அதிமுகவை விட... இரண்டு மடங்கு இடங்களில் திமுக முன்னிலை.. மாலை முரசு கருத்துக்கணிப்பு

சென்னை: வட மாவட்டங்களில் பாமக வாக்குகள் அதிமுகவுக்குக் கிடைத்தாலும்கூட திமுக கூட்டணியும் அங்கு வலுவாக உள்ளதால் அதிமுகவுக்கு அங்கு வெற்றி வாய்ப்பு குறைவாக உள்ளதாக மாலை முரசு தெரிவித்துள்ளது. இதுவரை 156 தொகுதிகளின் கருத்துக் கணிப்பு முடிவுகள் வெளியிடப்பட்டுள்ள நிலையில் திமுக+ 97 தொகுதிகள், அதிமுக+ 37 தொகுதிகள், அமமுக கூட்டணி ஒரு தொகுதி, 21 தொகுதிகளில் இழுபறி என்று மாலை முரசு தெரிவித்துள்ளது.

தமிழ்நாட்டில் அடுத்த வாரம் ஒரே கட்டமாகச் சட்டசபை தேர்தல் நடைபெறுகிறது. இந்தத் தேர்தல் தொடர்பாக பல்வேறு செய்தி நிறுவனங்களும் கருத்துக்கணிப்பு முடிவுகளை வெளியிட்டு வருகின்றன.

மாலை முரசு தொலைக்காட்சி தினசி 26 தொகுதிகள் என்ற வீதத்தில் கருத்துக்கணிப்பு முடிவுகளை தெரிவித்து வருகிறது. இன்று சேலம் மற்றும் வடக்கு மாவட்டங்களில் அமைந்துள்ள தொகுதிகளின் கருத்துக்கணிப்பு முடிவுகள் வெளியிடப்பட்டன.

தொடரும் திமுக ஆதிக்கம்

வந்தவாசி தொகுதியில் திமுக 50% வாக்குகளை பெறும். பாமக (அதிமுக+) 38% வாக்குகளுடன் இரண்டாம் இடத்தை பெறும். அமமுக+ 3%, நாம் தமிழர் 5%, மக்கள் நீதி மய்யம்+ 2% வாக்குகளையும் பெறும். செய்யாறு தொகுதியில் திமுக 48% வாக்குகளை பெறும். அதிமுக 41% வாக்குகளுடன் இரண்டாம் இடத்தை பெறும். அமமுக+ 2%, நாம் தமிழர் 4%, மக்கள் நீதி மய்யம்+ 2% வாக்குகளையும் பெறும்.

Array

ஆரணி தொகுதியில் திமுக 46% வாக்குகளை பெறும். அதிமுக 40% வாக்குகளுடன் இரண்டாம் இடத்தை பெறும். அமமுக+ 4%, நாம் தமிழர் 3%, மக்கள் நீதி மய்யம்+ 1% வாக்குகளையும் பெறும். போளூர் தொகுதியில் அதிமுக 45% வாக்குகளை பெறும். திமுக 43% வாக்குகளுடன் இரண்டாம் இடத்தை பெறும். அமமுக+ 1%, நாம் தமிழர் 3%, மக்கள் நீதி மய்யம்+ 2% வாக்குகளையும் பெறும்.

இன்று 14இல் திமுக 8இல் அதிமுக

கலசபாக்கம் தொகுதியில் அதிமுக 46% வாக்குகளை பெறும். திமுக 43% வாக்குகளுடன் இரண்டாம் இடத்தை பெறும் . அமமுக+ 3%, நாம் தமிழர் 3%, மக்கள் நீதி மய்யம்+ 2% வாக்குகளையும் பெறும். இன்று மொத்தம் 26 தொகுதிகளின் கருத்துக்கணிப்பு முடிவுகளை வெளியிட்டது. அதில் திமுக கூட்டணி 14 தொகுதிகளிலும், அதிமுக கூட்டணி 8 தொகுதிகளிலும் வெல்லும். 4 தொகுதிகளில் இழுபறி நீடிப்பதாக தகவல் என்று மாலை முரசு தெரிவித்துள்ளது. வட மாவட்டங்களில் பாமக வாக்குகள் அதிமுகவுக்குக் கிடைத்தாலும்கூட திமுக கூட்டணியும் அங்கு வலுவாக உள்ளதால் அதிமுகவுக்கு அங்கு வெற்றி வாய்ப்பு குறைவாக உள்ளதாக மாலை முரசு தெரிவித்துள்ளது.

திமுக முன்னிலை

இன்றுடன் சேர்த்து 6 நாட்களில் இதுவரை 156 தொகுதிகளின் கருத்து கணிப்பு முடிவுகளை வெளியிட்டுள்ளது மாலை முரசு. அதில் திமுக+ 97 தொகுதிகளிலும், அதிமுக+ 37 தொகுதிகளிலும் வெல்லும் என்று கூறப்பட்டுள்ளது. அதேபோல அமமுக கூட்டணி ஒரு தொகுதியில் வெல்லும். மேலும், 21 தொகுதிகளில் இழுபறி நீடிப்பதாகத் தகவல் மாலை முரசு தெரிவித்துள்ளது.

English summary

Malai murasu opinion polls who will win in Northern districts