலை 902.50 ரூபாயாக உள்ளது குறிப்பிடத்தக்கது.

டீசல் விலை

சர்வதேச அளவில் கச்சா எண்ணெய் விலை தொடர்ந்து உயர்ந்து வருகிறது. கச்சா எண்ணெய் ஒரு பேரல் 99 டாலரை சர்வதேச அளவில் நெருங்கி உள்ளது. இருப்பினும் இந்தியாவில் தொடர்ந்து பெட்ரோல், டீசல் விலை உயர இருக்கிறது. பெட்ரோல், டீசல் விலை விவரம் பின்வருமாறு.