சமையல் கேஸ் சிலிண்டர் விலையில் புது மாற்றம்.. வெளியானது லிஸ்ட்.. மாவட்டத்துக்கு மாவட்டம் வித்தியாசம்?

Published: Thursday, September 7, 2023, 13:00 [IST]

Subscribe to Oneindia Tamil

சென்னை: தமிழகத்தில் கேஸ் சிலிண்டர் விலை பட்டியல் வெளியாகி உள்ளது.. அத்துடன், சமையல் கேஸ் சிலிண்டர் குறித்து முக்கிய அறிவுரை ஒன்றும் தரப்பட்டுள்ளது.

சமையல் கேஸ் சிலிண்டர் விலை நாளுக்கு நாள் உயர்ந்து கொண்டே வரும்நிலையில், கடந்த மாதம் எந்த ஒரு மாற்றமும் இல்லாமல் இருந்தது. ஆனால், ஒவ்வொரு மாதமும் சிலிண்டரின் விலை அதிகரிக்கும் பட்சத்தில் பொதுமக்களின் நலன் கருதி வீட்டில் உபயோகப்படுத்தும் சமையல் சிலிண்டருக்கு மானியம் வழங்கப்பட்டு வருகிறது.

LPG Gas Cylinder Price and Do You know What are the changes in gas cylinder prices in Tamil Nadu districts

விலைப்பட்டியல்: அந்த வகையில், தமிழகத்தில் எல்பிஜி சிலிண்டரின் விலை ரூ.1118.50க்கு விற்பனை செய்யப்பட்டு வருகிறது.. மற்ற மாநிலத்துடன் ஒப்பிடும் போது தமிழகத்தில், கடந்த வாரம் வீட்டில் உபயோகம் செய்யப்படும் 14.2 கிலோ எடையுள்ள எல்பிஜி சிலிண்டரின் விலை குறைந்திருந்தது.

அதாவது, அரியலூரில் சிலிண்டரின் விலை ரூ. 1140க்கும், சென்னையில் ரூ. 1118.50 க்கும், கோயம்புத்தூரில் ரூ.1132க்கும், கூடலூரில் ரூ.1139 க்கும், தர்மபுரியில் ரூ.1141 க்கும், திண்டுக்கல்லில் ரூ.1145 க்கும், ஈரோட்டில் 1137.50 க்கும், கள்ளக்குறிச்சியில் 1150-க்கும், காஞ்சிபுரத்தில் ரூ.1118.50 க்கும், கன்னியாகுமரியில் ரூ.1187 க்கும், கரூரில் ரூ.1157.50 க்கும் என ஒவ்வொரு மாவட்டங்களிலும் மற்ற மாநிலத்தை ஒப்பிடும்போது சிலிண்டரின் விலை குறைந்திருந்தது.

கூடுதல் வசூல்: இந்நிலையில், தமிழகத்தில் கேஸ் சிலிண்டர் விலையில் இன்றும் மாற்றம் தென்பட்டுள்ளது.. அதாவது, ஒவ்வொரு மாவட்டத்திலும் ஒவ்வொரு மாதிரியான விலை பதிவாகி உள்ளது.. இதில், சில இடங்களில் ஏற்கனவே, நிர்ணயம் செய்யப்பட்ட விலையைவிட, சற்று கூடுதலாக வசூலிக்கப்படுவதாக புகாரும் கிளம்பி உள்ளது..

இந்த மாத தொடக்கத்தில் சிலிண்டர் விலை ரூ. 200 குறைக்கப்பட்டுள்ள நிலையில், தமிழகத்தில் எந்தெந்த மாவட்டத்தில், எவ்வளவு விலை நிர்ணயம் செய்துள்ளது என்பது குறித்த அறிவிப்பும் வெளியாகி, அதன் லிஸ்ட்டும் வெளியாகி உள்ளது.