சாக்ஷிக்கு தமிழில் கெட்ட வார்த்தை தெரியும்.. ஆனா எனக்குத்தான் தெரியாது.. தல தோனி இப்படி சொல்லிட்டாரே

சென்னை: தனது மனைவி சாக்ஷிக்கு தமிழில் ஒரு கெட்ட வார்த்தைக் கூட கற்றுக் கொடுத்தது கிடையாது என சென்னை சூப்பர் கிங்ஸ் அணியின் கேப்டன் தோனி தெரிவித்துள்ளார்.

மஞ்சள் படை தலைவன் தோனிக்கு எக்கச்சக்க ரசிகர்கள் உள்ளனர். அவரை பாரப்பதற்காகவே ஆயிரக்கணக்கில் டிக்கெட்டை வாங்கிக் கொண்டு மைதானத்தில் எங்கோ ஒரு மூலையில் இருந்து கொண்டு தோனியை ரசிகர்கள் ஆரவாரம் செய்து மகிழ்வார்கள்.

தோனி களமிறக்கப்பட்டால் ஆட்டத்தின் தலையெழுத்தை மாற்றி எழுதுவார் என்ற பேச்சு இருக்கிறது. அது போல் தொடர்ந்து ஐபிஎல் கோப்பையையும் சென்னை சூப்பர் கிங்ஸ் அணியே பெற்று வருகிறது.

அண்மையில் நடந்த ஐபிஎல் தொடரில் கூட கடைசி நேரத்தில் 2 பால்களில் 10 ரன்கள் எடுத்தால் மட்டுமே சிஎஸ்கேவுக்கு வெற்றி என்ற இலக்கு நிர்ணயிக்கப்பட்டது. அப்போது தோனி காரிடாரில் உட்கார்ந்து கொண்டு கண்களை மூடி தியானம் செய்து கொண்டிருந்தார். அப்போது ஜடேஜா பவுண்டரியையும் சிக்ஸரையும் விளாசினார்.

கூட்டத்தினர் சப்தத்தை கேட்ட தோனி ஓடி சென்று ஜடேஜாவை அப்படியே தூக்கிக் கொண்டார். இப்படி கிரிக்கெட்டில் சாதனை படைத்த தோனி சினிமா துறையிலும் களமிறங்கியுள்ளார். தோனி என்டர்டெயின்மென்ட் என்ற தயாரிப்பு நிறுவனத்தை தொடங்கியுள்ளார். இந்த நிறுவனத்தின் மூலம் எல்ஜிஎம் எனப்படும் Lets Gets Married எனும் படத்தை தயாரித்துள்ளார்.

அறிமுக இயக்குநரான ரமேஷ் தமிழ்மணி இயக்கத்தில் ஹரீஷ் கல்யாண், இவானா, நதியா, யோகிபாபு, தொகுப்பாளர் விஜய், சாண்டி மாஸ்டர் உள்ளிட்டோர் நடிப்பில் இந்த படம் உருவாகியிருக்கிறது. காதல் வயப்பட்டு திருமணத்தில் முடியவுள்ள நிலையில் நடிகர் ஹரீஷுக்கும் இவானாவுக்கும் இடையே சிறிய வாக்குவாதம் ஏற்படுகிறது.

இதையடுத்து ஹரீஷின் தாயை ஒரு டிரிப்பிற்கு இவானா அழைத்து செல்கிறார். அங்கு என்ன நடக்கிறது என்பதுதான் கதை. நகைச்சுவையான படமாக இது உள்ளது. இந்த படத்தின் டிரெய்லர் வெளியீட்டு விழா சென்னையில் நடந்தது. இந்த விழாவில் மனைவி சாக்ஷியுடன் தோனி கலந்து கொண்டு டிரெய்லரை வெளியிட்டார்.

அப்போது தோனி பேசுகையில் சென்னையில்தான் முதல் டெஸ்ட் போட்டி விளையாடினேன். அதிக டெஸ்ட் போட்டி ரன்களை எடுத்ததும் சென்னையில்தான். சென்னை மக்கள் என்னை எப்போதோ தத்தெடுத்துவிட்டார்கள். எனது முதல் படமும் தமிழில் வெளியாகவுள்ளது. அது போல் படத்தின் இசை வெளியீட்டு விழா மற்றும் டிரெய்லர் வெளியீட்டு விழாவும் சென்னையில்தான் நடக்கிறது.

படப்பிடிப்பு தளத்தில் அனைவருக்கும் ஒரே மாதிரியான உணவு முறையாக வழங்கப்பட வேண்டும் என கூறியிருந்தேன். படப்பிடிப்பில் கதையில் நான் எந்த தலையீடும் செய்யவில்லை. படம் முடிந்தவுடன் எனக்கு ஒரு முறை போட்டுக் காட்டினால் போதும். எனது மனைவி சாக்ஷிக்கு தமிழில் ஒரு கெட்ட வார்த்தை கூட நான் கற்று கொடுத்தது கிடையாது.

ஆனால் அவருக்கு தமிழில் கெட்ட வார்த்தைகள் எல்லாமே தெரியும். ஆனால் எனக்கு தமிழில் கெட்ட வார்த்தைகள் தெரியாது. ஆனால் மற்ற மொழிகளில் தெரியும். சென்னையில் எனக்கு கிடைக்கும் அன்பை வார்த்தைகளால் விவரிக்க முடியாது. சென்னை எனக்கு மிகவும் முக்கியமான நகரம். இவ்வாறு தோனி தெரிவித்தார்.

English summary

Cricketer M.S.Dhoni in Chennai says that he didnt teach even one bad word in Tamil to his wife Sakhshi. But she knows already.