கையில் டார்ச் லைட்.. முகம் நிறைய புன்னகை.. பணம் மட்டும் மிஸ்ஸிங். பதறிப்போன பத்மபிரியா!

Updated: Tuesday, March 16, 2021, 23:46 [IST]

Subscribe to Oneindia Tamil

சென்னை: மதுரவாயல் தொகுதியில் மக்கள் நீதி மய்யம் வேட்பாளர் பத்மப்ரியா, தங்கள் கட்சி சின்னமான டார்ச் லைட்டுடன் வேட்பு மனு தாக்கல். செய்தார். அப்போது வேட்புமனுவுக்கான கட்டண பணத்தை மறந்து வந்ததால் பரபரப்பு ஏற்பட்டது. அந்த பணத்தை அவரது உதவியாளர் வந்து கொடுத்து மனு தாக்கல் செய்ய வைத்தார்.

டிடிவி வேட்புமனு

நேற்று மக்கள் நீதி மய்யம் கட்சி தலைவர் கமல்ஹாசன் கோவை தெற்கு தொகுதியில் வேட்பு மனு தாக்கல் செய்தார். இதேபோல் அமமுக பொதுச்செயலாளர் டிடிவி தினகரன், கோவில்பட்டியில் வேட்பு மனு தாக்கல் செய்தார். இதுமட்டுமின்றி அதிமுக அமைச்சர்கள் மற்றும் எம்எல்ஏக்கள் பலர் நேற்று வேட்பு மனு தாக்கல் செய்தார்கள்.

டார்ச் லைட்

இன்று மதுரவாயல் தொகுதியில் மக்கள் நீதி மய்யம் வேட்பாளர் பத்மப்ரியா, வேட்பு மனு தாக்கல் செய்தார். மதுரவாயல் வட்டாட்சியர் அலுவலகத்தில் மக்கள் நீதி மய்யம் சார்பில் போட்டியிடும் மநீம கட்சி சுற்றுச்சூழல் பாதுகாப்பு மாநிலச் செயலாளரும் அக்கட்சி மதுரவாயல் தொகுதி வேட்பாளர் பத்மபிரியா தனது ஆதரவாளர்களுடன் கட்சி சின்னமான டார்ச் லைட்டை கையுடன் எடுத்து வந்தார் .

வேட்பு மனு கட்டணம்

மதுரவாயல் வட்டாட்சியர் அலுவலகத்தில் தேர்தல் நடத்தும் அலுவலர் இளங்கோவனிடம் வேட்புமனு தாக்கல் செய்து உறுதிமொழி ஏற்றுக் கொண்டார். முன்னதாக வேட்புமனு தாக்கல் செய்யும் முன்பு டெபாசிட் பணம் 10 ஆயிரம் ரூபாய் மறந்து வந்தார். பின்பு அவரது உதவியாளர் பணத்தை கொண்டு வந்து கொடுத்து மனு தாக்கல் செய்தார். இந்த சம்பவத்தால் சிறிது நேரம் பரபரப்பு ஏற்பட்டது.

முதல்முறை

மதுரவாயல் தொகுதியில் தி.மு.க., சார்பில் காரம்பாக்கம் கணபதி போட்டியிடுகிறார். அதிமுக சார்பில் இங்கு பெஞ்சமின் போட்டியிடுகிறார். இந்த தொகுதியில் அதிமுக திமுக நேரடியாக முதல்முறையாக போட்டியிடுகின்றன. இவர்களுக்கு மநீம வேட்பாளர் பத்ம பிரியா சவாலாக இருப்பார் என்று சொல்லப்படுகிறது.