கொங்கு மண்டலத்தின் டாப் லீடர்.. சிங்கம் களமிறங்க போகுதே.. தவெகவிற்கு வரும் தலை.. விஜய் முடிவு என்ன?
சென்னை: கொங்கு மண்டலத்தை சேர்ந்த மூத்த தலைவர் ஒருவர் விரைவில் விஜயின் தமிழக வெற்றிக் கழகம் கட்சியில் இணைய வாய்ப்புள்ளதாக தகவல் வருகிறது.
அரசியல் கட்சியில் தற்போது எந்தப் பதவியிலும் இல்லாத ஒரு மூத்த தலைவர், நடிகர் விஜய்யின் தமிழக வெற்றிக் கழகத்தில் (TVK) விரைவில் இணையவுள்ளார் என்ற தகவல்கள் வெளியாகி உள்ளன. இது தமிழக அரசியலில் ஒரு பெரிய மாற்றத்தை உருவாக்கும் என எதிர்பார்க்கப்படுகிறது. சமீபத்தில் ஒரு நட்சத்திர ஹோட்டலில் நடைபெற்ற பேச்சுவார்த்தைக்குப் பிறகு இந்த முடிவு எட்டப்பட்டதாக அரசியல் வட்டாரங்கள் தெரிவிக்கின்றன.
ஐந்து நட்சத்திர ஹோட்டலில் மீட்டிங்
இந்த ரகசியப் பேச்சுவார்த்தை ஓர் ஐந்து நட்சத்திர ஹோட்டலில் நடந்துள்ளது. இதில் அரசியல் ஆலோசகர்களும், இரு தரப்பிலிருந்தும் முக்கிய உதவியாளர்களும் கலந்துகொண்டனர். ஊடகங்களின் கவனம் திரும்பாமல் இருப்பதற்கும், சம்பந்தப்பட்ட தலைவரின் கட்சியில் எந்தவொரு உள் குழப்பமும் ஏற்படாமல் தடுப்பதற்கும் இந்த சந்திப்பு திட்டமிடப்பட்டதாகக் கூறப்படுகிறது.
தமிழகத்தைச் சேர்ந்த இந்த அரசியல் தலைவர், பல கட்சிகளால் தற்போது புறக்கணிக்கப்பட்டு உள்ளார். அண்மையில் பிரதமர் மோடியும்கூட இவரைப் புறக்கணித்தார். இந்தச் சூழலில், தனது உறவினரைச் சந்திக்க சென்ற அந்தத் தலைவரிடம், நடிகர் விஜய்யுடன் கைகோர்க்குமாறு சிலர் வற்புறுத்தி உள்ளனர். இந்த யோசனையை அவர் ஏற்றுக்கொண்டதாக தகவல்கள் தெரிவிக்கின்றன.
இந்த அரசியல் தலைவர் யார் என்பது குறித்து அதிகாரப்பூர்வமாக எதுவும் உறுதி செய்யப்படவில்லை. ஆனால், தெற்கு தமிழ்நாட்டில் இவருக்கு கணிசமான ஆதரவுத் தளம் இருப்பதாகவும், தற்போதைய கட்சியில் இவர் ஒரு செல்வாக்கு மிக்க நபராக இருந்ததாகவும் வட்டாரங்கள் தெரிவிக்கின்றன.
கட்சி மாறும் தலைவர்
இந்த இணைப்புப் பேச்சுவார்த்தையில், அரசியல் வியூக நிபுணர்களும், வணிக இடைத்தரகர்களும் முக்கியப் பங்காற்றியுள்ளனர். தமிழக வெற்றிக் கழகத்தின் பிரதிநிதிகளுடன் அந்தத் தலைவரின் குழு நடத்திய பேச்சுவார்த்தையில், அதிகாரப் பகிர்வு, தேர்தல் வியூகங்கள் மற்றும் தமிழகத்திற்கான TVK-ன் நீண்டகால இலக்குகள் ஆகியவை குறித்து விரிவாக விவாதிக்கப்பட்டதாகக் கூறப்படுகிறது.
சட்டமன்றத் தேர்தலுக்கு இன்னும் காலம் இருக்கும் நிலையில், விஜய்யின் தமிழக வெற்றிக் கழகம் இளைஞர்கள் மற்றும் புதிய வாக்காளர்கள் மத்தியில் பெரும் வரவேற்பைப் பெற்று வருகிறது. இந்த இணைப்பு, TVK ஒரு வலுவான போட்டியாளராக உருவெடுக்கும் என்பதற்கான ஓர் அறிகுறியாகப் பார்க்கப்படுகிறது. இந்த இணைப்பு நடந்தால், அது சில கட்சிகளுக்குள் பிளவுகளை உருவாக்கலாம் என்றும் அரசியல் ஆய்வாளர்கள் கருதுகின்றனர்.
கொங்கு மண்டலத்தில் வலிமை
முக்கியமாக கொங்கு மண்டலத்தில் விஜயின் அரசியல் கட்சி வலிமை பெறும் வாய்ப்புகள் உள்ளன. மறுபுறம், இந்த இணைப்பு TVK-க்கு நம்பகத்தன்மையை அதிகரிக்கும். அனுபவமின்மையால் தவிக்கும் அக்கட்சிக்கு இது ஒரு பெரிய உத்வேகத்தை அளிக்கும். இந்தச் சந்திப்பு குறித்து விஜய் அல்லது தமிழக வெற்றிக் கழகத்தின் அதிகாரப்பூர்வ செய்தித் தொடர்பாளர்கள் இதுவரை எந்த அறிக்கையும் வெளியிடவில்லை.
இருப்பினும், விஜய்யின் அடுத்த பெரிய பொது நிகழ்வில் இது குறித்த அதிகாரப்பூர்வ அறிவிப்பு வெளியாகும் என்று எதிர்பார்க்கப்படுகிறது. அது TVK மாநாடாகவோ அல்லது பேரணியாகவோ இருக்கலாம். சென்னை அரசியல் வட்டாரங்களில் இது குறித்து தீவிர விவாதங்கள் நடந்து வருகின்றன. இந்த நகர்வு எப்படிப்பட்ட தாக்கத்தை ஏற்படுத்தும், பிற கட்சிகள் TVK-ன் அரசியல் திட்டங்களை எப்படி எதிர்கொள்ளும் என்பதை பொறுத்திருந்துதான் பார்க்க வேண்டும்.
Click it and Unblock the Notifications
Sign in with Google